Маркетингийн ойлголтууд...

Удахгүй “ЦЭЦЭГТ НУГЫН ЭРВЭЭХЭЙ” амилж, бүжиж дуулна...

2010-04-15T23:18:00.000-07:00

Монголын эстрадын урлагийн өвөг эцэг болсон “Баянмонгол” чуулгын 41 дэх жилийн ой удахгүй болно. Тус чуулга нь Монголын урлагийн сор болсон олон сайхан авьяастнуудыг ард түмэнтэйгээ танилцуулсан гавьяатай, жааз хөгжмийг хөгжүүлэхэд өөрийн үнэтэй хувь нэмрээ оруулсаар яваа ууган чуулга билээ.

Энэ чуулгын нэрт, гоцлол дуучин Л.ОЮУНЧИМЭГийг тэр үеийн залуус андахгүй сайн мэднэ. 1952 – 1999 оны хооронд амьдрах хугацаандаа Монголын эстрад урлагийн түүхийн алтан хуудсыг бичилцэж, цаашид хөгжих үндэс суурийг тавихад үнэтэй хувь нэмэр оруулсан уран бүтээлч байсан. Түүний бага хүү, бидний анд найз Э.Учрал ээжийгээ эргэн дурсч, уран бүтээлийг нь мөнхжүүлэх үүднээс “ЦЭЦЭГТ НУГЫН ЭРВЭЭХЭЙ” хэмээх төслийг санаачлан ажиллаж эхлээд байна. Тэрээр тус чуулгын дуучин, асан, хайрт ээж Л,Оюунчимэгийнхээ уран бүтээлийг олон нийтэд хүргэхээр шийдэн, шилдэг дуунуудаас бүрдсэн “Цэцэгт нугын эрвээхэй” хэмээх алтан цомог (Audio CD) - ийг гаргах гэж байгаа юм байна.

Э.Учрал хэлэхдээ: “Монголын эстрад урлагийн тvvхийн алтан хуудсыг нээж, хvмvvсийн сэтгэл зvрхэнд одоог хvртэл хоногшсон олон сайхан дууны эзэд бол яахын аргагvй "Баян Монгол" чуулгын алтан vеийнхэн байдаг. Монголд эстрад урлаг, дуу хөгжим байгаа цагт бид нар энэ хүмүүсийгээ хэзээ ч мартаж болохгүй юм. Хэдийгээр олон сайхан, залуу дуучид төрөн гарч байгаа ч 70, 80 - аад оны тэр сайхан дуунуудыг яг тэр хэвээр нь, одоо хэр нь сонсохыг хvсдэг, vгvйлдэг хүмүүс байсаар байна. Тийм ч учраас миний бие нэг талаар хайрт ээжийнхээ уйгагүй хөдөлмөр, авьяас билэг, сэтгэл зүрх нь шингэсэн уран бүтээлийг сэргээн амьдруулах, нөгөө талаар алтан үеийнхний дууг сонсох дуртай тэр л хүмүүст зориулсан бүтээлийг хүргэе гэж шийдсэн юм.” гэжээ.

Тэр үеийн залуучууд нэрт дуучин Л.Оюунчимэг болон "Баян Монгол" чуулгын алтан үеийнхний дууг сонсох дуртай байв. Л.Оюунчимэгийн анх дуулж амьдруулсан “Цэцэгт нугын эрвээхэй”, ”Дөрвөн улирал, хоёр амраг”, “Навчин дээрх шүүдэр”, “Үртэй хүн жаргалтай”, “10 дахь хавраа үдье” гээд олон сайхан дуунууд хvмvvсийн сэтгэл зvрхэнд одоог хvртэл хоногшиж дуулагдсаар байдаг билээ.

Цомгийн тухай “ЦЭЦЭГТ НУГЫН ЭРВЭЭХЭЙ” төслийг удирдагч, дуучин, асан, Л.Оюунчимэгийн агсны бага хүү Э.Учрал “Энэ цомог нь ээжийн маань уран бүтээлийн тухай, Монголын урлагийн алтан үеийнхний дууг сонсох дуртай хүмүүсийн дурсамжийг сэргээсэн, сэтгэлийг догдлуулсан үнэ цэнэтэй бүтээл болно гэдэгт бүрэн итгэлтэй байна. Тиймээс дуунд дуртай монголчуудынхаа дэмжлэгтэйгээр тус бүтээлийг бүтээсэй гэж хүсч байгаа. Тэгэхээр манай төслийг дэмжин ажиллах, санал хүсэлтээ харамгүй хэлэх хүмүүсийг би урьж байна.” гэж ярьсан юм.

“Баянмонгол Чуулга”-ын гоцлол дуучин, эгэл даруу Л.Оюунчимэгийг эргэн дурсъя

Лувсан овогтой Оюунчимэг нь 1952 онд Ховд аймгийн Эрдэнэбүрэн суманд төржээ. 1969 онд Ховд аймгийн 10 жилийн сургуулийг төгсөж, Мэдээлэл Радио Телевизийн Улсын Хорооны дэргэдэх “Улсын Цахилгаан Хөгжмийн Чуулга” – д дуучнаар уригдан Урлагийн гавьяат зүтгэлгэн, хөгжмийн зохиолч Т.Чимиддорж багшийн удирдлаганд ажиллаж байв.

1972 оноос үргэлжлүүлэн Улсын Филармонийн дэргэд байгуулагдсан эстрад, жааз найрал хөгжмийн “Баянмонгол” чуулгад дуучнаар шилжин ажиллажээ. Энэ хугацаандаа алс Америк тивийн улс орнуудаар болон бүх социалист орнуудад зохиогддог “Ая дууны наадам” - уудад байнга оролцож, эх орноо сурталчилан таниулдаг байсан байна. Нэрт дуучин бүсгүй Монгол орныхоо өнцөг булан бүрт хүрч, бүх аймаг, сумдуудад урлагийн тоглолтоороо дамжуулан, ард түмэндээ ая дуугаа өргөдөг байв.

Л.Оюунчимэг нь БНМАУ – ын соёлын яамны шийдвэрээр 1990 онд /Тэр үеийн гоцлол дуучин 20 жилийн зарчмаар тэтгэвэрт гардаг байв./ тусгай тэтгэвэрт гарч чөлөөт уран бүтээлч болсон ажээ. Л.Оюунчимэг нь төрийн дээд шагнал “Алтан гадас” одон, МУ-ын Соёлын тэргүүний ажилтан, Засгийн газрын жуух, “Монголын Радиогийн тэргүүний ажилтан”, Хөдөлмөрийн ойн хүндэт медалиуд болон “Ард түмний гавьяат” цолоор тус тус шагнагдсан байна. Мөн Олон Улсын чанартай тэмцээн уралдаанаас гранпри шагнал, өргөмжлөл, цом зэрэг зүйлсээр шагнагдаж байжээ.

Эстрадын нэрт дуучны олон сайхан дуунууд телевиз, радиогийн алтан фондод байдаг. Тэрээр ганцхан эстрад жааз хөгжим гэлтгүй симфони найрал хөгжим болон ардын хөгжмийн чуулгатай дуулдаг байв. Түүнчлэн “Баянмонгол” чуулгынхаа өмөг түшиг, халамжит эх нь байж, урлагийн олон олон тоглолтуудыг зохион байгуулахад оролцож байжээ. Нэрт, гоцлол дуучин Оюунчимэг нь залуу үеийнхээ хамтлаг, дуучдад өөрийн зөвлөлгөөгөө харамгүй хайрладаг сурган хүмүүжүүлэгч, чиглүүлэгч нэгэн байсныг эргэн дурсах цаг болжээ.

Тэрээр Монголын эстрад урлагийн түүхийн алтан хуудсыг бичилцэж, рок поп урлагийн хөгжил цэцэглэлтэд өөрийн авъяас билэг, сэтгэл зүрх, залуу халуун насаа харатгүй зориулсан ч нэр алдарт дургүй, эгэл, даруухан байхыг эрхэмлэдэг алтан үеийнхний нэгээхэн төлөөлөл байсан юм. Тиймдээ ч ард түмэн түүнийг мартаагүй, одоо ч хүртэл үнэлэн хайрласаар байдаг билээ.

Хүү Э.Учрал нь ээжийнхээ тухай дурсахдаа ”Ээж маань амьд сэрүүн байхдаа өөрийн дуутай хуурцаг (Аудио кассет) – ийг гаргахыг хүсч байсан. Гэвч тухайн үеийн нийгмийн нөхцөл байдал, тодорхой учир шалтгааны улмаас хийж амжилгүй байсаар 1999 онд өвчний учир хорвоогийн мөнх бусыг үзүүлсэн юм. Миний бие ээжийнхээ энэ чин хүслийг биелүүлж, уран бүтээлээр нь дамжуулан ард түмнийх нь дунд дахин амьдруулахыг хүсч, өөрийнх нь хайртай дууных нь нэг болох “Цэцэгт нугын эрвээхэй” – гээр нэрлэсэн цомгийг бүтээхээр шийдсэн. Миний ээжийн тухайн үед дуулж байсан зарим дуунууд нь урт хугацааны турш радиогийн алтан фондод дамран хальс болон пянзан дээр бичигдэн хадгалагдаж байсан тул тэр үеийн амьд тоглолт, хөгжмийн найруулгыг өөрчлөлгүй мэргэжлийн дуу бичлэгийн студи, хөгжмийн чадварлаг мэргэжилтнүүдийн тусламжтайгаар бичлэгийн чанарыг дахин сэргээн засварлаж, сонсогчдын хүртээл болгох юм. Цомгийг гаргасны дараа Монголын нэрт дуучдыг цуглуулан “Цэцэгт нугын эрвээхэй” тоглолтыг амилуулах төлөвлөгөөтэй байгаа. Мөн би ээжийнхээ амьдралаас сэдэвлэн “Цэцэгт нугын эрвээхэй” хэмээх мюзил, уран сайхны кино зохиолыг бичиж байгаа. Ээжийг Монголын эстрад урлагийн түүх болсон хүн гэж би хувьдаа үздэг учраас киноны зохиол маань ч гэсэн Монголын эстрад урлагийн түүхийг давхар агуулж байгаагаараа их онцлогтой болж байгаа. Миний ээжийн хийсэн хөдөлмөр, авъяас билэг Монголын эстрад урлагийн түүхэнд алтан үсгээр мөнхөд бичигдэх учиртай.“ гэсэн юм.

Дашрамд дурьдахад, энэхүү цомогт нь Монголын утга зохиолын нэрт төлөөлөгчид болох Д.Нацагдорж /”Идэр хоер”/, Ш.Сүрэнжав /”Тойрон бүжгийн дуу”, “10 дахь хавраа үдье”/, Д.Пүрэвдорж /”Үгүй гэдгээ харьцүүлая”/, Д.Содномдорж /”Цэцэгт нугын эрвээхэй”/, Ш.Шажинбат /”Намрын тухай дурьдатгал”/ нарын бүтээлүүд болон түүнчлэн Монголын хөгжмийн нэрт төлөөллүүд болох Т.Чимэддорж /”Сэтгэлийн жигүүр”/, С.Мааяа /”Хаврын салхи”, “Амрыг айлтгая”/, Г.Даваа /”Навчин дээрх шүүдэр”, “Хөдөө дуудаж байна”/, С.Баатарсүх /”Дөрвөн улирал, хоёр амраг”/, Б.Наранбаатар /”18 насны хүслэн”/, Б.Ганбат /”Уянгын гурван эгшиг”/ зэрэг уран бүтээлчдийн шүлэг, хөг аялгуу шингэсэн нь тус цомгийг ямар гайхамшигтай бүтээл болохыг нь илтгэж байна. Түүнчлэн тус цомогт нь дуучин Л.Оюунчимэгтэй уран бүтээлийн жимээр холбогдсон, Монголын эстрадын алтан үеийнхэн болох дуучин Б.Нандинцэцэг, О.Ичинхорлоо Х.Галхүү, Ц.Өлзий-Орших нарын хамтран дуулсан дуунууд багтаж байгаа юм байна .

Ээж аавынхаа хүсэл мөрөөдлийг биелvvлэх ухаантай, урлагийг хvндэлж хайрлах vзлээр нь хvмvvжсэн хvvхдvvд, бас дуулсан дуу, бүтээсэн үйлс нь байгаа цагт монголын урлаг хэзээ жаргахгүй, хязгааргүй мөнхөд үргэлжилсээр байх билээ.

Ээжийнхээ уран бүтээлийн төлөө сэтгэл зүрхээ зориулж яваа Учрал анддаа уран бүтээлийн өндрөөс өндөр амжилтыг хүсэн ерөөе.

Энэ мэдээг ээж аав, эмээ өвөө, ойр дотныхоо хүмүүст болон листнийхээ бүх хүмүүст заавал дуулгаарай. Та бүхэндээ амжилт хүсье. Баярлалаа.

Сэтгэл зүйн дайралтаас хамгаалах аргууд

2010-03-09T20:53:00.000-08:00

Бид өдөр тутам маш олон хүнтэй харьцдаг. Зарим нь тайван, дөлгөөн хүмүүс байдаг бол зарим нь уур уцаартай, хашхирч загнасан, хараасан доромжилсон хүн байдаг. Энэ бүгдэд сэтгэл зүйн хамгаалалттай, бэлтгэлтэй байх нь бидэнд л хэрэгтэй юм.

“Хэрэв хүн аливаа асуудалд өөрийгөө хянаж чадахаа больж, сэтгэл хөдлөлөө дарж чадахгүй, уурласан, цухалдсан байдал гаргадаг бол тэр хүн хүмүүстэй ажиллаад хэрэггүй” гэсэн үг байдаг. Энэ бол дарга, үйлчлэгч, менежер, худалдагч, ер нь хүнтэй харьцаж ажилладаг бүхэнд хамаатай. Сэтгэл зүйн хамгаалалттай байдал гэдэг бол хүн бүрт байдаггүй сайхан чанар билээ. Yүнд мэдлэг боловсрол, төлөвшил, аливаад хандах хандлага, анхааралтай байдал, асуудлын голыг олох, анализ хийх чадвар, шүүмжлэлт сэтгэлгээ, сэтгэл зүйн тогтвортой байдал зэрэг нөлөөлдөг.
Танд сэтгэл зүйн дайралтад хамгаалалт хийх хамгийн сайн аргуудыг танилцуулж байна.

“Салхивч” арга

Хашхирч цовхчиж, хорон үгээр утаж байгаа энэ хүний юу нь тэгтлээ танд нөлөөлж, таныг тухгүй байдалд оруулж, сэтгэлээр унахад хүргэж байгаад эхлээд анализ хийж үз. Түүний хэлсэн үг үү, ярьж байгаа өнгө аяс уу эсвэл хөдөлгөөн үү.
Yүний дараа та ганцаараа байхдаа өнөөх хүний хэлсэн үг, үйл хөдлөл, бие авч явсан байдал зэрэг сэтгэл зүйн цохилт болсон зүйлүүдийг сана. Уур чинь хүрч, дотор чинь гал дүрэлзэх шиг болж байна уу. Тэгвэл одоо таныг гомдоосон этгээд болон та хоёрын хооронд нэгэн томоохон сэнс байна гэж төсөөл дөө. Түүний амнаас гарсан хий бүрийг энэ сэнс хэдэн тийш сарниулж, хэлсэн хурц үгний ирийг нь мохоож, танд огт хүрэхгүй байна гэж бод. Энэ зуураа баруун гарынхаа дунд хурууг гозойлгоод, түүнийгээ зүүн гараараа нууж болно шүү дээ. Энэ бол хорон үгтнээс хариугаа авах шилдэг арга юм. Дараа нь нүдээ нээ. Ингээд л та дараагийн удаад сэтгэл зүйн ямар ч дайралт, доромжлол, хатуу үгнээс өөрийгөө хамгаалдаг болж байна гэсэн үг.

“Аквариум” арга

Салхивч аргатай тун төстэй. Таны өмнө хашхирч, үсэрч дүүлж байгаа тэр хүн болон та хоёрын хооронд зузаан шилтэй аквариум байна. Шилний цаанаас харахад нөгөөх хүний ам хөдлөөд л байна. Харин та сонсохгүй, зөвхөн харж байна. Тэр хүнийг амаа нээх бүрт амнаас нь гарсан хий нь усны мандал дээр хөөс болон гарч, пур пур гэж хагарч алга болно. Танд ямар ч нөлөө үзүүлж чадахгүй. Харин та наанаас нь тайван гэгч нь ажиглана. Yүний дүнд нөхцөл байдал таны зүг нааштай эргэнэ гэдэг нь сайхан

“Диснейлэнд” арга

Таныг загнаж, хурц ирмэгтэй хатуу үг шидэж байгаа тэр хүмүүсийг зүгээр л хүүхдүүд гээд ойлгочих. Хүслээ биелүүлэхийн тулд ээж аавдаа эрхэлж, бархиран эцэг эхээ сүрдүүлж, тоглоомоо шидэж, дороо дэвхцэж, газар тэрийж унаж байгаа жаахан хүүхэд л байна. Харин та бол ухамсартай, аливааг тунгаан бодох чадвартай, уужуу тайван насанд хүрсэн том хүн. Түүний хэлсэн үг, үйлдэл, хашхиралт зэргийг нь юман чинээ тоохгүй. Яагаад гэвэл энэ бол түр зуурын үзэгдэл, удахгүй дуусна, харин дараа нь амьдрал үргэлжилдэгээрээ үргэлжилнэ. Харин энэ үзэгдэл дууссаны дараа хэн нь эвгүй байдалд орох вэ, хэний нэр хүнд унах вэ? Та бол иймэрхүү зүйлийг тунгаах чадвартай эрүүл ухаантай, уужуу тайван хүн.

“Yнэг ба усан үзэм” арга

Та нэгэн эртний үлгэр байдгийг мэдэх үү. Модны мөчир дээр бөнжигнөх усан үзмийг идэх гэж нэгэн үнэг хичнээн харайж, үсрээд авч чадахгүйгээ мэдмэгц “Ер нь ч тэгээд идэх сонирхол нэг их байсангүй. Усан үзэм бол гашуун, бас тэгээд ногоон өнгөтэй” гэж хэлээд тайван гэгч нь яваад өгдөг үлгэр. Түүн шиг, та хэн нэг рүү бухимдлаа гаргамаар санагдвал, эсвэл хэн нэгэн нь тань руу дайраад байвал та өөрийгөө үнэг шиг тайтгаруулахад л болно.

“Далай” арга

Далай, тэнгис бол өөртөө олон мянган түргэн урсгалт, ширүүн голыг нэгтгэж, цутгал нь болдог хэрнээ өөрөө тогтонги болчихдог шүү дээ. Та өөрийгөө номхон дөлгөөн, энгүй их далайтай зүйрлүүлээрэй. Танд хорон үгтний хэлсэн үг, хараал нерв нь орсон ч та өөрийн тэнцвэртэй, тайван, тогтуун байдлаа хадгалж үлдэнэ.

Жүжигчилсэн тоглолт үзэх арга

Энэ бол таны сөрөг зэвсэг ч байж болно. Тэр хүн хашхирч дэвхцэх тусам та улам тайван, хамгаалалттай болж байгаа дүр үзүүлэх явдал юм. Та тэднийг зүгээр л нэг жүжгийн хүүхэлдэй шиг хүлээгээд авчих. Хоорондоо утгайгүй зүйлс ярилцаж, бие биенээ дэврээж, үзэж тарж, үсэрч наалдаж л байг. Харин та үзэгч, тэдний үг хэл, үйл хөдлөлд нь анализ хийж байгаа ажиглагчийн байр сууринаас үнэлгээ дүгнэлт өгч бай. “Нэг нь өөрийгөө супер хүн гээд ойлгочихож, харин нөгөө нь өөрийгөө дутахгүй гэдгээ харуулахын тулд хамаг сул талаа нууж, ухаантай царайлж байгааг нь ээ” гээд л.
Энэ бүхний эцэст та л хожно. Ядаж л дараа нь олон хүний өмнө ичгэвтэртэй байдалд орохгүй, нэр хүндээ алдахгүй. Ийм хэрүүл шуугианы дараа хэн хамгийн тайван, хүлээцтэй байж чадсан нь л хождог хойно. Тэгээд ч “Зөөлөн нь хатуугаа иддэг” гэсэн сургааль үг хаана ч үйлчилдэг шүү дээ.

Mobile phone tracking system 1.0.0

2010-03-09T02:13:00.000-08:00

Найз залуу, нєхєр /найз охин, эхнэр/ -ийнхєє утасны дугаарыг оруулаад л хаана юу хийж явааг нь нь газрын зурган дээрээс мэдэх боломжтой болжээ. Дээрх зургын дагуу мэдээллийг нь оруулаад туршаад vзээрэй... таны дотны хvн хэнтэй юу хийж яваа бол...

Нэвтрэх Mobile phone tracking system 1.0.0

Эерэг программчил

2010-03-04T02:04:00.000-08:00

Компьютер тусгай хадгалсан программуудаар ажилладаг. Дэлхийн газарзүйн мэдээллийг хөнгөн атлетикийн тухай программаас авч болохгүй. Компьютерээ сайтар программчилсан гэдгээ мэдэж байгаа.Тэгвэл өөрийгөө программчилж болохгүй гэж үү?. Яг л компьютер шиг аль дискет дээрх программыг өгнө тэр программын дагуу мэдээлэл өгдөг.
Энд нэгэн онигоог та бүхэнд хуваалцая. Нэг эмэгтэй таксинд суугаад жолоочид "төрөх тасаг руу" гэв. Жолооч сандран хурдалж замын цагдаа тэднийг мөрдөж эхлэв. Эмэгтэй ч "ингэж хурдлах хэрэггүй. Би хүн эргэх гэж байна" гэв.
Үүнтэй ижил явдал тантай ч учирсан байж магад. Таксинд суугаад "Эмнэлэг рүү " гэж хэлэхэд жолооч хурдалж эхлэхэд "Хүн эргэх гэж байгаа юм"гэж хэлэх шаардлагатай болдог.
Энэ бүгд таксины жолоочийн буруу гэж байхгүй.Тэд нар ирсэн программын дагуу ажиллаж байгаа юм.Бид өөрсдийгөө сайн программчилбал эерэг дискет суулгавал бид ч гэсэн эерэг реакц өгнө.
Юуны түрүүнд өөдрөг үзлийн программыг авах ёстой.Энэ программ нь хүнд үргэлж амжилтгүй байдлын талаар бус , амжилт бүтээлийн талаар бодох сэтгэлгээ суулгана. Хүн ялагдлыг биш ч ялалтыг бодох тусам ялалт илүү ойр байдаг.Ялалтыг дор хаяж л "би өрсөлдөгчдийнхөө нэгэн адил үүнийг авах хэрэгтэй " гэж бодсон цагт ялагдах магадлал багасна.
Өөөрийгөө ялалтад илүү ойрхон, илүү бэлтгэлтэй , илүү тохирсон гэсэн хүн ялагдсан ч гэсэн "Тэмцээний" сүүлийн мөчүүдийг ирж үзэж байгаа хүнд ялсан хүн шиг харагддаг. Угаасаа ингэж бодсон хүн заавал дараагийн "тэмцээний " ялагч юм.
Өөрийгөө та өөрөө л программчил.
Эерэг программчил.

Bavaria шар айрагны рекламны Эх хувилбар

2010-03-01T19:53:00.000-08:00

Энэ өвөл ТВ-ээр яваад байсан рекламны эх хувилбарыг энд орууллаа. Ер нь Монголчууд бид өөрсдийн нөхцөл бололцоондооо тааруулаад хөөрхөн реклам хийчихдэг юм байна. Монголд далай байдаггүй болохоор бассенд тоглуулчихсан, санадаг л санаа.

Өнөөдрийн юм бүхэн үнэтэй

2010-03-01T19:18:00.000-08:00

Хүн бүхэнд ирээдүй гэж бий. Бас туулж өнгөрүүлсэн амьдрал гэж бий. Тэр бүү хэл, тухайн хүн хорвоод хэдэн жил амьдарснаас үл шалтгаалан хүн бүхэнд аз нь шовойх бас азгүйтэх, бүтэлтэй бүтэлгүй элдэв явдал тохиолдох бөгөөд их бага ямар нэг хэмжээгээр дадлага туршлага ч хуримтлагдсан байдаг.

Хамгийн хачирхалтай нь энэ бүхнээс хэн ч зайлж чаддаггүй бөгөөд алдаа оноо, мандан бадралт, гандан бууралтгүйгээр хүн төрөлхтөн оршин тогтнож чадахгүй нь ч хоёргүй үнэн билээ. Амьдралын хүнд дарамтаас болж хүний амьдрал санаснаар болох нь байтугай харин ч бэрх хэцүү болон хувирах нь бий.

Олон хүн амьдралын түмэн нугачаа, өөрт тохиолдсон олон олон санаатай санамсаргүй үйл явдлын нөлөөн дор учраа олохгүй мунгинасаар, амьдралын сайн сайхныг анзааралгүй олдсон жаахан насаа өнгөрөөдөг. Тухайлбал эхнэр нөхрийн салалт гэдэг нь хэзээ ч байж боломгүй явдал биш юм. Эр эм хоёрын хэнд нь ч дахин шинээр гэрлэх боломж бий. Гэр бүл салалтанд хэт эмзэглэж хандах нь хэтэрхий өөрийгөө золиосолсон хэрэг. Хайртай хүн чинь таарч тохирохгүйгээс таныг хаяж явснаас болж насан туршдаа хайр дурлалгүй ганцаардмал гунигт амьдралд өөрийгөө хүргэж болохгүй. Хүн хэд ч дурлаж болно. Дурлал бүхэн үнэ цэнтэй. Хайр дурлал чинь нэг удаа бүтээгүй бол хамаагүй, дахиад нэг удаа үзээд алд. Та энэ тоолонд сайн сайхан зүйлтэй учрах болно.

Хэрэв та өнгөрснөө эргэн харж, ирээдүйгээ хийсвэрээр төсөөлөн амьдрах гэвэл энэ чинь хэзээ ч сайхан амьдрал болохгүй. Хий хоосон мөрөөдөл л болно. Тиймээс ганцхан өнөөдрөөр л амьдрах хэрэгтэй. Зөвхөн өнөөдрийн юм бүхэн л үнэтэй. Өнөөдөр энд болж байгаа бүхэн таны амьдралд хамаатай болохоос бус өнгөрсөн ирээдүй хоёр өнөөдрийн хувьд танд огт хамаагүй зүйл. Өнгөрсөн бүхэн таны ард хоцорсон. Хэрэв өнгөрснөө санан дурсахыг хүсэж байгаа бол зөвхөн тааламжтай сайхан үеэ л дурс. Ирээдүй бол тэртэй тэргүй сайхнаар төсөөлөгдөнө. Харин өнөөдөр та яаж амьдарч байна. Сайхан амьдралын төлөө тэмц. Өнөөдрийн юм бүхэн үнэтэй шүү. Тийм учраас та зөвхөн өнөөдрөөр л амьдраарай. Эргэн тойронд байгаа бүх зүйл таны амьдралыг хөглөх болно.

Захиа...

2010-02-25T03:02:00.000-08:00

Ээж нь хүүгийнхээ өрөөгөөр өнгөртөл хүүгийх нь өрөө майр эмх цэгцтэй, ор мороо хураацан цэмбийцэн байна гэнэ. Тэхээр нь гайхаад орсон чинь дэрэн дээр нь “Ээжид” гэцэн захиа харагджийн. Айж гайхах зэрэгцээд захиаг дэтгэтэл:

Хайрт ээжээ,
Танд энэхүү захиаг бичиж байгаадаа маш их харамсаж бас өөрийгөө зүхэж байна. Би найз охинтой болсооон, түүнийгээ дагаад гэрээсээ явлаа. Би Янжиндуламд үнэхээрийн хайртай, тэр маань хамгаас сайхан. Тэхдээ тэрний маань шивээс, цоолтуур, мотоциклийн бариу савхин хувцас болон надаас хамааагүй эгч гэдэг нь танд таалагдахгүй л дээ. Тэхдээ энэ бол жинхэнэ хайр. Ээжээ тэр маань одоо жирэмсэн. Янжиндулам бас надаа маш их хайртай гэсэн. Тэр маань ойд нэг вагончикд амьдардаг бөгөөд энэ өвлийг давчих их түлээ нөөцөлчихсөн. Бид 2 дахиаад зөндөө хүүхэдтэй болно гэж мөрөөддөг. Хар тамхи бол муу зүйл биш гэдгийг Янжилдулам маань надад ойлгуулж чадсан. Бид 2 гэртээ марихуана тарьж түүнийгээ зарж мөнгөтэй болно гэж боджаагаа. Цаашлаад эрдэмтэд ДОХ өвчинг эдгээдэг эм тариа гаргаасай гэж бид 2 залбирч байгаа, яагаад гэвэл Янжка маань эрүүл болох боломж гарна шүү дээ. Битгий санаа зовдоо ээжээ, би одоо 15 нас хүрлээ , өөрийгөө аваад явчиж чадахаар боллоо. Хэзээ нэгэн цагт бид 2 тан дээрээ ирж ач зээ нартай чинь танилцуулнаа гэж найдаж байна.

Хайрт хүү Батаа

P.S. Ээжээ дээр бичсэн бүх юм худлаа шүү. Би Болдоогийн гэрт байнаа. Зүгээр таньд хичээл дээрээ муу дүн авахаас илүү дорд зүйл амьдралд байдаг юм шүү л гэж сануулах гэсийн. Хайртай шүү. Уураа арилахаар дуудаарай

Эх сурвалж: http://shalpal.blogspot.com

АНХНЫ БОЛЗОО / BLIND DATE ( богино хэмжээний кино, анхны юм бүхэн үнэтэй)

2010-02-25T01:59:00.000-08:00

Он: 2010
Найруулагч: Б. Чингүүн
Туслах найруулагч: Б. Жаргалсайхан
Director of Photography: Д.Ангараг
Cameraman: Э.Очгэрэл
Sound Director: Э.Эрдэнэбаяр
Sound Operator: М. Баттулга
Editor:Д.Ангараг, Б. Чингүүн
Storyboard: П.Батжаргал
Light Technition : Б. Мөнх-Эрдэнэ, Б.Содбилэг
Title: Д. Төгсбаяр
Screenplay: Б. Чингүүн

Дүрүүдэд: Л. Баттулга, А. Ганчимэг

Анхны бүхэн дурсамжтай сайхан байдаг. Тэр дундаа анхны болзоо бүр илүү. Хүн бүрт онцгой сайхан дурсамжийг үлдээсэн байх учиртай. Харин энэ дурсамж, хоромыг хүмүүс хэрхэн өөртөө бий болгож хэрхэн хадгалж үлддэг юм бол!
Монголын богино хэмжээний киног та бүгдэд хүргэж байна. Балхжавын Чингүүн гэх залуу өөрөө бичиж найруулсан "Анхны болзоо" буюу "Blind Date" киног сонирхон үзнэ үү.

Баяр баясгалан

2010-02-25T01:03:00.000-08:00

Хүнийг юу илүү баяр хөөртэй болгодог вэ?
Мөнгөтэй байх уу, эсвэл баяр баясгалантай найз нөхөдтэй байх уу?

Харвард болон Калифорнийн их сургуулийн доктор Nicholas Christakis, James Fowler нар хамтран 5,000 хүний сэтгэл зүй дээр үндэслэн дараах судалгааг гаргажээ.

Тэд Framingham-ын Зүрхний Судалгааны 2003 оныг хүртэлх буюу 20 жилийн хугацаанд цуглуулсан мэдээлэлийг ашигласан байна.

Шинэ судалгаагаар баяр баясгалантай хүний найзууд илүү сэтгэл хангалуун, аз жаргалтай байгаа нь харагдсан байна. Байршлын хувьд хоорондох зай нь илүү ойр байх тусам нэг нэгнийхээ баяр хөөрт нөлөөлөх нөлөөлөл нь нэмэгддэг байна. Жишээ нь 1 ба 1.5 км-ын доторх зайнд найз нь амьдардаг хүний баяр баясгалантай байх боломж 20%, хөгжилтэй хөрштэй байх нь 34%-иар тухайн хүний баяр баясгалантай байх боломжийг нэмэгдүүлдэг ажээ. Баяр баясгаланд нөлөөлөх найзын нөлөөлөл 1 жил хүртэл үргэлжилдэг байна. Өөрөөр хэлбэл баяр баясгалан нь үнэхээр халдвартай болж таарлаа. Харин уйтгар гуниг нь мөн адил найзуудын дунд тархдаг хэдий ч баяр баясгалан шиг хүчтэй нөлөөлдөггүй гэнээ.

Найзын найзын найз хүртэл тухайн хүний баяр баясгаланд нөлөө үзүүлж байгаа нь судалгаагаар тогтоогдсон байна. Судалгаагаар хүнд 5,000$ өгөхөд үний баяр баясгалантай байх боломжыг 2%-иар нэмэгдүүлсэн байна. Хачирхалтай нь дээрхи мөнгөний нөлөө найзын найзын найзын баяр баясгаланд үзүүлэх нөлөө хавьгүй бага болох нь харагдсан байна.

Эндээс үзэхэд Монголчууд бидний хэлдэг Сайныг дагавар сарны гэрэлээ гэж, баяр басгалантай найзуудтай байвал та бас баяр баясгалантай байна гэсэн үг ажээ. Мөн таны сэтгэлд шууд хэлж мэдэхгүй хэн нэгэн нөлөөлж байдаг байна.

2012 оны баатар

2010-02-24T20:39:00.000-08:00

Энгийн нэгэн Монгол хөвгүүн эгэл цагийн баатар, тэр дундаа дэлхийд хүлээн зөвшөөрөгдсөн хүн болжээ. Бидний адил ав адилхан жирийн л залуу байсан. Бид нар яагаад мэдээгүй юм бол?
Дэлгэрэнгүй мэдээллийг энэ дээр тавьжээ...

http://IHero2012.com/1273294275-20100225.html

Нэрний эхний үсэг утга учиртай

2010-02-24T00:15:00.001-08:00

Хүн бүрийн нэрний эхний үсэг утга учиртай байдаг. Жишээ нь таны нэр А үсгээр эхэлсэн бол хүч чадал, эрх мэдэл бэлэгддэг. Харин Ж гээр эхэлсэн бол өөртөө итгэлгүй байдлийг илэрхийлдэг байна.

А - Хүч чадал, эрх мэдэл
Б - Агуу хайр сэтгэл
В - Хувирамтгай, эмх журамгүй
Г - Оньсого мэт нууцлаг
Д - Нийтэч, хүмүүсийг өөртөө татах чадвартай
Е - Биеэ дайчлах чадвар
Ж - Өөртөө итгэлгүй
З - Эргэлзэмтгий, хөрөнгө материалын хүндрэл
И - Авхаалжтай, соргог, түгшимтгий
К - Их санаатай, түүндээ хүрэх гэж хичээдэг
Л - Логик сэтгэлгээтэй, сэтгэж чаддаг, олхиогүй зантай
М - Хөдөлмөрч ёсорхог
Н - Их эрч хүчтэй, нэр төр хөөдөг
О - Сэтгэлийн их хөдөлгөөнтэй
П - Даруу ганцаарддаг
Р - Байнгын түгшүүр, сэтгэл их хөдлөл
С - Бухимдуу гутруу
Т - Байнгын эрэл хайгуул, төгс төгөлдөрийн хойноос хөөцөлддөг
У - Айдас зөн билэг
Ф - Эелдэг зөөлөн
Х - Бэлгийн асуудалтай
Ц - Сэтгэл доторхоо гаднаа илэрхийлэх хандлагатай
Ч - Үнэнч шударга
Ш - Хартай, зөвшилцөж чаддаггүй
Щ - Өшөө авамтгай, оюуны потенциал ихтэй
Э - Сэтгэлийн тэнцвэрээ хайдаг
Ю - Их зантай, биеэ тоомтгой
Я - Боловсон уран бүтээлч

Bill Gates: 7 талт өрсөлдөөний стратеги

2010-02-24T00:07:00.000-08:00

Бизнес оршин тогнох хугацааг тодорхойлох гол үзүүлэлт бол өрсөлдөх чадвар юм.

Microsoft-г үүсгэн байгуулагч Bill Gates өөрийн бизнесийн өрсөлдөх чадвараа дараах 7 талт өрсөлдөөний стратегээр хурцлаж өнөөдрийн энэ аварга корпорацийг бий болгосон байна. Монголын бизнесийн эзэд болон СЕО нар бодит амьдрал, зах зээл дээр хэрэгжээд үр дүнгээ өгсөн, одооч өгч буй энэхүү өрсөлдөөний стратегээс суралцахад алдах зүйл байхгүй гэж бодож байна.
1. Цөөхөн өрсөлдөгч бүхий ирүүдүйтэй, том зах зээлд хичээл зүтгэлээ төвлөрүүл.
2. Эрт бөгөөд далайцтай нэвтэрч ор.
3. Салбарын тэргүүлэгч болохын төлөө шургуй тэмц.
4. Тэргүүлэгч байлгах салбарын стандартыг тодорхойл.

* Бүтээгдэхүүнээ хамгийн шилдэг нь болго.
* Бүтээгдэхүүнээ хамгийн хэрэгцээтэй болго.
* Бүтээгдэхүүнээ хамгийн хямд болго.

5. Оюуны өмч/ Эзэмших эрхээ баталгаажуул (Зарж буй бүтээгдэхүүнээ эзэмш, Энэхүү байр сууриа хамгаал)
6. Татгалзаж боломгүй саналыг өөрийн хэрэглэгч болон стратегийн холбоотонд тавь.
7. Бүтээгдэхүүн үйлчилгээг сайжруулах шинэчлэл /innovation-төгөлдөршил/-д байнга хөрөнгө оруулалт хий.

Стратегийн холбоо: 2 болон түүнээс дээш бизнес /адилхан зорилтот зах зээлрүү чиглэсэн төстэй бүтээгдэхүүн, үйчилгээтэй хэдий ч шууд өрсөлдөгчид биш/-ийн илүү үр дүнд хүрэх, өрсөлдөөний байр сууриа хамгаалах зорилго бүхий тодорхой хугацааны хамтын ажиллагаа юм.

Bill Gates: Хэрэв зах зээлийг та атгаж байвал эцсийн дүнд ашиг таных болно.

Эх сурвалж: http://www.ceo.mn

Компаний салшгүй хэсэг болсон ажилчдаа та хэр таньж, мэддэг вэ?

2010-02-23T18:41:00.000-08:00

Ажилруугаа явах замдаа юу ч хийлгүй, хана налаад зогсож байгаа нэгэн залууг гүйцэтгэх захирал анзаарав.

Залууд дөхөж очоод “Сард ямар цалин авдаг вэ?” гэж намуухан асуув. Дэндүү хувийн асуулт асуусанд залуу мэл гайхав. Тэгсэн хэдийч “Эрхэмээ би сард 2000 доллар олдог, Яасан?” гэж асуув.

Захирал хариу хэлэлгүй, хэтэвчнээсээ 6000 доллар гаргаж залууд өгөөд “Ажил хийснийхэн төлөө энд байгаа хүмүүсд цалин өгдөг болохоос дэмий зогсож, сайхан харагдсаныхан төлөө биш! Наад 3 сарын цалингаа аваад эндээс яв, иргэж битгий ирээрэй” гэж хэлэв. Залуу эргэж ч харалгүй хурдан яваад өгөв.
Энэхүү явдлыг ажиглаж байгаа хэдэн ажилчдаа хараад, захирал “Компанид байгаа бүх хүнд энэ асуудал хамаатай шүү” гэж нэлээн ууртай хэлэв. Тэдний нэгд ойртож очоод “Сая халсан залуу хэн бэ?” гэхэд “Эрхэмээ тэр залуу пицца хүргэгч байсан” гэсэн гайхалтай хариу авав.

Дүгнэлт: Том компани /олон ажилчинтай/-ийн удирдах ажилчид өөртэй нь шууд харьцдаггүй, дунд болон доогуур түвшний ажилчдаа танихгүй байх /тухайн хүний зорилго, мэдлэг, чадвар, сонирхол, ааш араншин, гэр бүл, овог нэр гэх мэт бүх зүйлс хамаарна/ явдал түгээмэл. Хамгийн наад зах нь ямар нэг ажилтантайгаа нэрийг нь зөв хэлээд албан харилцаа үүсгэхэд тухайн ажилтан урам зориг, таатай сэтгэгдэл авч хоцордог.

Хэрэв та хэнтэй ажиллаж, хэнийг удирддагаа хэлж сайн мэдэхгүй байгаа бол үр дүнтэй удирдлагын талаар санах ч хэрэггүй гэнээ.

Эх сурвалж: http://www.ceo.mn

Cover letter бичих урлаг

2010-02-11T00:13:00.000-08:00

Ямарваа байгууллагын хүний нөөцийн менежерүүд шаардлагатай албан тушаал дээр хүн авахын тулд хэдэн зуун CV, захиа хүлээн авдаг. Тийм учраас та өөрийн CV болон захиагаа олон захиануудын дунд алга болгохгүйн тулд хүний нүдэнд хамгийн түрүүнд тусахаар, эмх цэгцтэй бичих хэрэгтэй. Ингэхийн тулд та дараах зарчмуудыг баримтлаарай.

1-р зарчим: Таны бичсэн resume, cover letter хүний нүд булаахын тулд нэг форматаар бичигдэх ёстой. Format нь толгойн гарчиг / header /, фонд, сайн чанартай хэвлэх принтер, чанартай цаас, дугтуй гэх мэт ордог. Cover letter, Resume хоёрын фонд, толгойн гарчиг / header/ адилхан байвал цэвэрхэн, цэгцтэй харагддаг. Мөн таны бичсэн cover letter маш энгийн хэрнээ, мэргэжлийн харагдах ёстой. Учир нь дэндүү өвөрмөц цаас, марзан дизайн нь найзуудын хооронд сайхан харагдахаас мэргэжлийн байж чадахгүй.

2-р зарчим: Уншигчийн нэр албан тушаалыг оруулж бичээрэй Захиаг чинь унших ёстой менежерийн нэр, албан тушаалыг мэдээд захиандаа оруулаарай.

Энэ мэдээллийг та интернетээр болон утсаар бага зэрэг хайлт хийж авч болно. Ингэснээр таныг тус байгууллагыг үнэхээр сонирхож буйг илэрхийлэх болно.

3-р зарчим: Эхний өгүүлбэрээ анхаарал татахуйцаар бич Та захианыхаа эхний өгүүлбэрийг хүчтэй, сонирхол татахаар бичиж чадвал хүний нөөцийн менежер таны захиаг сонирхон эхнээс нь аваад дуустал уншиж танилцах болно. Та сонирхож байгаа албан тушаалаа болон яагаад заавал энэ албан тушаал дээр өөрийгөө тохирно гэж үзэж байгаагаа бичих хэрэгтэй. Мөн энэ байгууллагад хэр зэрэг хувь нэмэр оруулж чадахаа маш ойлгомжтойгоор тайлбарлан бичнэ.

4-р зарчим: Өөрийн амжилтуудаа танилцуулаарай Сонирхож буй албан тушаалтайгаа холбоод өөрийн амжилтуудаа бүлэг болгон жагсаан бич. Энэ нь уншихад хялбар бөгөөд хамгийн чухал мэдээлэл болж чаддаг.

Учир нь хүний нөөцийн менежер таныг юуг илүү сайн хийж чаддаг талаар ойлголттой болно гэсэн үг.

5-р зарчим: Төгсгөл бичээрэй Захианыхаа төгсгөлд та өөрөө эргээд холбоо баринa шүү гэдгээ бичих хэрэгтэй. Яагаад гэвэл таньтай өрсөлдөж байгаа өөр нэг хүн хүний нөөцийн менежер лүү залган өөрийн тань сонирхож буй албан тушаалыг булаан авч магадгүй. Хэрвээ ажлын байрны зар дээр “Ажил хайгч хүн битгий утасдаарай” гэж бичсэн бол үүнийг хүндэтгэн үзэж ийм төгсгөл бичих хэрэггүй. Cover letter-ийн гол зорилго нь хүний нөөцийн менежер таны CV-г унших ба таны тухай илүү их мэдээлэл олж авахыг хүсэхэд оршино.

Шинийн нэгний өглөө мөрөө гаргах

2010-02-10T20:43:00.000-08:00

Та 151500 дугаарын утас руу MOBICOM, SKYTEL, UNITEL ийн утаснаас хүйсээ, төрсөн оноо явуулсанаар таны суудал, мөр гаргах зүг, унших тарни зэргээ мэдэх боломжтой юм байна. Дараах зураг дээрхи зааврын дагуу.

Ирж буй тийн урвагч хэмээх Төмөр бар жилдээ Таны юу санасан "Есөн цагаан хүсэл" тань биелэх болтугай !

From: http://murgargah.blog.com/2010/02/11/mur_gargah/

Сар шинийн баярын мэнд хүргэе

2010-02-10T20:14:00.000-08:00

Сүрэг мал чинь super тарган Сүү идээ чинь fresh сайхан, Даага давхар далавчтай, Бяруу бакь булчинтай Төрлөөрөө түвшин nice Бултаараа буянтай happy Айл хотлоороо нуль party Алт мөнгө авдраар fully Хямралыг chance болгож Эвдрэлийг эвлэрэл болгож Everyday энх тунх Anytime эрүүл саруул Ондоо ок Сардаа сак Ноён нуруу тэгш Nо problem амьдраарай

Тэр ганцаараа байсан....

2010-02-05T01:51:00.000-08:00

Тэр ганцаараа байсан
Тэртээх арлын орны
Түг түмэн хүний атаархал, бухимдлын өмнө
Тэр ганцаараа байсан.
Тэнгэр шиг талд намирч өссөн Монгол хүүд
Төө хэмжээтэй санагдах давчуухан дэвжээн дээр
Тэр нэг бөхийн бяр чадлаас гадна
Тэнд цугласан түмэн олны хор шарын өмнө
Тэр ганцаараа байсан.
Хорсож адалсан олон нүдний өмнө
Харцаа тэр буулгаагүй
Хориглож, гадуурхсан ёс заншлын өмнө Монгол гэдгээ мартаагүй

Хазара Байх нь Гэмт Хэрэг Биш

2010-02-02T20:27:00.000-08:00

"Хазара" цувралын 3-р хэсэг

Афганистан дахь Талибан хэмээх айхтар зэрлэг балмад алан хядагч бүлэглэлийн талаар сонсоогүй, мэдэхгүй уншигч ховор буй за. Сонирхолтой нь Талибанууд нь бүгд л Пүштүн гаралтай хүмүүсээс бүрдсэн бүлэглэл аж. Талибануудыг Афганистаны засгийн эрхэнд байх үед иргэнийхээ паспортандаа үндэстэн ястан гэсэн заалтан дор өөрсдийгөө “Могул”, “Могал”, “Монгол” хэмээн бичдэг Хазара/Монголчуудын хувьд гашуун хувь заяа хүлээж байлаа. Гэсэн ч Хазарачууд өөрсдийгөө зөвхөн хувь заяандаа найдаад орхисонгүй, харин хувь заяагаа өөрсдийн тэмцлээр шийдэхээр шуударсан хэрэг. Чухам яг л энэ үед ард түмнийхээ төлөө амь амьдралаа зориулсан Баба Мазари хэмээх нэгэн Хазара эр тодорч “Хазара байх нь гэмт хэрэг биш, үндэстэн ястны тэгш эрхгүйгээр Афганистаны нийгэм оршин тогтонож чадахгүй” хэмээх алдарт үгээ хэлж ард түмнээ уриалан дуудаж зэвсэгт тэмцлийг гардан удирдсан юм. “Хазара байх нь гэмт хэрэг биш” гэнэ үү, зөвхөн энэ жижигхэн өгүүлбэрээс л уншигч та бүхэн Хазара үндэстэн хүмүүс ямаршуухан нийгэмд амьдарч, үндэстнийхээ хувьд ямаршуухан гадуурхал доромжлол дор байсан, байсаар буйг илүү тайлбаргүйгээр ойлгож байгаа буй за.
Энэ “Хазара” цувралын 1-р хэсэгт би ажил дээрээ нэгэн Пүштүн гаралтай залуутай таардгүй зөрчилтэй байсан тухай бичсэнийг уншигч та бүхэн санаж байгаа байх. Дауд хэмээх тэр залуу бас ч үгүй нэлээн боловсролтой түүх шашин сонирхон судалдаг нэгэн байсан ба нэгэн удаа Жак Вэдэрфөрдын “Genghis Khan and the Making of the Modern World” хэмээх Чингис хааны талаар бичсэн номыг өрөөндөө авчираад уншиж байхыг би харсан юм. Тэрвээр Чингис хаан, Монголчуудын талаар нэлээд сайн мэддэг байв. Би түүнээс нэг удаа “чухам ямар шалтгааны улмаас Пүштүн гаралтай олонхи Хазара хүмүүсийг үзэн яддаг вэ? ” гэж асуусан юм. Монголын их гүрний байлдан дагуулалтын үед бид ялагдаж явлаа, одоо бид тэднийг Хазара/Монголчуудыг ялж өшөөгөө авч байгаа юм хэмээн баруун гарын нударгаа атган зангаж сэтгэл хөдөлсөн маягаар хэлж билээ. Үнэндээ тэр надад чухам яг л үнэнээ хэлсэн ба үнэхээр ч олонхи болсон Пүштүн хүмүүс яг л тийм сэтгэлгээтэй байдаг юм байна гэдгийг би ажиглаж мэдсэн юм. Афганистанд Пүштүн, Тажик, Узбек, Түркмен, Энэтхэгийн Сийк, Паеган шашинтай Балучи гээ л олон үндэстэн ястнууд оршин суудаг. Тэд хоорондоо зөрчилтэй, байлдаж тулалддаг л даа. Гэхдээ тэдний хоорондын зөрчил хэзээ ч Хазара Пүштүн хоёр үндэстний хоорондын зөрчил шиг тийм хурц, зуун дамжсан хорсол занал байгаагүй юм.
Талибаны гол удирдагч мулла Омар гадаадын сурвалжлагч нарт ярилцлага өгөхдөө хэлсэн байдаг: Миний хувьд, бидний хувьд, Пүштүн үндэстэн байна гэдэг бол хамгийн чухал, би өөрийгөө юу юунаас өмнө Пүштүн үндэстэн гэдгээр мэдэрдэг бөгөөд Пүштүн хүний эрх ашгийн төлөө тэмцэл бол миний хамгийн гол зорилго. Хоёрдугаарт би өөрийгөө Лалын шашинтан мусулман хүн гэдгээрээ мэдэрдэг. Би Афганистаны иргэн Афган хүн байна гэдэг бол миний хувьд гуравдугаарт тавигддаг асуудал гэжээ. Афганистанд олон жилийн туршид одоог хүртэл үргэлжилж байгаа иргэний дайн нь үндэстэн хоорондын дайн болохоос шашны урсгалуудын мөргөлдөөн биш юм. Үнэндээ Афганистанд болж буй байлдаануудын ихэнх нь Сунни шашинтай Тажик, Пүштүн, Узбекүүдийн хооронд болж байгаа юм.
Үүнээс үүдээд би нэгэн зүйлийг онцлон дурдах хэрэгтэй байх гэж бодож байна. Пүштүн/Талибан болон Хазара нарын зөрчил нь хоёр үндэстний хоорондын зөрчил болохоос шашны мөргөлдөөн биш юм. Хазаруудыг шиа шашинтан хэмээн ялгаварлан гадуурхдаг нь үнэн, гэхдээ энэ нь бол зүгээр л шалтаг буюу Англи хэлэнд ярьдгаар pretense, дайран дээр нь давс нэмсэн л асуудал. Мэдээж энэ лалын шашны шиа гэгч урсгалын ялгаа нь Пүштүнүүдэд сайхан далим болж бусад суни шашинтай, Пүштүн бус гаралтай Узбек Тажикуудыг Хазаруудын эсрэг турхирч чадсан талаар би өмнөх бичлэгтээ дурдаж байсан.
Хувь хүмүүс үзэл бодлоо бодитоор илэрхийлдэг. Уншигч та бүхэн Хазара Пүштүн нарын сайт, форум, хэлцүүдээр ороорой, youtube болон бусад видео цуглуулгуудыг сонирхоорой. Тэнд Пүштүн Талибануудаас Хазара хүмүүсийг үзэн ядах үзэл нь зөвхөн Хазар хүмүүсийн гадаад төрх, тэдний нийгэмд эзлэх байр суурь, гарал угсаанд (Монгол гаралтайд нь) нь чиглэж байдгаас бус, шиа шашинтайд нь болдог биш юм байна гэдгийг ойлгох болно. Эцсийн эцэст Пүштүн, Хазара нар адилхан Лал гэсэн нэг л шашинтай улсууд. Хазара Пүштүн/Талибан нарын зөрчлийн талаар уншиж судалж байхад тэдний зөрчил нь шашны ялгаа гэхээсээ илүү үндэстэн ястны ялгаа, хорсол занал өш хонзон юм байна гэсэн ойлголт надад баттай төрсөн юм.
Монголчуудын байлдан дагуулалтын үед Афганистан гэж улс огт сураггүй, Пүштүн гэж үндэстнүүд бүрэлдэн тогтоогүй байсан үе төдийгүй тэд Энэтхэг Пакистаны хязгаараар нүүдэллэн амьдарч Их Могул гүрэн, доголон Төмөр хааны захиргаадаар дамжин амь зууж байсан юм. Монголын их гүрний захиргаанд байсан аль ч улс гүрэн үндэстнүүд Монгол гаралтай хүмүүсийг өдий чинээ үзэн ядаж аль хэдэн зууны тэртээх ялагдалдаа хорсол агуулан өшөө авах гэх нь үгүй. Ямар ч тохиолд Пүштүн хэмээх энэ үл шалих нүүдэлчидийг Монголчууд солгой нүдээр харж, хоморголон устгаж онцгой алба гувчуур ноогдуулж тамлан зовоож байсан баримт байхгүй юм. Уучлаарай хүн төрөлхтөний түүх улс үндэстнүүдийн хоорондын зөрчил, ялалт ялагдлаар дүүрэн.

Афганистан дах Иргэний Дайн ба Хазара Овгуудын Нэгдсэн Тэмцэл

1890 ээд оны дайнд ялагдаж тусгаар тогтнолоо алдсан Хазарууд өөрсдийгөө “aри” гаралтай гэж үздэг Пүштүн тэргүүлсэн Тажик удаалсан үндэстнүүдийн хавчлага дарамтан дор олон арван жилийг бэрхшээлтэйгээр өнгөрөөж байв. Харин 1979-1989 онуудад үргэлжилсэн Зөвлөлт Афганистаны дайны үед дайтаж буй бүлэглэлүүд анхаарлаа дайнд хандуулсанаар Хазара нарт үндэстнийхээ хувьд гадуурхагдах асуудлаас түр зуур ч гэсэн “амсхийх” боломж олдсон аж. Энэ дайнд Хазара нар Афганы бусад үндэстнүүдийн адил зэвсэг барин Зөвлөлтийн түрэмгийлэгчидийн эсрэг дайтаж, гэлээ ч Зөвлөлтийн цэрэг Афганистанаас гарч явсаны дараа Пүштүн, Тажикуудаар толгойлуулсан Мужахедууд засгийн эрхэнд гарч Хазара нарыг хавчин гадуурхах, хоморголон устгах бодлогоо үргэлжлүүлсэн юм. Ингээд 1989 оноос хойш Афганд үргэлжилсэн иргэний болоод, үндэстэн ястны дайнд Хазарачууд хүссэн хүсээгүй амь тэмцэн орох болсон бөгөөд, 1890 оны бослогоос хойш анх удаагаа нэгдсэн зохион байгуулалттай тэмцлийг явуулж 10,000 орчим хүнтэй Хазара дайчидын отрядыг байгуулж чухам л зэвсэг барин дайрсан болгонтой нь эсэргүүцэн дайтаж байсан юм. Дайтаж байгаа бүлэглэл болгон өөрсдийн гадаад дотоодын спонсоруудтай байсан зэр зэвсэг, хоол хүнс, хүн хүчний дэмжлэгийн баттай ар талуудтай байсан юм. Афганистантай хил залгаа орших улсууд бүгд л өөр өөрсдийн үндэстнүүдээ шууд дэмжиж байв. Пүштүнүүдийн ар талыг Пакистан улс (Пакистаны хүм амын 20% ийг пүштүн гаралтай хүмүүс эзэлдэг) дааж, Узбекууд мэдээж Узбекстанаас, Туркменууд Туркменистанаас, Тажикууд Тажикстан, Иранаас тусламж авч байсан ба, ганцхан Хазарачуудад туслах хэн ч байгаагүй гэдэг. Хазарачуудад хангалттай зэр зэвсэг байтугай, хэдэн цэргүүддээ өмсгөх гутал ч байхгүй байсан ба, хөл нүцгэн цэргүүд нь байлдаанд алуулсан, олзлогдсон дайсныхаа гутлыг тайлан өмсч зэвсэг хувцас хэрэглэлээр нь амь зогоож байсан гэдэг.
Иргэний дайны дундуур1994 онд Пакистаны Тагнуулын Төв Газрын шууд ивээлээр бий болсон Талибан “Шашны Сурагчид” хэмээх Пүштүн гаралтай хүмүүсийн бүлэглэл нь Хазара хүмүүст онцгой зэрлэг хандаж байв. Мулла Мухамед Омар гэгчээр удирдуулсан Талибанчууд 1996 – 2001 онд Афган орныг эрхшээлдээ байлгах хугацаандаа 100 гаруй жилийн өмнө Абдур Рахман гэгч яргачин эрийн явуулсан бодлогыг давтан явуулж Хазара нарыг үй олноор нь хөнөөж үндэстнийх нь хувьд ул мөргүй болгохыг хичээсэн юм.
Талибаны удирдагч нар Хазаруудыг бүр мөсөн үндсээр нь устгах нь Талибаны засгийн газрын бодлого гэж зарлаад тэдний удирдагчидын нэг Мулла Маноон Ниази радиогоор ард түмэндээ хандаж элсэн үгэндээ “Хазарууд бол лалын ариун шашинтнууд биш, тэднийг алж устгаж болно, тиймээс Хазара хүнийг алах нь ямар ч нүгэл биш ” хэмээн ард түмнээ алан хядах үйлдэлд ил тодоор уриалж байжээ. Тэр мөн үргэлжлүүлэн Хазара хүмүүст хандаж “Хазара нараа, та нарт гарах гарц байхгүй, та нар дээшээ зугтвал бид хөлөөс чинь татаад унагана, доошоо орвол үснээс чинь зулгаагаад гаргана” хэмээн занажээ.
Хазарууд шиа хэмээх лалын шашны нэгэн урсгалд хамрагддаг талаар би урьд нь дурдаж байсан, тэгвэл шиа урсгалын гол төв гэж болох Иран улс нь Хазарануудад шашны талаасаа нэлээд нөлөөлсөн гэдэг. Иран улс Ирактай дайтаж байх үедээ үндэс угсаа, шашны үзэл бодлын улмаас нэн хавчигдмал байдалд байсан Хазара нарыг гарцаагүй байдалд оруулан галын шугам руу олноор нь илгээн амийг нь золиосолж байсан гэдэг. Тэгвэл Афганистаны иргэний дайнд Ираны талаас Хазара нарт бодит тусламж үзүүлээгүй ба харин өөрсдийн шиа удирдагч болох Хомейны хөрөгийг олноор нь илгээн доромжилж, харин гарал угсаа, хэл язгуур нэгтэй Тажикуудыг илтээр дэмжиж байсан баримт байдаг юм.
Хэдийгээр бүгд Монгол гаралтай гэгддэг боловч түүхийн өөр өөр үе шатуудад ирж суурьшсан, олон янзын овог аймгуудын нэр хоч зүүсэн тархай бутархай Хазара нарыг нэгтгэж нэгдсэн тэмцэлд оруулахгүйгээр амжилтанд хүрэхгүйгээ ойлгосон хэсэг нөхдүүд 1988-1992 онуудад Hizb-i-Wahdat буюу Islamic Unity (Лалын Нэгдсэн Нам) Вахдат хэмээх голдуу Хазар үндэстнүүдээс бүрдсэн улс төрийн нам байгуулж үүндээ Саыф (шиа шашны номлолын бүлэглэл, араб гаралтай гэгддэг цөөн тоот үндэстэн) хэмээх шиа шашинтай бусад цөөнхийг ч оролцуулжээ. Нэгдсэн зохион байгуулалтанд орсон чухам энэ л үеэс эхлэн Хазара нарын түүхийн цоо шинэ үе шат эхэлсэн гэж хэлж болох юм.
Энэхүү улс төрийн намыг үндэслэн байгуулагчидын нэг нь Баба Мазари (Баба – перс хэлэнд аав, эцэг гэсэн үг) хэмээх нэгэн Хазара эр байсан бөгөөд өнөөдөр Хазара нар чухам энэ л хүнийг Хазара үндэстний эцэг хэмээн үздэг ба чухам энэ л хүний ухаалаг удирдлага, шинэлэг бодлого, зоримог чадварлаг байлдааны ажиллагааны үр дүнд Хазара үндэстний нэр хүнд зөвхөн Афганистаны дотооддоо төдийгүй, мөн гадаадад өсч, Хазара/Монгол үндэстэн Афганистанд ямаршуухан үүрэг хүлээж, ямаршуухан байр суурьтай байх вэ гэдгийг олон улсын тавцанд мэдүүлсэн юм.
1992-95 онуудад Хазара нар Афганистаны бусад цөөн тоот үндэстнүүд болох Тажик, Узбекуудтэй хамтран Northern Alliance буюу Умардын Эвсэл байгуулж Пүштүн үндэстэн давамгайлсан засгийн газрыг түлхэн унагааж Кабул хотыг эзэлж авсан юм. Гэтэл муу муудаа дээрэлхүү, муна гадсандаа дээрэлхүү гэгчээр, адилхан амь тэмцэн хохирол амсан байж засгийн эрхийг авсаны дараа Ираны дэмжлэгийг авч цөөнх дотороо олонх болсон Бурханудин Раббани, Ахмад Шах Масуудаар удирдуулсан Тажикууд Хазара нарыг гадуурхан дорд үзэж, Хазара Вахдат намын төлөөлөл болон Хазара нараас шинэ газрынхаа бүрэлдхүүнд оруулаагүй байна. Чухам энэ л мөчийг алдвал ахин сэргэх боломж олдохгүйг ойлгон ухаарсан Баба Мазари цэргүүдээ аван хөдөлж Хазарууд голчлон оршин суух Кабул хотын баруун дуургийг эзлэн авч засгийн газрын эсрэг байлдахаас өөр аргагүй болсон юм.
Кабул хотын баруун дүүргийн хамгаалалтын тулалдаан олон сар үргэлжилсэн ба судлаачидын үзэж буйгаар хүч тэнцвэргүй уг байлдааны ажиллагаанд Хазара нар эрэлхэг зориг, байлдааны гайхамшигтай ур чадварын тод үлгэр жишээ болсон аж. Яг энэ үед Талибанууд Кабул хот руу довтолж эхэлсэн ба ёстой л гурвалжин дөрвөлжин байлдаан болон хувирчээ. Хазаруудыг байлдаад дийлэхгүйгээ ойлгосон засгийн газар Талибануудтай хуйвалдах мөн Вахдат намын дотоод дахь Хазар бус үндэстнүүдийг урвуулах ажиллагааг явуулж эхэлсэн байна. Ингээд 1995 оны 3-сард Талибануудын хүсэлтээр нэгдмэл фронт, эвсэл байгуулах гэрээ хийнэ гэсэн товтойгоор Хазарын удирдагч Баба Мазари өөрийн намын тэргүүлэгч болох 10 гаруй нөхдийн хамт Талибануудын товлосон газар очсон байна. Талибанууд хэлэлцээ хийхээр очсон Хазаруудын зэвсэгийг хууран авч бүгдийг нь баривчлаад тамлан алсан юм. Тэд Баба Мазариг Хазаруудын хамгийн нөлөө бүхий нөхөр гэж үзээд хамгийн хэрцгийгээр тамалсан ба дараа нь түүнийг нисдэг тэргэнд суулган дээшээгээ тултал нь хөөргөөд хад хясаатай газар луу гарган шидсэн аж. Хазаруудын үзэж буйгаар Баба Мазариг алах ажиллагааг Тажикуудын удирдсан засгийн газрын захиалгаар Талибанууд гуйцэтгэсэн гэдэг бөгөөд удирдагчаа алдсан Хазарууд төдөлгүй байлдааны чадвар нь буурч, мөн Вахдат намын доторхи Саыф хэмээх шиа шашинт араб гаралтай нөхдүүдийн урвалтын уршигаар Кабул хотын баруун дүүргийг засгийн газрын цэргүүдэд алдсан байна. “Үл шалих”, хүч нимгэн, цөөн тоот Хазаруудад ялагдаж ихээхэн хохирол амссан засгийн газрын цэргүүд Кабул хотын баруун дүүрэгт жинхэнэ яргалал явуулж олон зуун Хазара иргэдийг алсан гэдэг ба зөвхөн нэг шөнийн дотор 800 гаруй энгийн Хазара иргэдийг алж устгасан гэдэг. Чухам энэ л үеэс дэндүү их гарз хохирол амсч байсан Хазарууд нэгдэн нэгэн удирдлага дор дайсандаа ямар ч өршөөлгүй тулалдаж байсан ба хүчийг хүчээр гэсэн бодлогыг баримталж эхэлсэн гэдэг.
Баба Мазарыг алдсан нь Хазаруудын хувьд нөхөшгүй гарз байсан юм. Гэлээ гэхдээ түүний эхэлсэн үйл хэрэгийг бусад нөхөд нь залгамжлан явуулж Карим Халили (Karim Khalili), Мохамед Мохакик (Mohammad Mohaqiq) зэрэг хүмүүсийн удирдлагын дор байлдааны ажиллагаагаа үргэлжлүүлсээр байсан юм.

Баба Мазарыг оршуулах үйл ажиллагаанд Узбекуудын хамгийн гол удирдагч болох, Афганситаны улс төрд нөлөө бүхий генерал Рашид Достум хүрэлцэн ирсэн гэдэг. Хэдийгээр Хазара Узбекууд зарим талаар зөрчилддөг боловч гарал угсаа, газар нутаг, хэл заншлын хувьд ойр дөт гэж үздэг ба, тэд ойр дөт холбоотой байж зарим байлдааны ажиллагааг хамтран явуулдаг гэдгийг дурдах нь зөв байх гэж бодож байна.

Афганистан дахь олон улсын шинжээчидийн үзэж буйгаар Хазара нарын зэвсэгт отрядууд эрэлхэг зоригтой сайн байлддаг боловч тэд үргэлж зэр зэвсэг, сум хэрэглэл, ахуйн гачаалтай байдаг ба, Пүштүн, Тажик, Узбекүүдээс ялгаатай нь тэдэнд хүнд зэвсэг буюу их буу, танк, хуягт, байлдааны машин технолог огт байхгүй аж. Мэдээж тэдэнд хэн тийм зэвсэг өгөх вэ дээ, өөрсдөө л дайснаасаа олзолж авахаас бус.
Одоогоор Мэдэгдээд Буй Хазара нарыг Хоморголон Алсан Тохиолдлууд / Hazara Massacre

Талибануудыг засгийн эрхэнд байх үед голчлон гарсан Хазаруудыг хоморголон устгах бодлогын хэрэгжүүлэлт болох тэмдэглэгдсэн аллагуудаас дурдвал:

– Masscre In Yakaolang, January 2001 –
Хэдэн зуу, мянгаар тоологдох Хазараг хоморголон хөнөөв.

Баривчлагдсан, олзлогдсон иргэдийг нэг газар бөөгнүүлж байгаад автомат буугаар шүрших, дунд нь бөмбөг дэлбэлэх, бөөнөөр нь байшинд чихэн оруулаад галдан шатаах, төмөр контэйнэрт чихэн хийгээд бүтээж алах зэрэг олноор нь хөнөөх хялбар аргачлалаар хэдэн мянгаар тоологдох Хазарачуудыг алж устгав.

– Massacre At Robatak Pass, May 2000 –
Хэдэн зуун Хазара иргэдийг алж цогцсыг нь нуув

– Afshar and Karteh Sahe Massacre 1993 –

Тухайн үейин Афганисатны ерөнхийлөгч Тажик гаралтай Раббани, Афганы бүх цэргийн командлагч Ахмад Шах Масуд нарын тушаалаар Кабул хотын баруун дүүрэгт оршин суух энгийн ардуудыг хоморголон алав. 24 цагийн турш үргэлжилсэн цуст аллагын улмаас мянга 1000 гаруй Хазара амь үрэгджээ.

– Massacre in Mazar-e Sharif – August, 1998 –

Хазарууд олноор оршин суух Мазари Шариф хотыг хамгаалан тулалдаж байсан Хазара зэвсэгт отрядыг ухран гарсаны дараа Талибанууд хот руу дайрч энгийн оршин суугч Хазар үндэстнийг онцгойлон хоморголон алах үйлдлийг зохион байгуулалттай явуулсан ба тэд найман мянга 8,000 орчим Хазараг алж устгажээ.

– Massacre of Hazaras in Bamyan Sept 1998 – May 1999 –

Бамян хотыг эзэлсэн Талибанууд хотын оршин суугч Хазара нарыг хоморголон алсан ба аллагад 1000 гаруй Хазара өртжээ.

Афганистан дахь Хазаруудын Өнөөгийн байдал

Хамид Карзайн удирдсан Афганистаны өнөөгийн засгийн газарт Хазарууд өөрсдийн цөөн тооны төлөөлөлтэй байгаа ба энэ нь Хазара үндэстний бүрэн эрхийг сэргээх, ялгаварлан гадуурхалтыг зогсоох тэмцэлд томоохон дэвшил болж байна гэж үзэж байгаа аж. Гэлээ гэхдээ Афганы тодорхой мужуудад Хазара Пүштүн нарын зөрчил хурцадмал хэвээр, зарим тохиолдолд зэвсэгт мөргөлдөөнд хүрсээр байгаа ба, Карзайн засгийн газраас Хазара Бэсүүд мужид болж буй мөргөлдөөнд Пүштүн гаралтай нүүдэлчин Коочи нарыг хүнд хөнгөн зэвсгээр хангаж байна гэсэн мэдээ сонсогдсоор байна. Мөн xэдэн сарын өмнө парламентийн гишүүн, Хазарагийн нэртэй улс төрч, командлагч Саыд Мустафа Каземи талибануудын алан хядах ажиллагааны золиос болж амь үрэгдсэн билээ.Хазара нар голчлон амьдардаг мужуудад гэрэл цахилгаан, зам харилцаа байхгүй, олон улсын тусламж хүрдэггүй нь зүгээр л нэг жирийн асуудал мэт.

Одоогийн байдлаар Хазара нарыг хамгийн ихээр түгшээж буй асуудал бол талибанууд буцаж ирэх вэ, дараачийн засгийн эрхэнд ямар хүмүүс гарах бол, НҮБ-ийн энхийг сахиулах хүч хэзээ буцаж бол, олон улсын тусламжийн төсөлүүд Хазара нарт хүртэх болов уу?
Сонирхолтой Мэдээ: Залмай Хализад гэж хэн бэ?

Сонирхолтой нь Америкийн Нэгдсэн Улсаас Нэгдсэн Үндэстний Байгууллагад (НҮБ) суугаа элчин сайд нь Афганы Пүштүн үндэстэн, Залмай Хализад (Dr. Zalmay Khalilzad) гэж хүн байдгийг дурдах хэрэгтэй байх. Дунд сургуулын хүүхэд байхаасаа Америкт ирсэн тэрвээр Америкийн Засгийн Газраас Перс, Ойрхи Дорнод дах асуудлуудыг шийдэхэд нэлээн үүрэг гүйцэтгэж байсан бөгөөд одоогоор Америкийн засгийн газарт алба хааж буй хамгийн өндөр тушаалд байгаа лалын шашинтан хүн юм. Америк эхнэр авч нэр нөлөө бүхий болсон тэрэнд Бүгд Найрамдах Нам ихэд талтай байдаг ба БНН засгийн эрхэнд гарвал түүнийг төрийн нарийн бичгийн даргын том албан тушаалд тавьж болзошгүй ч гэж яригддаг. Тэрвээр одоогоор төрөлх Афган орныхоо дараачийн ерөнхийлөгчийн сонгуульд өрсөлдөх хүсэлтэй байгаагаа илэрхийлээд байгаа. Үүнээс юу харагдаж байна вэ? Одоогийн байдлаар пүштүн үндэстнүүд дэлхийн хамгийн хүчирхэг орон Америк болон, НҮБ-ийн талаас тулах түших хүнтэй, тэднээс дэмжлэг авах боломжтой гэж ойлгож болно.

Америк боловсролтой Пүштүн гаралтай энэ эр Афганситаны ерөнхийлөгч болсон тохиолдолд Хазар нарын байдалд ямараар нөлөөлөх бол? Ямар ч байсан Талибантай адилгүй, Карзайгаас дордохгүй байх байлгүй дээ гэж найдна.

Ямар ч тохиолдолд Монголчууд бид гарал угсаа нэгтэй, эзэн Чингисийн генийг хамгийн ихээр хадгалж үлдсэн гэгддэг Хазар нарыг гаргуунд нь хаяж, юу ч болсон огт сонсоогүй дүр үзүүлж болохгүй мэт.

Нийтлэлийг бичсэн Тайж овгийн Х.БС.

From: http://mglaus.com

Хазара болон Пүштүн нарын Зөрчилдөөн, Тэмцэл

2010-02-02T20:26:00.000-08:00

“Хазара” цувралын 2-р хэсэг

“Бурхан илжигийг бүтээхэд Хазара хүн уйлжээ” (When God created the donkey, the Hazaras wept) гэсэн хэлц үгийг Пүштүн хүмүүс хэрэглэх дуртай гэнэ. Би энэ үгийг сонсоод эхлээд нэг л сайн ухаж өгөхгүй байв. Уншигч та ч гэсэн чухам юу гэж байгаа юм болоо гэж гайхаж байж магадгүй. Афганистан оронтой танил хүмүүст бол энэ үгийг ойлгож ядаад байх юм үгүй л юм билээ л дээ. Энэ хэлц үг нь болохоор Хазара хүн зөвхөн боолын хөдөлмөр л хийх гэж төрсөн, тэдэнд өөрөөр амь зогоох арга байхгүй, тиймээс илжиг бий болно гэдэг чинь Хазар хүн хийх ажилгүй болж амь зогоох боломжгүй болж байна гэж тайлбарладаг гэнэ. Үнэндээ энэ нь Афганистаны сүүлийн 120 гаруй жилийн түүхийн бодит байдлаас тийм ч хол зөрөөтэй үг биш байсан бөгөөд өнөө үед ч утга агуулгаа алдаагүй байгаа аж.
18 зууны дунд үейиг хүртэл Хазарууд өөртөө засаглалтай байсан ба 1747 онд Пүштүн үндэстнүүд хаант улсаа байгуулахад цөөн тооны Хазара овгууд нэгдэн орсон байж болзошгүй гэж үздэг аж. Гэхдээ энэ нь өөр хоорондын тэмцэлтэй байсан зарим Хазар овгуудын хувьд улс төрийн зорилготой нэгдэл байснаас бодит харьяалал байгаагүй бөгөөд ихэнх Хазара овгууд 1893 оныг хүртэл өөртөө засаглалтай байсаар ирсэн аж. 1860 аад оноос Тухайн үейин Афганистан нь Орос Их Британ хоёрын сонирхолын бүсд орж хоёр их гүрний бодлогын өрсөлдөөний талбар болоод байсан аж. Их Британын хараат орон байсан Афганистанд хаан ширээний төлөө ширүүн тэмцэл явагдаж 1880 онд Британчуудын дэмжлэгтэйгээр Абдур Рахман хэмээх нөхөр хаан ширээнд суужээ. Эхэндээ Оросын авралд багтан Узбекстанд оргон зайлж тэнд 11 жил амь зуусан энэ Абдур хэмээх эр Англичуудын шууд тусламжтайгаар засгийн эрхийг авсан цаг мөчөөсөө эхлэн хамгийн түрүүнд Хазара нарын хүчийг сулруулах, улмаар тэднийг өөрийн захиргаанд бүрэн оруулах бодлогыг идэвхтэйгээр явуулж эхлэв. Түүхийн эх сурвалжид тэмдэглэсэнээр1880 оны дунд гэхэд нийт Хазара хүн амын ойролцоогоор тоологдох 500,000 орчим гэр бүлийн 300,000 орчим нь Абдур Рахманы шууд захиргаанд орсон байна. Абдур Рахман 1892 он гэхэд (улс төрийн аргаар, дайн тулаангүйгээр явагдсан бололтой) бүх Хазарастан нутагийг эрхшээлдээ оруулсан гэгддэг ба ингэхдээ тэрвээр Хазара хүмүүсийг онцгойлон дааж давашгүй алба гувчуур оноож, улмаар орон нутгуудад байнгын цэргийн хороо суурьшуулж Хазара нарыг байнгын зэвсэгт хяналтанд байлгах болсон байна. Энэ нь ч түүнд хангалттай санагдаагүй ба тэрвээр Хазара нарын овгийн удирдагч нар болон нөлөө бүхий хүмүүсийг баривчлан хорих, алах ажиллагааг эрчимтэйгээр явуулж эхлэв. Мөн тэрвээр суни шашинтай цөөн тооны Хазара нарыг шиа шашинтай олонхи болох бусадтай нь хагаралдуулан зэвсэгт мөргөлдөөнд хүргээд амжсан аж.

Хазара нутагт байсан Афганистаны засгийн газрын төлөөлөгчид, цэргийн анги нэгтгэлийн эрхтнүүд Хазара нарыг дарлан доромжилж, ер өтгөс, нялхас гэж үл ялган харгисалж, эрчүүдийг нь тамлан алж, эмсийг нь хүчиндэн бузарлан араатан мэт авирлах болжээ. Тэд янз бүрийн худал шалтгаар хүмүүсийг баривчлан яргалан тамлах янз бүрийн аргыг хэрэглэдэг байсан аж. Болсон үйл явдлаас зарим нэгэн жишээ дурдахад, Фархад хан хэмээх нэгэн цэргийн эрхтэн 6 Хазара эрийг алаад цогцсыг нь модноос дүүжлэн хатаасан ба өөр нэгэн тохиолд 4 эрийг модтой хүлээд мөчнүүдийг нь мориор оосорлон татуулан тастаж хаясан гэнэ. Бас нэгэн тохиолд хэсэг эрчүүдийг бурхныхаа өөдөөс нулимхыг тушаагаад, тушаалыг нь эсэргүүцлээ хэмээн амьдаар нь өлсгөлөн нохдод хаян өгч идүүлсэн байна. Хүлээтэй хүнийг нүцгэнээр нь улайсгасан чулуун дээр хэвтүүлэх, эрэгтэй хүний өмдөнд муур хийгээд муурыг нь өмднийх нь гаднаас цохин уурлуулж улмаар уурлсан муураар эрхтнийг нь идүүлэх гээд хүний санаанд оромгүй яргалалыг явуулдаг байжээ.

Тэсэхүйеээ бэрх байдалд орсон Хазара нар 1892 онд олонхийг хамарсан зэвсэгт бослого гаргасан юм. Бослого гарахад засгийн газрын төлөөлөгчид, Пүштүн үндэстнүүдээс Хазара хүмүүст хандах араатнаас доор авир шууд нөлөөлсөн юм. Абдур Рахманы үеэл болох Абдул Кодос хэмээгч өөрийн дагуул 33 Пүштүн цэргийн хамт нэгэн бага тушаалын Хазара толгойлогчийн гэрт нь зэвсэг хайна гэсэн шалтгаар очоод гэрийн эзнийг барьж хүлээд нүдэн дээр нь эхнэрийг нь олуулаа ээлжлэн хүчиндсэн байна.

Ийм аймшигт доромжлолыг үзсэн гэр бүлийнхэн нийлж байгаад гэмт хэрэгт оролцсон цэргүүдийг алаад зогссонгүй, ойр байсан цэргийн нэгтгэлийг устгаж зэвсэглэж авсан аж. Тун удалгүй цөөн тоотой босогчидыг дэмжиж нийт Хазаражат (Хазара нутаг) даяар бослого өрнөж, засгийн газрын цэргүүдтэй тулалдаж ялалт байгуулж эхэлсэн ба, пүштүнүүдийг цөмийг нь Хазара нутгаас хөөн гаргаж чадсан аж. Абдур Рахман босогчидыг дарахаар цэрэг илгээсэн боловч бут цохиулжээ. Байдал бишдэж буйг сайн ойлгосон Абдур хан Хазара нарыг бүр мөсөн дарахаар шийдэж улс даяар онцгой байдал зарлав. Хазар нарын бослогыг дарахад нийт иргэдийн хүчийг ашиглах нь түүнд хамгийн зөв байсан ба үүнийхээ тулд тэр Хазара нарыг буруу номтнууд гээд, буруу номтны эсрэг шашны дайн жихад (jihad) зарлаж, үүндээ суни шашинтай бусад үндэстнүүд болох Узбек, Тажик нарыг турхиран оролцуулсан аж. Буруу номтнуудыг алах нь диваажинд хүрэх хамгийн дөт зам хэмээн ухуулж, дайнд оролцогчидод Хазара нарын газар нутаг, эмс хүүхэдийг шагнал болгон өгөхөөр амалжээ. Ингээд 40,000 явган цэрэг, 10,000 морьт цэрэг, 100,000 зэвсэглэсэн энгийн иргэд болон Хазара нартай бэлчээр булаалддаг кочи овгийн тусгай отрядуудаас бүрдсэн асар том арми Хазара нарын бослогыг дарахаар гарчээ. Ивээн тэтгэгч Британы засгийн газар ч зүгээр суусангүй өөрийн тоглоомны хүн болох Абдур Рахман хэмээх энэ яргачинд зэр зэвсгийн тусламж үзүүлээд зогсоогүй байнгын цэргийн зөвлөхүүдээ илгээсэн аж.

Тулалдаан олон сар үргэлжилсэн бөгөөд босогчид гайхалтай тулалдаж Абдур Рахманы хүчийг хэд хэд бут цохисон боловч тооны олонд автан ялагдал хүлээсээр байсан юм. Хэдийгээр хүч суларсан ч эрэлхэг чадварлагаар байлдсаар байсан босогчидын гол хүч удалгүй хүнс, сум, зэр зэвсгийн гачаалд орж мөн босогчид дотороо хагаралдан нэгдмэл байлдаан явуулах чадвараа алдсанаас ялагдал хүлээжээ.

Абдур Рахман ялагдал хүлээсэн Хазарачуудыг маш зэрлэгээр шийтгэх тушаал буулган бослогод оролцсон орлцоогүй үл хамааран мянга мянган Хазара хүмүүсийг хоморголон алж толгойг нь тастан хэд хэдэн газар гавлын ясаар том овоонууд босгосон аж. Тэр үүгээр ч зогссонгүй Хазара хүмүүсийг албан ёсоор боол болгон зарлаж бослогыг дархад оролцсон хүмүүст боол худалдаалах эрх олгосон байна. Кабул, Кандахар, Кундуз гээд Афганистаны томоохон хотуудын зах дээр хэдэн мянган гав гинжтэй Хазара боолууд маш хямдхан үнээр худалдаалагдаж байсан ба зарим тохиолдолд Хазара боол ердөө л 10 хүүдий үр, буудай тариагаар л зарагдаж байжээ. Пүштүнүүдээс гадна Афганистаны хойд хэсэг болох Мазари Шариф хэмээх , Хазара Узбек нарын зэргэлдээ амьдардаг мужид Узбекууд Хазара овгууд руу довтолж хүчээр боолчилж байсан талаар мэдээ байдаг аж.

Хазара нарын гол хүчийг дарж ялалт байгуулсан Абдур 1893 оны 7-р сард Хазарастанд байсан өөрийн цэргийн захирагч нарт Хазара нарын овог аймагийн эрхтэн тушаалтнууд, шашин төрийн зүтгэлтэн, ер л Хазара нарын нэртэй зүстэй хэн бүхний нэр усыг цуглуулан бүгдийг нь гэр бүлийнх нь хамт Кабулд авчирах тушаал буулгасан байна. Энэ тушаалыг завхруулан Пүштүн цэргийн эрхтнүүд энгийн номхон зэвсэггүй Хазара хүмүүсийг баривчлан алж устгах балмад ажиллагаагаа улам идэвхжүүлсэн нь Хазара нарыг ахин зэвсэгт бослого гаргахад хүргэжээ. Босогчид ахин идэвхтэй байлдааны ажиллагаа явуулж эхэлсэн ба, засгийн газарт захидал хүргүүлсэн байна. Тэд энэ захиандаа, Хазара нарыг хоморголон алах, тамлан зовоох, эмс охидыг нь хүчиндэх, Хазара хүмүүсийг боол болгон худалдах, дааж давшгүй алба татвар төлүүлэх, бурхан шашныг нь доромжлох нь тэсэхүйе бэрх бөгөөд засгийн газрын талд алба хааж байсан Хазара нар ч бас ялгаагүй ямар ч өршөөл үзэхгүйгээр харгислуулж байгааг эсэргүүцээд Хазарачууд боолчлолыг хүлээн зөвшөөрөхгүй гэдгийг тодорхой өгүүлжээ. Босогчид удалгүй хэд хэдэн амжилттай байлдааны ажиллагаа явуулж Хазарастаны ихэнх нутгаас засгийн газрын цэргүүдийг ахин хөөн гаргаад гол зам гүүрүүдийг боож стратегийн чухал газруудад шуудуу ухан хамгаалалт зохион байгуулж Кабул хот руу дайрах байлдаандаа бэлтгэж эхэлжээ.

Тун удалгүй Абдур Рахман “Хазара Хүмүүст Уриалах нь” захидалаа илгээсэн бөгөөд энэ захиа нь Хазара нарын эв нэгтгэлийг бутраах, тэдэн дунд хагаралдаан гаргаж байлдааны чадварыг нь сулруулах зорилгыг агуулсан байсан ба уг захиа нь тэр зорилгоо яг л биелүүлсэн аж. Хазарагийн зарим удирдагч нар, тухайлбал Мухаммэд Риза Бэг байлдааныг үргэлжлүүлэх нь өөрийн овгийг сүйрэлд авчирна гэж үзээд бусадтайгаа санал зөрөлдсөний улмаас засгийн газрын талд орж байлдсан байна. Засгийн газар энэ боломжийг ашиглан 1893 оны 4-р сард босогчидын эсрэг дайралтаа эхэлсэн боловч хэд хэдэн тулалдаанд ялагдан ихээхэн хохирол амсч байлдаан зун хүртэл үргэлжилсэн байна. Хазара нарын идэвхтэй байлдааны ажиллагаа нь Абдур Рахманыг цэргээ Хазарастанаас гарган босогчидын шаардлагыг хүлээн авч тэдэнтэй хэлэлцээр хийхэд хүргэсэн байна. Удаан харьцсаны эцэст, Хазара нар өөрийн бие төлөөлөгчидийг Кабул руу хэлэлцээ хийхээр илгээсэн ба, ингэхдээ нэлээд хэдэн Пүштүн гэр бүлийг барьцаанд авч үлджээ. Хэлэлцээрийн үр дүнд хоёр тал харилцан буулт хийсэн ба засгийн газраас Хазара нарын эрхийг хүлээн зөвшөөрсөн аж. Зэр зэмсэг, хоол хүнсээр байнга дутагдаж, мөн халдварт өвчинд олноороо нэрвэгдээд байсан ихэнх босогчид хэлэлцээрийн үр дүнг хүлээн авах нь зөв гэж үзээд байлдааны ажиллагаагаа зогсоосон байна. Гэсэн хэдий ч босогчидын зарим хэсэг тэмцлээ 1893 оны сүүлч хүрэл үргэлжлүүлсээр байсан аж.

Хазара нарын эрх чөлөөний төлөөх энэ тэмцэл бослого нь ерөнхийдөө 3 жил үргэлжилсэн гэж үздэг бөгөөд Абдур Рахманы засгийн газараас явуулсан энэхүү харгис харалган бодлого нь Хазара Пүштүн хэмээх хоёр үндэстний хоорондох өнөөг хүртэл үргэлжилж буй амь тавьсан зөрчилдөөний үндэс болж, зуун дамжсан гүн гүнзгий хорсол занал, үзэн ядалтыг бий болгосон юм.

Судлаачидын үзэж буйгаар Абдур Рахман Хазара нарын бослогыг дарахдаа хүн амыг нь аль болох цөөлөх бодлого барьж маш харгис хэрцгий үйлдэл явуулсанаас нийт хүн амын 62% хувийг алж устгасан буюу гадагш дүрвүүлсэн аж. Олон тооны Хазара хүмүүс Афганистанаас дайжин гарч тухайн үед Энэтхэгийн харьяа байсан Пакистан, болон хөрш зэргэлдээх Иранд суурьшсан юм. Мөн хөрш зэргэлдээх төв Азийн улсууд болох Түркменистан, Узбекстанд ч дүрвэн гарсан гэдэг. Чухам хичнээн тооны Хазара хүмүүсийг алж устгасан тоог гаргахад төвөгтэй ба тийм бодит тоо бичигдээгүй байдаг аж. Харин хүн амын 60% аас доошгүй хувь устгагдсан гэж үздэг нь нэлээд түгээмэл олны зөвшөөрсөн тоо юм. Хэрэвээ энэ 60% хувийг ойролцоо бодит тоо гэж үзээд, дээр дурдагдсан нийт Хазара айл өрх 500,000 гэсэн тоог оролцуулаад бодвол Хазара нарын хэлмэгдлийн тоог ойролцоогоор гаргаж болох юм. Лалын шашинтай айл өрхүүд нь харьцангуй өнөр өтгөн байдаг ба нэг өрхийг дунджаар 5 хүн амтай (мэдээж энэ бол бага тоо, лалын шашинтнууд олон эхнэр авч үр хүүхэд өнөр өтгөн байдаг нь одоо ч түгээмэл) гэж үзвэл багаар бодоход 2 сая 500 мянга буюу өнөөгийн манай улсын хүн амтай тэнцэх тооны Хазарачууд тэр үед Хазарастанд (Хазара улс) амьдарч байжээ. Үүнээс 60% хувь буюу 1 сая 500 мянган хүн нь 3 жилийн хугацаанд бослогын улмаас хядуулжээ.

Өнөөгийн Афганистан дахь Хазара хүмүүсийн лавтай тоог улс төрийн шалтгааны улмаас гаргахыг хүсдгүй талаар би түрүүчийн бичлэгтээ дурдаж байсан гэхдээ ямартай ч 3-6 сая хүн бий гэж үздэг. Энд би нэгэн сонин харьцуулалт хийх гэсэн юм. Манай Монгол улсын хүн ам 1920-30 аад онд яавч 600 мянгаас хэтэрхээргүй байсан гэдэг, гэтэл 80 гаруй жилийн дараа өдгөө бид 2.5 саяулаа. Ойролцоогоор 4.2 дахин өссөн байгаа биз. Хазара хүн амын бодит тооны талаар зүгээр нэг баримжаа мэдэхийн тулд, би цаг хугацааны хувьд ойролцоо үйл явдал, (Афганистан 1890-1900 аад оноос хойш буюу 110 гаруй жил, Монгол 1920-1930 аад оноос хойш 80 гаруй жил) амьжиргаа, нийгмийн дэвшилийн хувьд харьцангуй төстэй гэгддэг нөхцөл байдалд тулгуурлан Афганистан Монгол хоёр орны хүм амын өсөлтийг бүдүүвчлэн харьцуулж болох мэт гэж бодсон юм.

Хэрэвээ Монголын хүн амын өсөлтийн энэхүү хурдацыг тухайн үед Афганистанд 60% иа хядуулан амь гарсан 1 сая гаран Хазара хүмүүсийн тоогоор бодож үзвэл 110 гаруй жилийн дараа одоо Афганистанд хамгийн наад зах нь 4.2 сая Хазара хүмүүс байх ёстой байгаа биз. Хэдийгээр энэ тоог олдсон мэдээлэлдээ тулгуурлан тоймлон бүдүүвчлэн гаргаж ирсэн ч гэсэн, Хазара хүмүүсийн өөрсдийнх нь батлаад байгаа яаж ч байсан 4 саяас буухгүй хүн амтай гээд байгаа тоотой ойролцоо гарч байгаа юм. Мэдээж энэ тоо бол барагцаалсан тоо. Тухайн орны нийгмийн онцлог, эдийн засаг, улс төрийн байдал гээд олон зүйлийг оролцуулан байж хүн амын өсөлтийг тооцоолох л доо. Ямартай ч гэлээ бодит байдлаас хол зөрөхөөргүй барагцаалсан тоо гарч байна.

Миний л мэдэх нэг үндэстнийг үй олноор нь хоморголон алж үндэстнийх нь хувьд устгах гэж оролдсон аймшигт аллагууд дэлхий дахиний түүхэнд тоотойхон гарсан байдаг. Ийм аллагыг геноцид (genocide) гэж нэрлээд байдаг. Хүн бүхний мэдэх дэлхийн хоёр дугаар дайны үед Гитлер еврей нарыг, дэлхийн нэг дүгээр дайны үед туркууд армянуудыг хоморголон хэдэн саяар нь алж геноцид хийж байсан баримтууд бий. Гэхдээ энэ аллагуудад чухам хүн амынх нь хичнээн хувь үрэгдсэн талаар маргалддаг, Хазаруудыг алж устгасан шиг тийм нийт хүн амын талаас хол илүү 62% хувь байсан болов уу? 1890 ээд оны эхээр Хазара нарыг хоморголон алж үндэстнийх нь хувьд сөнөөх гэж сая хагас хүнийг алан гавлаар нь уул босгосон энэ аллагыг геноцид гэж үзэж болохгүй гэж үү? Харин яагаад энэ тухай дэлхий нийт байтугай, Хазара нарын ахан дүүс нь болох Монголчууд бид ч мэдэхгүй байна вэ? Би энэ асуултанд өөрөө хариу өгөх шаардлага байхгүй, харин энэ өгүүллийг энэ мөр хүртэл уншсан уншигч та бүхнийг ойлгож мэдэж байгаа гэж бодож байна.

1890 ээд оны Хазара нарын зэвсэгт бослого нь зохион байгуулалттай эв нэгдэлтэй эрх чөлөөний тэмцэл гэхээсээ илүү, арга үгүй байдалд орсон хүмүүсийн сулхан холбоос бүхий амь тэмцсэн тэмцэл байсан юм.

Болсон үйл явдлуудыг тодруулан уншиж байхад, Монголчууд бидэнд түгээмэл нэг ажиглагддаг гэдэг асуудалд нэгдмэл бус, бие даасан байдлаар ханддаг тэр байдал бас л ажиглагдаж байсан ба бослого дарагдсан гол шалтгаан нь Хазара нарын дотоодын зөрчилдөөн, овог аймгуудын хуваагдмал байдал, бие биенээсээ урван тэрслэх асуудлууд байсан юм.

Хазара нарын эрх чөлөөний төлөөх зэвсэгт бослого дарагдаж, боол болон зарагдаж эхэлсэн тэр үеээс л эхлэн Хазара үндэстнүүд Афганистаны нийгмийн ёроолд шидэгдэж, бусад гол үндэстнүүд болох Пүштүн, Тажик, Узбекүүдэд нүд үзүүрлэгдэн амь зогоох болсон ба тэднийг ялгаварлан гадуурхах асуудал өнөөг хүртэл Афганистаны нийгэмд амь бөхтэй оршсоор байгаа юм.

Хазара нарыг боолчлох асуудлыг 1921 онд дээр дурдсан Абдур Рахманы ач хүү Афганистаны шах Аманула (Shah Amanullah) албан ёсоор хорьсон боловч зарим Пүштүн хүмүүс боолчлолыг хэдэн жилийн турш үргэлжлүүлсээр байсан аж.

1940 өөд онд Захир Шах хэмээх баруунд боловсрол олсон Пүштүн эр хаан болоод Хазара хүмүүст онцгой татвар ноогдуулсаныг эсэргүүцэн, Хазара нар ахин зэвсэг барин босч засгийн газрын цэргүүдтэй байлдсан ба, үр дүнд нь онцгой татварыг хүчингүй болгож чадсан байна.

Мөн 1930-40 өөд оноос эхлэн Хазара нар “Афганистан дах Монгол Үндэстнүүдийн Холбоо”, “Дундад Азын Монголчуудын Нийгэмлэг”, “Лалын Шашинтнуудын Эв Нэгдлийн Холбоо” зэрэг нэртэй нийгэм улс төрийн зорилго агуулга бүхий эвсэлүүдийг байгуулан нэгдмэл тэмцлийг бий болгох арга замыг хайж эхэлсэн юм.

Монгол түмний минь мах цусны тасархай Хазара хэмээх энэхүү өвөрмөц хувь зохиолт ард түмний сүүлийн зуун хорь гучаад жилийн түүх нь цус нулимс, дарлал доромжлол, ялалт ялагдалаар дүүрэн гашуун боловч баатарлаг тэмцлийн түүх юм. Энэхүү түүх яг өнөөг хүртэл, уншигч таны энэ мөрийг гүйлгэн харах тэр мөчид хүртэл үргэлжилсээр байгаа гэдгийг сануулж байна.

Ер нь түүхээс харж байхад 1890 ээд оны эхээс 1930 аад оныг хүртэл дэлхийн өнцөг буланд таран орших Монгол үндэстнүүдийн хувьд хамгийн хүнд хэцүү, үндэстнийхээ хувьд мөхөж болох тийм үе байсан юмуу гэж бодогддог юм. Үнэндээ бол Монгол улс, Монгол үндэстнүүдийг мөхөж үгүй болно, тийм нөхцөл бүрдээд байна хэмээн үзэж байсан судлаачид шинжээчид байсаар байсан юм. Тэр үед үнэхээр тийм нөхцөл байдал бүрдээд байсан байж ч болно, тийм бол өнөөдөр Монгол улс байж л байна, дэлхийн өнцөг булан дахь Монголчууд улам олон болсоор л байна. Магадгүй, өнөөдөр бид үндэстнийхээ хувьд түүхэн дэх хамгийн хүнд хэцүү үеэ өнгөрөөж ахин сэргэн мандах тэр эрин үедээ ороод явж байж ч болно. Яг үнэндээ тийм ч байх гэж найдаж байна.

Нийтлэлийг бичсэн Тайж овгийн Х.БС.

From: http://mglaus.com

Хазара гэж Хэн Бэ?

2010-02-02T20:19:00.000-08:00

“Хазара” цувралын 1-р хэсэг

Хазара гэж би урьд нь мэддэг, сонсож л байсан л даа, гэхдээ нэг их анхаарч сонирхолгүй л явж. Харин хоёр жилийн өмнө ажил дээр болсон нэгэн явдал надад Хазара хэмээх энэхүү өвөрмөц хувь заяатай хүмүүсийн талаар илүүтэйгээр сонирхох эрмэлзлэл төрүүлсэн юм. Би нэгэн компанд шинээр ажилд орж, надтай хамт зэрэг шахуу бас нэгэн Афганистан гаралтай залуу ч тус компанд ажилд оров. 14 настайдаа дайн дажинтай Афган орноос гэр бүлийн хамт дайжин гарч Америкт ирж суурьшсан энэ залууг Даууд (Daoud) гэх бөгөөд 1.86 см орчим өндөртэй, бухан эрээн нүдтэй, үс сахал болсон “сүрлэг” эр байв. Дауудын аав нь 70-80 оны Афганистаны засгийн газрын нэгэн сайд байж байгаад Зөвлөлтийн Цэрэг Афганистанд орох үед Америкт дүрвэн гарч ирсэн гэнэ. Афганистаны хүн амын ихэнхийг эзэлдэг гэх Пүштүн (Pushtun, Pashtun, Pakhtun гэж өөр өөрөөр дууддаг аж) гаралтай энэ эр надтай танилцаад: “Өө, чи бол яг л Хазара байна” гээд, ер нь Хазар болон Монголчууд бол нэг л хүмүүс шүү дээ гэж надад ойлгуулахыг хичээж байсан юм. Хазара болон Монголчуудын гарал үүслийн талаар түүний хэлсэн нь үнэхээр тийм ч хол зөрөөтэй үг биш бололтой.
Хачирхалтай нь, тэр намайг Монгол гэж мэдсэнээсээ хойш надтай нэг л үл тоомсорлосон шинжтэй харьцаад байх шиг надад санагдаад байв. Мэдээж түүний энэ хандлага миний сониуч занг зүй ёсоор татаж байв. Хазара хүмүүсийн талаархи мэдэх бага зэрэг мэдлэгтээ түшиглэн, би түүнтэй зарим үед яриа дэлгэж бага багаар Пүштүн Хазар гэх хоёр өөр үндэстнүүдийн зөрчлийг яриулж аль болох их зүйлийг мэдэхийг оролддог байв. Гэсэн хэдий ч хувийн харьцааны хувьд бид хоёр бие биендээ төдий л сайнгүй байв. Уг нь нэг их сүртэй биш л дээ, “чи өнөөдөр яасан их гангараа вэ” ч гэх юмуу, тийм нэг ажлын байранд үл зохицолдох зүйл хэлэх, эсвэл асуусан асуултанд үл тоомсорлосон маягаар хандах хандлага гаргадаг байсан юм. Ер нь иймэрхүү үл шалих асуудлыг тэгэсгээд тоомсорлолгүй өнгөрөөж болох л доо. Хамгийн гол нь түүний зүгээс надад хандах иймэрхүү харьцааны үндэс шалтгаан нь ердөө л би Монгол (Хазара) хүн байсанд л байсан юм. Чухам энэ л асуудал надад нэг жаахан “юм” бодогдуулаад байв.
Ажилд ороод удалгүй зохион байгуулалтын өөрчлөлт орж ажил үүргийн хувьд Даууд надаас зарим талаар хамааралтай болов. Мань хүн үнэндээ ажил мэргэжлийн хувьд тийм ч гаргууд нэгэн байсангүй, тиймээс ч манай босс түүний ажлыг ихэд голдог байв. Хэдийгээр би хүнд муугаар хандья гэж бододгүй түгээмэл, Монгол “тэнэгдүү” зантай нэгэн боловч, энэ удаа би түүний тэр үл тоомсорлох гэсэн өчүүхэн оролдлогыг нь дарахаар шийдэж надааар дамжиж ирсэн Дауудын ажлуудыг шалтаг олон голж буцаан босс-доо давхар мэдэгдэж и-мэйл явуулдаг болов. Мань хүн ч даргаас хэд хэдэн удаа банга хүртэж эвгүй байдалд орсон бөгөөд би далим гаргаж түүний өрөөнд нь нэг удаа орж хаалгыг нь хааж байгаад “Чи жаахан аятайхан байгаарай” гэж хэлээд ажил төрлийнх нь талаар ч, бас хувийн харьцааных нь талаар ч түүнд сануулга өгсөн юм. Үүнээс хойш Даууд байдлыг ойлгож надтай маш эеэлдэгээр харьцдаг болсон юм.
Өнгөц харахад бид хоёрын харьцааны энэ асуудал ажил дээрээ таардаггүй хоёр нөхөрийн зөрчилдөөн мэт боловч үнэндээ тийм биш, нэлээд гүн гүнзгий агуулгатай, Пүштүн Хазара хэмээх хоёр үндэстний гүнзгий зөрчилдөөний нэг хувилбар байсныг би тэхэд мэдэж билээ.
1890 он орчмоос Хазара үндэстнүүд Афганистаны засгийн эрхийг барих Пүштүнүүдэд бүх эрх мэдлээ алдан боолчлогдсон бөгөөд, өнөөг хүртэлх 110 гаруй жилийн турш дарлал доромжлол, харгислалын дор хоморголон устгах аймшигт бодлогод өртсөөр иржээ. 21 зуун, 2008 он гэх өнөө үед ч ихэнх Хазара нарын хувьд өнөөгийн нийгмийн “боолын” гэж болох хөдөлмөр эрхлэн амь зогоох нь сонголтгүй, ганцхан хувь заяа байсаар ирсэн юм. Тиймээс ч Пүштүн Хазара нарын хооронд зөвхөн “эзэн, албат” – ын харьцаа л байдаг аж. Ингээд бодохоор Афганистан дахь Хазара нарын бодит байдал ямар байгаа бол гэж бодогддог байв.
Хэдийгээр Америкт багаасаа өсч боловсрол олсон боловч Даууд яг л тэр Афган сэтэгэхүйнийхээ өнгө аясыг энд Монгол хүнд гаргах гэсэн нь үнэхээр тэнэгдүү оролдлго бөгөөд үүнийг тэдний зүгээс Хазара хүмүүсийг хэрхэн үздэгийн илрэл гэж үзэж болно. Бодвол тэдний хувьд Хазара (Монгол) хүн л харах юм бол ингэж үл тоомсорлон харьцах нь зүгээр л “сураар боож болдгүй сурсан зан” байсан байх л даа. Харин энэ удаа Дауудын аз дутахад, түүнтэй таарсан Хазара нь нэн зөрүүд мугуйд нэгэн Монгол байсан ба үл хүндэлсэн асуудлыг зүгээр нэг анзаараагүй мэтээр өнгөрөөдгүй байх нь гэдгийг тэр ойлгосон юм.
Ингээд би энэ нийтлэлийнхээ үндсэн агуулга болох Хазара хэмээх өвөрмөц бас өрөвдөлтэй хувь заяатай ард түмний талаар товчхон өгүүлье.
Олны дундах түгээмэл ойлголтоор бол Афганы төвөөр нутагтай Хазара хэмээх энэхүү Ази төрхтэй хүмүүс нь манай эзэн Чингэс хааны байлдан дагуулалтын үеэр дундад Ази, Перст (Иран) үлдсэн Монгол гаралтай хүмүүс ажээ…

Нийтлэлийг бичсэн Тайж овгийн Х.БС.

From: http://mglaus.com

Месенжерээр ирсэн үгс#3

2010-01-28T02:38:00.000-08:00

Нэгэн залуу найз танил бүсгүйрүүгээ
-Наа baina гээд утсаараа мессэж явуултал хариуд нь
- orondo bn гэж гэнэ. Мань хүн гайхаад
-odoo boltol bosoogui baigaam uu гэхэд
-uguiee oroondoo geed bhad гэхээр нь
-emegtei hun oroo oroh gej baidiim uu гэсэн гэдэг. Үнэн хэрэгтээ өрөөндөө гэж бичсэн байжилдээ.

Месенжерээр ирсэн үгс#2

2010-01-28T01:05:00.001-08:00

Ирак руу Монголчууд цэрэг илгээсэн тул Иракууд Монголыг бөмбөгдөхөөр шийджээ. Тэгээд Улаанбаатар хотыг бөмбөгдөхөөр онгоц явуулж гэнэ. Тэгтэл бөмбөгдөгч онгоц нь бөмбөгдөлгүй буцаад иржээ. Яагаад бөмбөгдсөнгүй вэ гэтэл онгоцны жолооч тэнд чинь тийм хот алга гэж гэнэ. Тэгэхээр нь бүр сайн зааж өгөөд доогуур нисээд сайн хар гэж гэнэ.Тэгтэл дахиад л бөмбөгөө хаялгүй буцаад ирж гэнэ. Бас яагаад бөмбөгөө хаясангүй вэ гэтэл жолооч тэртээ тэргүй тэр хот чинь шатаж байна лээ гэжээ

Месенжерээр ирсэн үгс#1

2010-01-28T00:55:00.001-08:00

Шар үстэй чаатчин охин байсан
Шал дэмий бүтэн жил чааталсан
Анх эхлээд тэр намайг add хийсэн
Арван хурууны бичээч шиг чааталсан
Дахилт: Нэг л удаа камердсан
Тэр намайг нэтэд хүлээжий гэсэн..
Тэр тэр охин чаатчин охин байсан
Тэр тэгээд нэтгүй охин болсон
Тэр надтай чаатлана гэдэг байсан
Тэр тэгээд камердаад намайг мартсан
Нэг жилийн дараа мэйл ирсэн
Нэг хүнтэй чааталсан гэдгээ хэлсэн
Тэр тэгээд түүнд камаа өгсөн гэсэн
Тэр одоо надтай чааталку гэсэн..

Бодол санааныхаа хүчийг мэдэр

2010-01-27T00:09:00.000-08:00

Хайр бол хамгийн хүчтэй мэдрэмж. Эцэг эх, ах дүү, найз нөхөд, мөн хар элгийн хүнээ хайрлах тэр агуу сэтгэл дээр хүмүүс бидний амьдралын утга учир, амьд явахын учир шалтгаан оршдог билээ. Товчхондоо та хайрлуулахыг хүсч байгаа бол өөрөө эхлээд хайрла. Бусдыг хайрлах сэтгэл агуу юм. Гэвч амьдралын эгэл өдрүүдэд бид эд хөрөнгө, албан тушаал, зугаа цэнгэлд хэт хошууран хайрын жинхэнэ мөн чанарыг умартдаг нь цөөн биш.
Эсвэл хэн нэгэнд сэтгэл алдравч хайрлаж, хайрлуулж чадахгүй явсаар өдөр хоногуудыг ардаа орхидог. Эсвэл магадгүй таны сэтгэл зүрх хэн нэгний зүрхний дуудлагад хариулахаас татгалзаж байгаа бол, эсвэл ерөөс хайр бол зөвхөн шаналлаас өөрийг авчирдаггүй гэж боддог бол та зөвхөн хайрлаж л сурах хэрэгтэй юм байна. Үүний тулд эртнээс мэргэдийн бидэнд зөвлөсөөр ирсэн жинхэнэ хайрын нууцуудыг мэдэж байх ёстой.

Бодол санааныхаа хүчийг мэдэр Бид юун тухай бодож байна, түүнтэйгээ адил болж хувирдаг нь маргашгүй баримт. Та муу санаа агуулбал муу, муухайг мэдэрч, сайн сайхныг мэдэрвэл баяр баясгалан мэдэрч, аз жаргалтай болдог. Бодол санаа тань хайраар дүүрвэл та хайрыг амсана. Хэрэв та сайн сайхан бодлуудыг бий болгож чадахгүй байвал дотроо эсвэл дуулдахаар дахин дахин хэлэх замаар санаа бодол, итгэл үнэмшлээ өөрчилж болно.
Бодол санаа, үйл хөдлөлийг, үйл хөдлөл зан үйлийг, зан үйл нь хувь заяаг бүтээдэг гэдгийг санаарай. Тиймээс агуу хайрыг мэдэрч, мэдрүүлж сурахад эхлээд бодол санаагаа зөв болгож, бодол санааныхаа агуу их хүчийг мэдрээрэй.

Хүндэтгэл нь хайрыг бий болгодог Хэн нэгнийг ямар нэг зүйлийг хайрлахын тул эхлээд заавал хүндэтгэх хэрэгтэй. Үүний тулд эхлээд өөрийгөө хүндэлж сурах нь зүйтэй. Өөрийгөө хүндлэхгүй бол өөрийгөө хайрлаж чадахгүй. Тэгэхээр юуны түрүүнд би өөрийгөө хүндэлж, хайрлаж байна уу, гэж өөрөөсөө асууж, өөрийгөө хүндлэх сэтгэлийг бий болгох, төлөвшүүлэх аргыг байнга хэрэглэж сур.
Би өөрийнхөө юуг хүндэлдэг вэ гэж асуухад ухаан санаа тань хүмүүсийн танд таалагддаггүй талууд дээр нь биш хүндэлмээр тал дээр нь төвлөрч эхэлнэ. Үүний дүнд та хүмүүст агуу хайраар хандах болно. Хүн гээч амьтан өөртөө, бусдад, амьдралд хүндэтгэлгүй хандсанаас хорвоогийн хайр энэрлийг үгүй болгодог. Иймээс та эхлээд өөрийгөө ойлгож, хүндэлбэл хайр аяндаа таниас ундран гарах болно.

Эхлээд өөрөө өг Та хэн нэгэн рүү инээмсэглэхэд тэр хүн тань руу хариу инээмсэглэдгийн адилаар сайхан сэтгэлийн үг, утасны яриа, захидал гэх мэт хүний төлөө анхаарал тавьж буй бүхэн тань буцаж ирдэг. Хэн нэгэн түрүүлж алхам хийхийг бүү хүлээ. Хөгжимчин хүн хүмүүс бүжиглэвэл би хөгжимдөнө гэдэггүй шүү дээ. Жинхэнэ хайр хариу нэхдэггүйг санаарай.
Хэрэв та жинхэнэ хайрыг мэдрэхийг хүсвэл хайр ямар ч болзолгүйгээр хариуд нь юу ч шаардахгүйгээр бусдад өгөхөд бэлэн байх ёстой. Түүнээс гадна хоёр хүний харилцаанд тэр миний төлөө юу хийж чадах вэ гэж асууж байвал тэр харилцаа хамтын амьдралд насан туршийн хайрыг бий болгодог гэдгийг санаарай.

Хайрыг хүсч байвал нөхөрлөлийг хай Францын их зохиолч Антуан де Сент-Экзюпери “Хайрлана гэдэг нь өөд өөдөөсөө харахыг биш нэгэн зүгт харахыг хэлнэ” гэж хэлсэн байдаг. Нэг итгэл үнэмшил, бишрэл иь насан туршийн жинхэнэ хайрын үндэс юм. Олон хүмүүс бие мах бодийн сонирхлоос хайр үүсдэг гаж ташаа ойлгодог нь харамсалтай. Гэтэл гоо үзэмж мөнх биш, өдрөөс өдөрт гундаж байдаг зүйл.
Харин нэгдмэл санаа, зорилго, сонирхол, хүндлэл нөхөрлөлөөс үүссэн хайр өдрөөс өдөрт бэхжиж байдаг юм. Үүний баталгаа болох нэгэн судалгаа танд сонин байж болох юм. 50-иас дээш жил хамтдаа аз жаргалтай амьдарсан хосуудаас энэ амжилтынх нь нууц юунд байгааг асуухад нөхөрлөл гол үүрэгтэй гэж хариулсан гэж Америкийн их сургуулийн хэсэг социологчид судалгаандаа бичжээ. Тэгэхээр харьцаандаа хайр бий болгохыг хүсвэл та эхлээд нөхөрлөлийг олоорой.

Эрх чөлөө олго Тагтаа тэжээж тэднээрээ бахархан хайрладаг хирнээ далавчаа ч дэлгэн нисэх боломж өгөлгүй торонд барьдаг хүнийг уншигч та юу гэж дүгнэх бол? Хайрлахыг албадаж болохгүй. Эс тэгвэл дээрх тагтаа тэжээгчээс ялгарах юмгүй болно. Та хэн нэгнийг хайрлаж л байвал түүнийг эрх чөлөөтэй байхыг хүлээн зөвшөөрөх ёстой. Түүнийг өөрийнхөөрөө шийдвэр гаргах, таны хүссэнээр биш өөрийнхөө хүссэнээр амьдрах боломж олгох ёстой. Хэн нэгнээс зууралдаад л байвал сэтгэл санааны хувьд түүнийг багалзуурдаж эхлэнэ.
Энэ нь хайрласандаа биш харин өөртөө итгэлгүй байснаас, алдахаас айснаас, эсвэл бүр хардалтаас голцуу үүсдэг зүйл. Тэгэхээр юуны түрүүнд хүнийг бие мах бодиор нь төдийгүй хайрлахад саад болж байгаа бүхнээс тухайлбал буруу итгэл үнэмшил, буруу бодол, хорсол гомдол, догшин ширүүн зангаасаа чөлөөлөгдөх хэрэгтэй. Харин ийнхүү чөлөөлөгдөхийн тулд хүнийг уучилж сурах ганцхан арга байдгийг танд сануулъя. Гомдол нь сэтгэлийг эвддэг бол уучлал нь хайранд орон зай гаргаж өгдөг юм шүү.

Хайраа илэрхийлж бай Хүмүүст тохиолддог хамгийн том бэрхшээлүүдийн нэг нь тэд хайрлаж чаддаггүйд биш харин өөрсдийн мэрдэмжээ илэрхийлэн гаргаж чаддаггүйд, бие биетэйгээ харьцаж чаддаггүйд байдаг. Энэ нь хүмүүсийн дунд оршдог хамгийн түгээмэл “өвчин” гэдгийг хүлээн зөвшөөрөхөөс аргагүй. Бид бие биедээ юу мэдэрч байгаагаа ярьдаггүй, бусдын бидэнд юу хэлэх гэж байгааг ч анхаарч сонсдоггүй. Орой болмогц тус тусдаа зурагт үзэн сууцгаадаг. Энэ нь үргэлжилсээр бид жинхэнэ ёсоор харьцахгүй болж эцэст нь жинхэнэ ёсоор хайрлалцаж чадахаа болиход хүргэдэг.
Хэрвээ бид харьцаж, сэтгэлээ илэрхийлж чадахгүй л бол хайрыг өгч, авч ч чадахгүй. Өөрөөр хэлбэл, хайрлана гэдэг нь харилцан санаа бодлоо хуваалцана гэсэн үг. Та сэтгэлээ дотроос нь түгжээд байвал өөрөө зожиг, дарамттай хүн болоод зогсохгүй ойр дотны хүмүүстээ танд туслах, таныг дэмжих боломж олгохгүй. Мэдээж бид өөрсдөө сэтгэлээ илэрхийлэхгүй бол харьцаа тогтоож чадахгүй шүү дээ. Хэрвээ хоорондоо санаа бодлоо хуваалцвал амьдрал хэмээх аялал тийм ч хүнд хэцүү биш гэдгийг санаж яваарай.

Хайр бол үнэнч байх явдал Хүмүүс хайрыг нэг тийм уян зөөлөн, романтик зүйл гэж ихэнхдээ төсөөлдөг. Гэтэл хайр бол үүнээс хавьгүй илүү их зүйл юм. Хайр гэдэг харьцаандаа үнэнч, тууштай байх явдал юм. Та хэн нэгнийг үнэнээсээ хайрладаг бол түүнтэй харьцах харьцаандаа үнэнч байх хэрэгтэй. Ямар ч харьцаанд хөөрөл ба уналт, сайн муу цаг тохиодог бөгөөд чухам ийм үеүдийг хэрхэн даван туулснаас харьцааны амьдрах чадвар шалтгаална.
Хоёр хүн маргалдах бүртээ харьцаагаа тасална гэж сүрдүүлээд байвал эрт орой хэзээ нэгэн цагт энэ харьцаа дуусч л таарна. Та хэн нэгэнд, ямар нэг зүйлд үнэн л юм бол түүнээ орхих хувилбар байх ёсгүй гэж ойлгож болно. Үнэнч чанар бат бөх харьцааг хэврэг харьцаанаас ялгаж өгдгийг та амьдрал дээрээс бэлхнээ харж болдгийг ахин санаарай.

Итгэж сур Өөрөөр хэлбэл та урьд нь хэн нэгэнд итгэдэггүй байсан бол одоо өөрийгөө өөрчилж, хүнд итгэж сур. Таны амьдрал итгэлийн хүчээр цоо шинээр эхлэхийг мэдрэх болно. Хэн нэгэнд итгэхгүй л бол түүнийг хайрлаж чадахгүй.
Учир нь итгэл байхгүй бол та амгалан тайван бус, хартай сэжиглэмтгий болж нөгөө хүндээ хууртахаас байнга айдаг болно. Энэ нь харьцаанд тэсэхийн аргагүй дарамт үүсгэж, нөгөө хүн тань өөрийгөө занганд орсон мэт сэтгэж эсвэл байнгын түгшүүрт автах болно. Зарим хүмүүс харьцаа нь тасарчих вий гэж үргэлж айж байдгаас харьцаа нь аяндаа хэврэгшин нэг л өдөр үнэхээр тасардаг. Амьдралын олон бэрхшээлийг шийдэж болох арга зам нь өөртөө, ханьдаа амьдралд итгэж сурах явдал гэдгийг зүрхний тарни болгож аваарай.

Guerilla marketing

2010-01-26T01:58:00.000-08:00

Сүүлийн үед уламжлалт өндөр өртөг бүхий сурталчилгааны аргуудаас гадна уламжлалт бус аргуудыг маркетингд хэрэглэх нь илүү үр дүнгээ өгч байна. Уламжлалт бус идэвхжүүлэлтийн арга болох “Партизан маркетинг” /Guerilla marketing/ - ийн талаар танилцуулж байна.

Маш бага төсөв, хямд төсөр аргаар хэний ч урьд өмнө хийж байгаагүй шинэлэг өвөрмөц идэвхжүүлэлтийн үйл ажиллагаа хийх арга юм. Заримдаа ийм төрлийн идэвхжүүлэлтийн үед хэрэглэгч сурталчилгаанд өртсөн, идэвхжүүлэлтийн бай болсоноо мэддэгүй байна.

Хэрэв та партизан маркетер байхыг хүсэж байгаа бол таниас бүтээлч, шинэлэг сэтгэлгээ шаардах төдийгүй онцгой шийдэл бүхий идэвхжүүлэлтийн санаа, хэрэгсэл бодож олох шаардлагатай. Маркетер нь өөрт байгаа албан болон хувийн бүх харилцаа холбоо, танилыг ашиглах ёстой бөгөөд байж болох бүх идэвхжүүлэлтийн боломж, сувгыг сайтар судлах ёстой байдаг. Тийм өндөр үнэтэй биш эсвэл бүр үнэгүй олон төрлийн сурталчилгааны суваг, байгууламж, обьект хэзээд хотод байж байдаг байна.

Үндсэн зарчим

• Жижиг бизнесүүд партизан маркетингийг түлхүү ашигладаг, учир нь тэд хэрэглэгчтэй илүү ойр нөгөө талаар хөнгөн шаламгай байдаг.
• Энэхүү арга нь таны маркетингийн туршлага, бодлого, санаа /таамаглал/-н дээр бус хүн /хэрэглэгч/-ний сэтгэл зүй дээр суурилдаг.
• Идэвхжүүлэлтийн шинэ санаачлагад мөнгөөр бус уран сэтгэмж, цаг хугацаа, хичээл зүтгэлээр хөрөнгө оруулалт хийдэг.
• Бизнес болон маркетингийн үйл ажиллгааны үр дүнг хэмжих үндсэн үзүүлэлт нь борлуулалтын орлого биш ашиг байдаг.
• Маркетер хүн сар бүр хэдэн шинэ харилцаа бий болгох дээр төвлөрөх хэрэгтэй.
• Өрсөлдөөний тухай мартаж бусад бизнестэй хамтран ажиллах тал дээр илүү төвлөрдөг.
• Сурталчилгааны компанит ажилд маркетер нь маркетингийн аргуудыг хослуулан ашигладаг.
• Орчин үеийн технологийг амжилтад хүрэх хэрэгсэл болгон ашигладаг.

Гар утасны жинхэнэ эсвэл хуурамч гэдгийг хэрхэн мэдэх вэ?

2010-01-26T01:46:00.000-08:00

Та бидний өдөр тутмын хэрэглээ болсон гap утасны ориг эсвэл хулхийг мэдэх маш хялбар арга байна. Та өөрийн гap утсандаа *#06# гээд бичээд үзээрэй.

Тэгээд таны гар утасны ориг хулхи эсэх нь гарч ирэх сериал номеруудын 7 ба 8 дахь орнуудаас шууд хамааралтай. Энэ тоонууд нь олон улсад хэрэглэгддэг чанарын стандартын хэмжүүр аж. Мөн дэлхийд гap утас үйлдвэрлэдэг болон угсардаг маш цөөхөн үйлдвэрүүд байдаг юм байна. Гар утас нь угсрагдсан гэж байвал хулхи, үйлдвэрлэгдсэн гэж байвал ориг байдаг гэнэ.

Хэрэв 7 ба 8 дахь орон нь 00 гэсэн цифрүүд байвал энэхүү утас нь жинхэнэ үйлдвэртээ үйлдвэрлэгдсэн бөгөөд хамгийн сайн чанарын ориг утас гэж үзэж болно. Жишээ нь таны утас NOKIA фирмийнх бол энэхүү утас яг NOKIA фирмдээ үйлдвэрлэгдсэн ярих юмгүй ориг утас гэсэн үг.

Хэрэв 7 ба 8 дахь орон нь 01 юмуу 10 гэсэн цифрүүд байвал энэхүү утас нь Финланд улсад үйлдвэрлэгдсэн бөгөөд боломжийн сайн чанарын утас юм байна.

Хэрэв 7 ба 8 дахь орон нь 08 юмуу 80 гэсэн цифрүүд байвал энэхүү утас нь Герман улсад үйлдвэрлэгдсэн бөгөөд тийм ч муугүй утас. Дундаж ч гэж хэлж болно.

Хэрэв 7 ба 8 дахь орон нь 02 юмуу 20 гэсэн цифрүүд байвал энэхүү утас нь чанарын хувьд муу ба Арабын нэгдсэн Эмират улсад угсрагдсан байдаг гэнэ.

Хэрэв 7 ба 8 дахь орон нь 13 гэсэн цифрүүд байвал энэхүү утас нь Азербайжанд угсрагдсан бөгөөд хамгийн муу чанарын утас. Мөн энэхүү утас нь хүний эрүүл мэндэд ч муу хор нөлөөтэй байж болзошгүй байж магадгүй аж.

Сонирхолтой судалгаа

2010-01-25T20:48:00.000-08:00

Кодакийнхан шинэ зургийн аппрат гаргахдаа нэгэн шинэ төрлийн судалгаа авaхыг хүссэн байна. Уг судалгаагаандаа хүмүүсийг эрэгтэй, эмэгтэй буюу хүйсээр нь бүлэг болгожээ.

Сурталчилгааныхаа гол дүрийн баатараар эмэгтэй хүн тоглуулан эрэгтэй хүмүүст зориулан сурталчилгаа хийжээ. Үр дүнд нь 48% худалдан авалт хийсэн байна.
Сурталчилгааныхаа гол дүрийн баатараар эрэгтэй хүн тоглуулан эмэгтэй хүмүүст зориулан сурталчилгаа хийжээ. Үр дүнд нь 42% худалдан авалт хийсэн байна.

Судалгаа №2

Сурталчилгааныхаа гол дүрийн баатараар эмэгтэй хүн тоглуулан эмэгтэй хүмүүст зориулан сурталчилгаа хийжээ. Үр дүнд нь 12% худалдан авалт хийсэн байна.

Сурталчилгааныхаа гол дүрийн баатараар эрэгтэй хүн тоглуулан эрэгтэй хүмүүст зориулан сурталчилгаа хийжээ. Үр дүнд нь 8% худалдан авалт хийсэн байна.

Дүгнэлт:
Аливаа зар сурталчилгааг хийхдээ сурталчилгааныхаа гол дүрийг хэрхэн сонгохоо сайн бодох хэрэгтэй гэдэг нь харагдаж байна. Худалдан авагч нар эсрэг хүйсийн хүний тоглосон сурталчилгааг илүү хүлээж авдаг байна. Мөн зарим бүтээгдэхүүний хувьд хэрэглэгч нь эрэгтэй байхад худалдан авагч нь эмэгтэй байдаг. Жишээлбэл эрэгтэй дотуур хувцасны худалдан авагчийн 80% нь эмэгтэй байдаг. Тэгэхлээр сурталчилгааны шийдэл нь илүү эмэгтэй хүнд хандсан байдлаар явуулах хэрэгтэй. Ижил төрлийн зар сурталчилгаанд төдийлөн ач холбогдол өгдөггүй. Тэгэхлээр эмэгтэй хүнд эрэгтэй хүн тоглосон, эмэгтэй хүнд эрэгтэй хүн тоглосон сурталчилгааг хийх нь илүү оновчтой.

Хамгийн товчоор бол: Хэрэглэгчид эсрэг хүйстнийхэндээ тааламжтай ханддаг.

Өрөө хөлслүүлнэ /жич: зуулчлагч/

2010-01-25T02:04:00.000-08:00

Зүгээр л би зүрх хайж яваа хайр байна
Зүрхэнд чинь өрөө хөлслөх гэсэн юм
Төлөөсөнд нь хувирашгүй сэтгэл үүрдийн хайр өгье
Төлбөр нь таалагдаж байвал хариу send to me
Тэгэхдээ би ганцхан өрөөтэй зүрх хайж байна
Гэгээлэг наран талдаа цонхтой
Яагаад гэвэл би энэ зүрхэндээ насан туршдаа амьдрах болохоор
Яадаг ч байсан хувааж эзэмшихгүй
Хөөрхөн байх албагүй үүрд амьдрана гэж зар өгсөн болохоор
Үнэнч байвал болох нь тэр
... хэхэ За тэгээд зөвшөөрч байвал энэ хүний холбоо барих хаягыг заагаад өгий...

"Avatar" кино дэлхийг шуугиулж байна.

2010-01-18T07:16:00.000-08:00

Та бидний сайн мэдэх "Титаник", "Терминатор", "Терминатор-2", "Харийнхан", "Соларис" зэрэг гайхамшиг болсон олон бүтээлүүдээр танигдсан кино найруулагч Жеймс Камеруний бас нэгэн өвөрмөц шийдэл бүхий бүтээл АВАТАР /”Аvatar”/ хэмээх кино дэлхий дахиныг шуугиулж байна. “Avatar “ кино зөвхөн АНУ - д 68.3 сая ам.долларыг олж, дэлхий даяар 1 тэрбум ам.долларыг олсон бөгөөд Холливудын Sci - fi төрлийн кино ертөнцөд шинэхэн тэсрэлтийг бий болгож чадсан бүтээл болсон.

“Avatar“ нь 4 долоо хоногийн өмнө нээлтээ дөнгөж 77 сая ам.доллараар эхэлсэн юм. Гэтэл бусад тэргүүлэх кинонууд эхний долоо хоногоо 158 сая ам.доллараа эхэлдэг. Харин дараагийн долоо хоногуудад ашиг орлого нь эрс буурдаг байна. Гэтэл “Avatar“ киноны хувьд байдал өөрөөр эргэж, ашиг орлого нь огцом нэмэгдэж эхэлсэн юм.

Уг бүтээл нь интернэтийн www.yahoo.com сайтаас гаргадаг судалгаагаар кино шүүмжлэгчид болон үзэгчидээс "А", кино ертөнцийн хамгийн том интернэт вэбсайт болох www.imdb.com явуулсан хэрэглэгчидийн судалгаанаас мөн 8,9*10 гэсэн санал авсан нь 2009 онд гарсан бүтээлүүдээс хамгийн өндөр саналыг аваад байна. Одоогоор “Avatar“ кино нь Box Office – ийг тэргүүлсэн хэвээр л байна.

“Avatar“ нь Камероны 1997 онд гаргасан "Titanic" киноны дараах анхны кино нь юм. Бид "Titanic" –г дэлхий даяар 1.8 тэрбум ам.доллар олж дэлхийн кино урлагийн хамгийн ашиг ихтэй киноны жагсаалтыг тэргүүлсэн болохыг мэдэх билээ.
Тэгэхээр Камерон дэлхийд 2 удаа 1 тэрбум ам.доллараас их ашиг олсон анхны кино бүтээгч болсон байна. Титаниктай зэрэгцэн "The Lord of the Rings: The Return of the King" 1.13 тэрбум ам.доллар, "Pirates of the Caribbean: Dead Man*s Chest" 1.06 тэрбум ам.доллар, "The Dark Knight" 1 тэрбум ам.доллар олсон юм.

"Avatar" кино бусад ашиг ихтэй кинонуудаас давуу талыг олсон нь киног дижитал 3D –р үзүүлсэнтэй холбоотой юм байна. Учир нь кино театруудад 3-D кинонууд энгийн 2D киноноос хэдэн доллараар үнэтэй гардаг байна. 12 жилийн өмнө "Titanic" гарч байсантай адил "Avatar" кино цаашид их хэмжээний ашиг олох нь мэдээж хэрэг юм. Холливудын хувьд баярын улирал дуусч зогсонги улирал ирж байгаа нь шинэхэн нээгдэх кинонуудын тоо буурахыг илтгэж байгаа хэрэг. Тэгэхээр "Avatar" киноны хувьд өрсөлдөгч бараг байхгүй болно. "Titanic" кино Оскарын наадмаас 11 шагнал хүртэж хамгийн олон шагнал хүртсэн киногоор тодорсон. Энэ удаа "Avatar" мөн Оскард нэр дэвших магадлал өндөр байна.

Анх тус киноны талаар мэдээлэл цацагдсанаас хойш тийм ч хүчтэй хүмүүсийн сонирхолыг татахгүй байсан бол trailer нь гарч эхэлсэн даруйдаа олон олон кино шүүмжлэгч, сонирхогчидын дунд шуугиулаад авсан юм. Чухамхүү киноны шинэ санаа, шинэ өнгө нь уг шуугианы эхлэл болсон гэж хэлж болох юм. Киноны дотоод ертөнц нь бидний сайн мэдэх тоглоомуудын төрх ч юм шиг харагдах нь маш гайхалтай болгож өгсөн байна. Кино сонирхогчид киног заавал үзэх ёстой киноны нэг хэмээн үзэж байна.

Та бүхэн ч гэсэн тус киноог дуу дүрсний өндөр нягтралтайгаар үзэхийг хүсвэл “Өргөө” синема кино театрыг зорихыг зөвлөж байна. “Avatar “ кино 2010.01.05 “Өргөө” синема кино театрт нээлтээ хийсэн юм.

Саятны амжилтын 21 нууц

2009-11-23T00:10:00.000-08:00

Амжилт гэдэг таны хувьд мөрөөдлийн төдий зүйл биш юм. Хүн бүхэн амжилтанд хүрч чадна. Ингэхийн тулд зөвхөн юунаас яаж эхлэх, юуг яаж хийх ёстой гэдгээ эхлээд нарийвчлан төлөвлөж тэрэндээ хүрэх сэтгэлийн тэнхээ, тэсвэр хатуужил, чадвартай байх ёстой. Дөнгөж сая өөрөө сурч мэдсэн сурч эзэмшсэн зарчмыг амьдралдаа хэрэглэвэл та урагшаа давшиж чадна. Хэрэв та амжилтанд хүрсэн бусад хүмүүсийн хийсэн зүйлийг дэс дараатай, шаргуу гүйцэтгэвэл таныг том амжилтад хүрэхэд чинь дэлхий ертөнц дээр юу ч саад болохгүй. Таны хүсэл мөрөөдлийг бодит болгоход доорх зөвлөгөө бага ч болов туслах болов уу.

Агуу ихийг мөрөөд
Асар их амжилт, эд баялагийг бий болгож чадсан тэдгээр хүмүүс өнөөдөр тэдэнд юу байгаагаас илүү ихийг хүссэн мөрөөдлөөс гараагаа эхэлсэн байдаг. Та өөрийнхөө амьдралыг орвонгоор нь эргүүлж, өөрийнхөө хүсч байгаа тэр амьдралаа зөгнөж төсөөлөн бодохыг өөрөөсөө шаард. Агуу ихийг мөрөөдөх нь таны зорилгодоо хүрэх тухайлбал, санхүүгийн хараат бус байдалд хүрч очих замын эхлэл цэг нь юм. Хэрэв та амжилт олно гэсэн бүрэн итгэл найдвартай байгаа бол та чухам юу хийх гэж байсан, юуг хийх гэж оролдож. байснаа бүгдийг бич. Дараа нь тодорхой нэгэн үйл ажиллагааг сонгон авч, түүнийгээ яаравчлан биелүүл.

Чиглэлийн тодорхой мэдрэмжтэй ажиллах
Манан будан дунд хөвөлзөж яваа өөрсдийнхөө бүдэг мөрөөдлийг агаараас салгаж аваад түүнийгээ цаасан дээр буулгаж тодорхой бодитой болго. Амжилт олж байгаа хүмүүс цаг хугацааныхаа тодорхой хэсгийг өөрсдийнхөө зорилгын тухай бодоход зарцуулдаг. Үүний үр дунд тэд өөрийнхөө зорилгод хүрэх чиглэлээр тасралтгүй урагшилдаг, ингэснээр тэр зорилго нь тухайн хүнд улам бүр ойртон очдог. Мөн зорилгынхоо онцлогыг тодорхойлохын тулд зорилгынхоо томьёолол бүрийг "Би" гэдэг үгнээс эхэл.

Зөвхөн өөрийнхөө төлөө ажиллаж байна гэж бод
Өнөөдрөөс эхлэн өөртөө бүхний төлөө зуун хувийн хариуцлага үүрүүл. Өөртөө учирсан асуудал, өөрийнхөө гаргасан дутагдлын бурууг бусад руу тохож, зөвхөн өөрийгөө зөвтгөх гэсэн оролдлогоосоо татгалз. Та яагаад чин сэтгэлээсээ өөрийнхөө санхүүгийн зорилгоо амжилттай биелүүлэх гэж зүтгэхгүй байгаагаа тайлбарласан, зөвтгөсөн, бас өөрийхөө хэлэх дуртай шалтгаануудаа тоочиж гарга. Таныг хөгжүүлэхэд саад болж байгаа ямар нэгэн зүйл, хэн нэгэн байна уу. Энд ямар ч хариулт гарлаа гэсэн өөрийнхөө хувийн амьдралын төлөө бүх хариуцлагыг өөртөө хүлээж, өнөөдрөөс түүнийгээ хэрэгжүүлэх ажилд ор.

Өөрийнхөө хүсч дурлаж байгаа зүйлээ хий
Танд ямар ажил хамгийн их таашаал авчирсныг магадлан тогтоо. Өнөөдрийг хүртэл ямар үйл ажиллагаа таны амьдралд хамгийн их амжилт авчирсан вэ? Хэрэв өөрийнхөө дуртай ажлыг хийх бололцоотой байсан бол, тэр ажлаа бүр амжилттай хийх байсансан бол, та өөрийнхөө төлөө юуг сонгох байсан бэ? Энэ бүхэнд хариу өгөөд, тэр хариултаа өөрийнхөө зорилго болгон цаасан дээр бичиж, түүнийгээ хэрэгжүүлэх төлөвлөгөө зохион өнөөдрөөс эхлэн заасан зүг рүүгээ урагшлан яв.

Өөрийгөө шилдэг сайн болгоход зориул
Та өөрөө шилдэг болсон үед л таны амьдрал шилдэг болно. Өөрт чинь хамгийн их туслаж цорын ганц чадвараа бүрэн гүйцэд гаргах хэрэгтэй. Таны хүлээсэн зөвхөн нэг үүрэг чинь цаашдын ажлын явцад таныг өөрөө хөдөлмөрлөж мөнгө хийдэг саятан болгоно.

Илүү удаан, илүү шаргуу ажилла
Өдөр бүр ажилдаа зарцуулдаг цагаа яаж уртасгах, ихэсгэх тухай төлөвлөгөөг одооноос эхлэн хий. Ажилдаа эрт ирдэг болох шийдвэр гаргаж, өдрийнхөө гараанд урагшаа ухасхийж суга үсрэн rap. Өдрийн хоолны цагаар бусад хүмүүс чинь явчихсан байсан ч та ажилла. Дахиад өөр ямар нэгэн юмыг амжуулахын тулд орой бусдаас дор хаяж цагийн дараа яв. Та өдөр бүр ажлынхаа үргэлжлэх хугацааг ердөө хоёрхон цагаар уртасгавал уг арга хэмжээ нь таны ашигт үйлийг хоёр дахин нэмэгдүүлнэ.

Амьдралынхаа турш тасралтгүй суралц
Өөрийнхөө салбарт таныг хамгийн үр бүтээлтэй, үр ашигтай ажиллахад чинь бодитойгоор туслаж чадах нэгэн ажлыг сонгож ав. Энэ ажлаа хэрэгжүүлж, эзэмших зорилгыг өөртөө тавь. Үүнийгээ зөвхөн "Өөрөө хий" гэсэн төсөл болгож хувирга. Дараа нь уг ажилтайгаа холбоотой ном хэвлэл, материалыг өдөр бүр унш. Мөн уг ажилтайгаа холбоотой сургалтын программ бүхий аудио кассетыг тогтмол сонсож, сургалт, семинар бүрт оролц. Таны ирээдүй чинь үүнээс шалтгаална, яагаад гэвэл ингэх ёстой юм чинь гэж сэтгэж, бодож уг төсөл дээрээ ажилла.

Эхлээд өөрөө өөртөө төл
Яг өнөөдөр мөнгө хуримтлуулах тусгай хадгаламжийн тооцоо нээ. Энэ тооцооныхоо дансанд бага байлаа ч хамаагүй мөнгөө хадгалж эхэл. Дараа нь уг хадгаламжаа нэмэх ямар бололцоо байгааг эрж хай. Тэгээд хадгалсан мөнгөнийхөө дүнг хэрхэн яаж өсгөх тухай санхүүгийн арга замыг судал. Энэ сэдвээр мэргэжилтэн, шинжээчдийн бичсэн ном товхимол хэвлэлүүд унш. Арвилан хэмнэх үйл ажиллагаагаа нэг минутаар ч бүү зогсоо. Санхүү мөнгөний хараат бус байдалд хүрэх хүртлээ дандаа суралц, тэгээд орлогоо өсгө.

Өөрийнхөө ажил үйлсийн бүрдэл бүрийг нарийвчлан судал
Өөрийнхөө үйл хэрэгдэх суурь хандлагуудыг илрүүлэн гарга. Ирээдүйд өөрийнхөө салбарт тэргүүлэх мэргэжилтэн болохын тулд таны эзэмших ёстой ямар гол арга барил буюу үндсэн суурь болох ямар мэдлэгтэй байвал зохих вэ? Яг өнөөдөр эдгээр дадлага, туршлага, чадварыг хөгжүүлэх төлөвлөгөө зохиож, дараа нь түүнийг хэрэгжүүлэх үйл ажиллагаан дээр өдөр бүр ажилла.

Бусдад үйлчлэхэд өөрийгөө зориул
Өөрийнхөө хамгийн чухал үйлчлүүлэгчиддээ хүний өөрийн гэхгүйгээр цөмийг адилтгаж үз. Таны хамгийн их хамааралтай байх тэр хүмүүс чинь хэн бэ? Ямар хүмүүс голдуу танаас илүү их хамаарах вэ? Яг өнөөдрөөс эхлээд тэднийхээ төлөө хамгийн их анхаарал тавихын тулд та юу хийж чадах вэ гэдгийг сайтар бод.

Өөртөө болон бусдад хамгийн үнэнч ханд
Хэрэв та өөрийнхөө төрөлхийн үнэ цэнэ, ач холбогдлоо сэргээж чадвал, таны амьдралд тохиолдох бараг бүх бэрхшээлтэй асуудлыг та хүлээн зөвшөөрнө. Энэ бүх бэрхшээлтэй асуудал чинь чухам юунд оршиж байна? Та юунд итгэж, юун дээр тулгуурлаж байна? Янз бүрийн тохиолдолд та ямар нэг эвгүй байдал, таагүй нөлөөнд автах аваас энэ нь та өөрийнхөө үнэ цэнэ, ач холбогдлынхоо аль нэгийг аливаа заналд гap сунган өгч байна гэсэн үг. Энэ нь юунд хүргэхээс үл хамааран яг энэ мөчөөс эхлээд, өөрийнхөө гүн итгэл үнэмшүүлэлтээс үл хазайн, энэ бол таны хувьд хамгийн чухал, зайлшгүй тодорхойлох зүйл үнэхээр мөн гэдэг шийдвэрийг гарга.

Өөрийнхөө хамгийн сайн гэсэн төсөөллөө тодорхойлж, тодорхой зорилготойгоор түүн дээрээ төвлөрөн ажилла
Яг одоо шийдвэрлэж чадах, бас таны зорилгын гол чухал зүйлд хүрэхэд танд юуны өмнө мадаггүй туслах, хамгийн чухал зорилгоо тодорхойл. Дараа нь уг ажлаа 100 хувь бүрэн гүйцэд хийсэн цагт л та чөлөөлөгдөж байхаар, өөрийгөө хүмүүжүүлэх сахилга батыг эзэмш. Зөвхөн энэ чадвар л таны насны чинь амьдралыг бүхлээр нь өөрчилж чадна.

Өөрийгөө хурдан шаламгай, итгэлтэй ажилтан болгож хүмүүжүүл
Та өмнө нь гүйцэтгэх гээд яагаад ч эхэлж байгаагүй, зөвхөн цорын ганц ажлыг сонгож аваад, тэр ажлаа маш хурдан хийх шийдвэр гарга. Таны үйл ажиллагааг маш хурдтай болгоход туслах "Үүнийг одоо шууд хий! Үүнийг одоо шууд хий!"" гэдэг шидэт энэ дөрвөн үгийг байнга давтан хэлж бай.

Оргилоос оргилд авирахад хэзээд бэлэн бай
Өөрийнхөө бизнесийн үндсэн гол арга чиглэлийг тодорхойлж гарга. Зах зээл ямар чиглэлээр явж байна? Таны ажилд юу өөрчлөгдөж байна, та энэ өөрчлөлтөд хэрхэн яаж дасах ёстой вэ? Маргааш шинэ ертөнцийн давуу чанарыг ашиглахад бэлэн байхын тулд өнөөдөр та ямар алхам хийх ёстой вэ? Хариултаас ул хамааран хийх гэж байгаа алхмаа одоо шууд эхэл!

Хийж байгаа бүх зүйлдээ өөрийн сахилга батыг тогтоо
Байнга өөрчлөгд. Амжилт олоход чинь сахилга баттай холбогдсон хамгийн их саад болж байгаа амьдралынхаа голлох тодорхой нэг салбарыг тодорхойл. Уг салбарт сахилга батаа бэхжүүлэх шийдвэрийг өнөөдрөөс эхлэн гарга. Тэгээд түүн рүүгээ нухацтай ор. Бусдад өөрөө ийм шийдвэр гаргасан тухайгаа хэл. Шинэ дадал зуршлаа бүрэн гүйцэд зүгширтэл ямар ч тохиолдолд өөр зүйл рүү бүү ор. Зөвхөн гаргасан нэг шийдвэр чинь таны бүхий л амьдралыг огцом өөрчилж болох юм.

Өөрийнхөө төрөлхийн бүтээлч чадвараа бүү саармагжуул, улам хөгжүүл
Өөрийнхөө хамгийн амин чухал хойшлуулашгүй гүйцэтгэх ёстой асуудлаа, эсвэл өөрийнхөө зорилгоос хамгийн их хүсч байгаагаа цаасан дээр бич. Дараа нь уг асуудал гойд эрхэм сайнаар шийдвэрлэгдчихжээ гэж эсвэл тавьсан зорилго чинь туйлын сайн маш зохистой хэлбэрээр биелэгджээ гэж төсөөлөн бод. Ингэж шийдвэрлэгдсэн эсвэл ийм амжилт олсон байдал танд ямар санагдаж байна? За тэгвэл яг үүнтэй адилхан үр дүнг амсахын тулд өөр ямар зүйлийг та яаралтай хийж чадах вэ? Үйл ажиллагаандаа ор. Үйл ажиллагаа чамд бүгдийг авчирна гэдгийг санаж яв.

Хандлага сайтай таарамжтай хүмүүстэй нийлж ажилла
Өнөөдөр ч маргааш ч өөрийнхөө амьдралд хамгийн чухал хүмүүсийг тодруул. Тэд эргээд дуртайяа тусалж байхаар та тэдэнд ямар зүйлээр туслах вэ? Та өөрөө бүр ойр дотно танилцах хүмүүсийн тухай бод. Тэдэнд таны туслалцаа хэрэгтэй болохоос өмнө тэр хүмүүст яаравчлан туслахад та чухам юу хийж чадах вэ? Эхлээд үрээ тарь. Дараа нь та түүнийгээ хурааж авч чадна.

Өөрийн эрүүл мэндийн төлөө онцгой анхаар
Эрүүл мэнд, энергийн илүү өндөр түвшинд сэтгэл ханамжтай байхын тулд та өөрөө бий болгож, хөгжүүлэх ёстой эрүүл мэндийн дадал зуршлыг гаргаж тавь. Энэ нь та бүх амттай хоол унднаас бүр мөсөн татгалзах явдал ч байж болно. Дараа нь уг асуудлаа яг хувийнхаа уриа дуудлага болгож, өөрийгөө сахилгажуулах, бас эрүүл мэндийн хүрээнд өөрийн шинэ зуршлыг бий болгож, түүнийгээ хатуу баримтлах шийдвэр гарга.

Үйл явдалд чиг баримжаатай, шийдэмгий бай
Хэрэв би үүнийг хурдан хугацаанд биелүүлбэл миний хүрч байгаа үр дүнд эерэгээр нөлөөлж чадах цорын ганц ямар ажил хэрэг байна гэж өөрөөсөө асуу. Уг асуултанд таны өгсөн хариу ямар байхыг үл харгалзан энэ ажлаа яаравчлан эхэл!

Амжилтгүй, бүтэмжгүй болох
хувилбарыг хэзээ ч бүү зөвшөөр Өөрийнхөө амьдралд хамгийн их тохиолдож байгаа айдсаа тухайлбал, амжилт олохгүй байх, шүүмжлэлд өртөх, өөрийг чинь ойшоохгүй байх гэх мэт айдсаа тодорхойл. Дараа нь ийм айдас ерөөсөө байхгүй мэтээр төсөөлж ажилла. Хэрэв та өөрийнхөө зорилго, мөрөөдлийг биелүүлэхэд чиглэсэн зөвхөн нэг тодорхой үйл ажиллагааг хийвэл таны амжилт баталгаатай болно гэдгийг дүрслэн бод. Үүний дараа хийх гэсэн үйл ажиллагаагаа зүгээр л биелүүл.

Шаргуу зан, цөхрөлтгүй оролдлогын шалгалтыг даван туул
Өнөөдрөөс өмнө таны амьдралын хамгийн хүнд үе ямар байсан бэ? Энэ нь тухайн үед ирээдүйд хэрхэн яаж урагштай байх талаар таны суралцах ёстой, танд ашигтай сургамж хичээл заахаар илгээгдсэн элч хэмээн дүрслэн бод. Тухайлбал, энэ сургамжийн утга учир чухам юунд орших вэ? Үүнээс хойш хүндрэл бэрхшээл тохиолдох бүрт аль нэгэн ашигтай сургамжийг та олж байх болно. Энэ сургамж танд өөрөө ажиллаж, мөнгө хийдэг саятан болж хувирхад чиглэсэн хүч чармайлтад чинь туслах болно.

Толинд сайн ч юм бий, бас саар ч юм бий...

2009-11-17T01:44:00.000-08:00

Үнэн эсэхийг нь сайн мэдэхгүй байна. Гэхдээ мэдэхэд илүүдэхгүй болов уу гэж бодоод энэхүү мэдээллийг орууллаа.

Дэлхийн олон сая хүн өдөр бүхэн толинд харж байхдаа өөрөө ч мэдэлгүйгээр амьдралаа өөрчилж байгаагаа мэддэггүй байна.

Толинд хэнд ч мэдэгдээгүй ид шид байх ажээ. Нүүрээ харсан хүн агшин зуурт элдвийг бодно, тэр бодол нь бодит байдал болж хувирна. Ер нь ганц толь биш гэрэл зураг, хөрөг зурагтай ч гэсэн далдын холбоо үүснэ.

Профессор Андре Кронинг гэдэг эрдэмтэн хэлэхдээ хүн, зураг дүрс хоёрын хооронд үл үзэгдэх холбоо бий. Ялангуяа толинд туссан дүрстэй ч бүр холбогдоно, хүнийг толинд харж байх үед нь хэлсэн үйл заавал биелэгдэнэ, тэрхэн үед үүссэн хэрэгцээ хүний био талбайд удаанаар хадгалагдаад үйл явцад улмаар нөлөөлдөг гэсэн таамаглал дэвшүүлжээ.

Мөн "Хүмүүс толинд харж байхдаа хувь заяагаа шийдэж байгаагаа мэддэггүй, Эмэгтэйчүүд толинд хараад би хөгширч байна даа гэж ихэвчлэн боддог. Өөрсдөө нэгэнт тэгж хөтөлбөржүүлж байгаа болохоор хөгширч таарна. Тэгвэл толинд хараад би дажгүй байна гэж бодвол үнэхээр жаргалтай сайхан явна. Иймээс утга учиргүйгээр толинд харах биш өөдрөг бодолтойгоор харах хэрэгтэй. Толь бол энэ утгаараа хүслийг биелүүлэгч байхын зэрэгцээ хортон дайсан ч болж мэддэг гэдгийг санавал зохино" гэж хэлжээ.

За өглөө босохдоо тольндоо нэг эерэг сайхан үг шивнээд үзий. Биелэх эсэх нь тэгж байгаад мэдэгдэх байлгүй....

Сонирхолтой реклам

2009-11-13T00:34:00.000-08:00

Захиалагч байгууллага: Монгол Шуудан Банк
Гүйцэтгэгч: АС интертаймент

Billboard самбарны шинэ загварууд

2009-11-08T20:16:00.000-08:00

Бид рекламны самбар гэхээр дүүрэн эрээм мяраан бичигтэй хулдаасан дээр хэвлэсэн сурталчилгаа байдаг гэдэг ойлголт аль хэдийн ард үлджээ. Доорхи хэдэн сонирхолтой загваруудаас санаа авч өөрсдийн байгууллагын Billboard сурталчилгаандаа өргөнөөр ашиглацгаая залуусаа...

2009 оны шилдэг Billboard загваруудаас:

Мөнгө дагаж мөнгө ирдэг гэнэ үү?

2009-11-05T19:19:00.000-08:00

Xүн төрөлхтний үүх түүхээс үзэхэд аль ч үед тэр мөнгө нь шийдвэрлэх үүрэг рольтой байжээ. Цаасан мөнгө гараагүй байх үед алт, мөнгө зэрэг нь валютын (хөрвөх) үүрэг гүйцэтгэдэг байжээ.

Мөнгө олох хэцүү, үрэх амархан ч гэдэг. Гэхдээ дараах хэдэн зөвөлгөөг уншихад илүүдэхгүй юм шиг санагдаад блогтоо оруулчихлаа.

- Хэрэв та олсон мөнгөө зөв зарцуулж чаддаггүй, мөнгөнд хайш яайш ханддаг бол танд хэзээ ч мөнгө тогтохгүй.
- Ер нь баяжих анхны алхам мөнгөнд хандах хандлагаас ихээхэн хамаардаг байна. Жишээ нь та мөнгөтэй болмогцоо яаран үрэх гэсний хэрэггүй. Мөнгөө түрийвчиндээ ганц хоног боловч хадгалж сур.
- Учир нь мөнгө үрэхгүй 1-2 өдөр тэсч чадвал аажимдаа мөнгөө тогтоодог болно.
- Мөнгө дагаж мөнгө ирдэг нь үнэний хувьтай.
- Гэртээ 10-20 мэтийн бутархай мөнгийг хадгалдаг савтай бай.
- Жижиг сажиг дэвсгэрүүд хаа ч юм үнгэж үрчийгдсэн байдлаар орхигддог тул мөнгөнд гамтай хандах хандлагыг орхидуулдаг учраас тэр.
- Азын гэх авч, үрж болдоггүй бэлэг дэмбэрэлийн мөнгө байлгах сайн.
- Гэр орондоо зоосон мөнгө өлгөж унжуул.
- Фэншуйгийн зан үйлийг ч дагаж болно.
- Болж өгвөл хүнээс мөнгө бүү зээл.
- Ямар ч хүн мөнгөндөө харам байдаг тул зээлж буй мөнгийг дагаж таагүй энерги ялгардаг.
- Бага хэмжээний мөнгөөр хүний гарыг цайлгаж бай.
- Энэ нь эерэг, мөнгө орж ирэх энергийг авчирдаг байна.
- Хэт үрэлгэн хэт харамч хандлагын аль нь мөнгөнд тустай биш.
- Гар татан хямд зүйл авах нь эзэндээ мөнгөнд ч хохиролтой.
- Харамч хүн хоёр дахин төлдөг гэсэн үг бий.
- Таалагдсан бүхнээ бодлогогүй авах нь бүр ч гамшигтай.
- Тодорхой хэмжээгээр бусдад туслахаас бүү татгалз.
- Харин харамлаж өгвөл тусгүй.
- Чин сэтгэлээсээ өгсөн мөнгө эргээд танд сайныг авчирна.
- Гэмтэлтэй, хэн нэгний өгсөн ч юм уу хуучирч муудсан түрийвчийг цүнхэндээ бүү авч яв.
- Таны түрийвч цоо шинэ бусдын энерги шингээгүй, гагцхүү таных байх ёстой.

Сургуульд заахаа мартсан 11 зүйл буюу Билл Гейтсийн зөвлөгөө

2009-11-05T00:10:00.000-08:00

Билл Гейтсийг бишрэн тахиж эсвэл үзэн ядаж болно. Гэхдээ түүнийг ер бусын бөгөөд онцгой сэтгэдэг хүн гэдгийг үгүйсгэх аргагүй. Нэгэн сургуульд уригдан ярилцлага хийхдээ тэрээ Иймээс бодит амьдралын тухай өчүүхэн ч ойлголтгүй зөвхөн онолоор тархи угаадаг бүхэл бүтэн систем буюу боловсролыг тэгшитгэх системийн золиос болж буй хүүхэд багачууд болон тэдний багш нарт зориулж түүний хэлсэн санаа бодлоос та бүхэнтэй хуваалцъя. Хатуу боловч үнэн үг.

Билл Гейтсийн сургуульд заахыг мартсан 11 зүйлийг ингэж нэрлэж байна. Үүнд:

1. Амьдрал шударга бус үүнтэй эвлэр.

2. Хорвоо ертөнц чиний сэтгэл санаа, өөрийгөө хүндэтгэх хүндэтгэлийг нулимаад л хаячихна. Чиний сайн тал, нэр хүндийг зөвшөөрөхийн өмнө чамаас ямар нэгэн амжилт бүтээл шаардана.

3. Сургуулиа төгсмөгц жилийн 1,000,000 төгрөгийн цалин авах магадлал бараг үгүй. Чи “гавъяа байгуулаагүй” цагт компанийн дэд ерөнхийлөгч болохгүй.

4. Хэрэв чи багшийгаа хатуу чанд, шаардлага өндөртэй гэж бодож байвал босстой болохоо түр хүлээсэн нь дээр. Багшаас ялгаатай нь боссын ажил алба чамайг даалгавраа хэрхэн биелүүлэхээс чи мөнгөтэй болох уу үгүй юу гэдэг нь хамаардаг.

5. Зах дээр наймаа хийхийг чи өөрийн нэр хүндээс доогуур гэж бүү бод. Таны өвөг дээдэс ямар ч ажлыг, ийм ажлыг ч сайхан боломж гэж үзэж хөлжиж чадсан түүхтэй.

6. Бүтэлгүйтэх болгондоо эцэг эхээ буруутгах гэж бүү яар, бүү үгэл, өөрийн бүтэлгүй явдалд шантарч болохгүй, харин алдаан дээрээс суралцаж сур.

7. Чамайг төрөхөөс өмнө эцэг эх чинь одоо чамд санагдаж байгаа шигээ ийм уйтгартай, сонирхолгүй хүмүүс байгаагүй. Тэд чамайг санаа зовох юмгүй хүүхэд насаа өнгөрөөг гэж, чиний хувцас хунарыг угааж, чиний өөрийгөө өргөмжлөх чалчаа үгийг сонссоор ийм болсон юм. Ийм учраас гэрээ засаад төрөө засахын өмнө өөрийнхөө өрөөг янзалж цэгцэлсэн нь дээр.

8. Танай сургууль ялагчид, ялагдагсад гэж хуваахаа больсон. Зарим сургуульд муу дүн авахаа бүр байсан. Хичнээн л бол хичнээн удаа шалгалт шүүлэг өгч болно. Энэ бүхэн бодит амьдралтай огтхон ч адилгүй. Амьдралд чи ганц л удаа шалгалт өгнө гэж ойлгох хэрэгтэй.

9. Амьдрал жилийн 4 улиралд хуваагдахгүй, зуны амралт гэж тэнд байхгүй. Маш цөөн ажил олгогч чамайг өөрийн “би”-гээ олоход туслана, үүнийг ч хувийн чөлөөт цагаар амжуулах ёстой.

10. Бодит амьдралыг зурагтаас үзүүлж байгаатай бүү андуур! Амьдрал дээр хүмүүс ихэнхи цагаа кафед бус харин ажлын газраа өнгөрөөдөг.

Эцсийн зүйл:
11. Нүдний шилтэй “онцчуудтай” сайн харилцаатай бай. Хожим тэдний нэг чиний дарга болох магадлал өндөр.

Үүнээс дүгнэж хэлэхэд хэдий чи балчирхан байгаа ч гэлээ цаг хугацаа чамайг хэзээ ч хүлээдэггүй юм шүү. Чамд сурч мэдэх зүйлс асар их бий. Алт шиг үнэтэй эцэг эхээ хайрлаж, сургуульд хий дэмий сэлгүүцэж наргихыг бус өөрийгөө хөгжүүлж, боловсрохыг эрхэм болгох хэрэгтэй. Хэрэв багш чинь ингэж чадахгүй бол тэднээс шаард. Магадгүй тэд чам шиг хүүхэдтэй олон учирч байгаагүй учраас 10, 20 жилийн өмнөх юмаа давтаж заасаар байгаад орчин үеийн хүүхэд залуусын шинэ сэтгэлгээ, шинэ хандлагыг мартаж дүүнг болсон байж болох юм.

Үргэлж зурагт үзэж олон ангит савангийн дуурь үзсэнээр хүн хөгжинө гэвэл царцаа намжилын үлгэртэй адил болно. Өөртөө тависан зорилгодоо үнэнч байж хөдөлмөрлөж чадвал амьдрал чамайг шагналын нэрснээс хасна гэж хэзээ ч байхгүй.

Та Билл шиг болмоор байна уу?

2009-11-02T01:14:00.000-08:00

Өөрийн амжилт, нэр алдараараа яах аргагүй энэ цаг үеийн манай дэлхийн брэнд хүмүүсийн нэг болж чадсан хүн бол БИЛ ГЭЙТС билээ. Энэ хүний тухай, амжилтын талаар товч мэдээлэл орууллаа. Хэдэн жилийн дараа Та ч бас ийм амжилтанд хүрсэн хүн яагаад болж болохгүй гэж...

Программ хангамжийн бөмбөгдөгч - БИЛЛ ГЕЙТС

Билл Гейтс 1993 онд жилд тэрбум давсан орлоготой ажиллах чадвартай болж, Форчүн түүнийг Америкийн тэргүүн баян гэж зарласан билээ. Амжилтад хүрэхдээ баримталсан зарчим нь "Удирдагч байх гэхээсээ илүү бусдыг зөв дагаж чаддаг хүн мэргэн ухааныг олж чадна" гэж хэлсэнд нь оршино.Техник технологийн дэвшил нь шинэчлэгчүүдийн цуцашгүй хөдөлмөрийн дүнд бий болсон бөгөөд Гейтс тэдний бүхий тэргүүний санааг нэгтгэн гарамгай бүтээлээ буй болгодог. Үүнд түүний хурц ухаан, эвлэг чадвар их нөлөөлсөн. Тэр удирдагчийнхаа хувьд хатуу чанд бодлого явуулдаггүй агаад, зөвхөн техникийн оновчтой шийдэлд чамбай хандахыг ажилтнуудаасаа хүсдэг.

Гейтс Харвардын математикийн факультетэд байхдаа компьютерийн асуудлыг яггүй сонирхож, үүнийг л хамаг ирээдүй минь гэж үзжээ. Программ хангамжийн бизнес эрхлэхээр шийдэж, 1975 онд Майкрософт компани байгуулав. Улс орон даяар аялан явж, хамтран ажиллах залуу авьяастнуудыг хайжээ. Алтан овоо, туршхи ажил бүтээлийн бүрэн эрх чөлөөг амласанд нь тэр бүхий татагдаад байсангүй. Гэхдээ урт удаан аялал нь түүний нүдийг нээж, маш ихийг ойлгуулав. Мөн Вашингтоны их сургуулийн оюутан Пол Алленыг олсон нь азтай хэрэг байлаа. Гейт Аллен хоёр сайн найзууд, компанийг хамтран эзэмшигч болов. Сод чадвартан Аллен байгаагүй бол Гейтсийн тавилан хааш эргэх байсныг байсныг бүү мэд. Аллен тэр хоёр өдөр шөнөгүй гүрийсээр бейсик хэлний сайжруулсан хувилбарыг гаргаж ирэв. Биллийн ээж бүтээгдэхүүнийг борлуулна гэдэг байсан бөгөөд ИБМ, АТ энд Ти -гийн удирдлагаас ч сүрдэлгүй давхиж ороод ухуулж гардаг байлаа. Персональ компьютерийн өргөн үйлдвэрлэлд орохоор шийдсэн ИБМ үйлдлийн системийн (ҮС) шалгаруулалтдаа хэний ч мэдэхгүй микро компани Майкрософтыг урьсан нь ээжийн сурталчилгааны ач гэлтэй. Шинэ санааг ажиглан судалж нэгтгэн тоймлож чаддаг Гейтс Сиэтл компьютер Продактс компани ДОС гээч ҮС бүтээгээд амжилт олоогүйг ашиглахаар шийдэв. Түүнийг худалдан авч, боловсронгуй болгосон нь ИБМ-д таалагджээ. Зальт Билл ИБМ -тэй үлэмж хожоотой гэрээ байгуулав. ҮС бүтээхэд гарсан бүх зардлыг ИБМ төлнө, үйлдвэрлэсэн РС дээ зөвхөн ДОС- ыг дагуулна, борлосон компьютер бүрээс 1 Майкрософт хувь авна, ДОС-ыг худалдахад Майкрософт бүрэн эрх чөлөөг эдлэх ба үүнээс ИБМ нэг ч цент авахгүй гэсэн зүйлүүдийг зөвшөөрүүлж чаджээ. Хожим ИБМ гэрээг өөрчлөхийг хүссэн ч, богино хугацаанд хүчирхэгжсэн Майкрософт тийм боломж олгосонгүй. 1981 онд бүх хөгжингүй орон РС үйлдвэрлэх болж, гэхдээ цаг хожихын тулд шинэ ҮС зохиолгүй, шууд л ДОС-ыг сонгож байв. Компек, Делл, Хьюлетт Паккард гээд том фирмүүд ч мөн адил.

Дэлхийн компьютерийн 80 хувьд ДОС суугдаж, Гейтс тэрбумтан, монополист боллоо. Хөөрхий Пол Аллен хэт ачаалалтай ажилласнаас сулран доройтож, Билл түүнд 4 тэрбумыг өгөөд эрх, акциас нь татгалзуулснаар компаниа ганцаар эзэмшив. Аллений авьяасыг шинэ мэргэжилтнүүд орлолоо. Гэвч Эпел, Некст зэрэг писи өөр ҮС-ээр ажиллаж байв. ДОС ч хоцрогдож эхэллээ. Гэтэл Майкрософт Виндовс 3.1-ийг гаргаж ирлээ, өрсөлдөгчиддөө хямд бэлэг барив. Виндовс бол мянга мянган ажилтны 10 жилийн хөдөлмөрийн үр дүн. Тиймдээ ч Гейтсийг программ хангамжийн хаан болгож чадлаа.1990 оны эхээр электрон шуудан болом олон улсын компьютерийн нэгдсэн сүлжээ хөгжиж эхэллээ. Хөгжил дэвшлийн манлайд явах нь л чухал гэдэг Гейтс сүлжээ рүү дайрав. Интернет үзэх программ болох Браузерийг хэн сайн бүтээх вэ гэсэн зарлаагүй уралдаан өрнөлөө. Гэтэл Майкрософтоос өмнө Нетскэйп комьюникэйшнз комнани Навигатор хэмээх давгүй браузер бүтээчихлээ. Гейтс сайжралд орлоо. Спайглэн компаний программыг хуулбарлахад хүрлээ. Нэмж шинэ үйлдлүүд, вирусийн эсрэг программ, ялгагдах бусад зүйлүүдийг суурилуулан, өөрийн болгож авлаа. Ийнхүү Интернет Эксплорер 1.0 мэндэллээ. Гэвч энэ программ шууд гүйлгээгээр бол компанид нэг ч долларын ашиг авчраагүй юм. Учир нь Майкрософт өрсөлдөгчдийг өндийлгөхгүй гэсэндээ браузерээ Виндовс дагуулан үнэгүй түгээж байлаа. Хэрэглэгчид бусад компаниас браузер авах ямар ч шаардлагагүй болов. Тэртэй тэргүй монополь ҮС Виндовстэй хамт хүрээд ирж байгаа хойно. Ингэснээр хүмүүс зөвхөн Майкрософтын бүтээгдэхүүнийг авах хэрэгтэй гэсэн бодлыг төрүүлэв. Аажимдаа хүмүүс Майкрософтоос өөр программын компани байдгийг ч мартах дөхөв. АНУ-ын Шүүх Яам шинэ монополь төрсөнд түгшиж, Гейтсийг Спайглэний бүтээлийг хуулбарласан гэж хэрэгт татлаа. Гэвч амжилт олсонгүй. Ажлын өвөрмөц арга барилаа цаашид ч Гейтс орхиогүй юм. Удалгүй бас нэг монополист алхам хийв. Худалдаанд гаргасан МС Офис хэмээх багц программ нь бичиг хэргийн бүх шаардлагыг хангаж байлаа. Түүнд нь эх бэлдэх Ворд, хүснэгтийн Эксел, элдэв танилцуулга, чимэг хийх Пауэр Поинт, вэб сайтын Фронт Пэйж, өгөгдлийн сангийн Аксисс, имэйл бичих, ажлын хуваарь зохиох Аутлүк гээд л байхгүй юм байхгүй. Гейтс Энэтхэгээс нэлээд компьютерчийг цагаачлуулснаар боловсон хүчний асуудлаа сонирхолтой шийдсэн. Энэтхэг улсын нэгэн засгийн газар гэв гэнэт электроникийи тэргүүний гүрэн болно хэмээгээд уг салбарт асар их хөрөнгө оруулсан билээ. Дараагийн засгийн газрууд ч хичээсээр буй Үр дүнд нь компыотерийн хотхон сүндэрлэж, олон мянган нарийн мэргэжилтэн бэлтгэгдсэн. Тэдгээрийн гайгүйчүүдээс Гейтс хуу хамсан.

1995 оноос эхлэн Америкийн шүүх Майкрософтруу довтолж гарсан. Эксплорер браузерийг Виндовсэд хавсарган дагуулж, үнэгүй өгч байгаа нь бусад компанид браузер бүтээх, худалдах боломжийг олгохгүй байна, монопольчлох үйлдэл болж байна гэж шүүх буруутгалаа. Эксплорер, Виндоуз хоёрыг салгаж, тус тусад нь зарах хэрэгтэй гэж тулгав. Гэвч Гейтс өөрийнхөөрөө зүтгэсээр буй. Компьютертэй болгон Майкрософтын бүтээгдэхүүнийг хэрэглэхэд хүрдэг. Виндовс, Эксплорер, Офис зэрэг монополь программынхаа ачаар Гейтс дэлхийн том баян болсон. Өдгөө тэр бүтээгдэхүүнийг нь зүй бусаар хувилан ашиглаж буйн эсрэг тэмцэлд ихээхэн хүчин чармайлтаа зориулж байна. Майкрософтын гол ирограммууд 300-1000 гаруй долларын үнэтэй. Гэтэл хөгжингүй орнуудаас бусдад уг программуудыг үнэгүй л олшруулж ашиглаж байгаа. Жишээ нь, Хятадад Майкрософтын программыг худалдан авсан хүн нэг ч байдаггүй аж. (тийм үү? кк /блогын эзэн/) Хэрэв ийм асуудал үгүйсэн бол Гейтс одоогийнхоосоо 10 дахин баян байж болох асан. Тиймээс Майкрософт программаа хувилж олшруулах боломжгүй болгохоор шамдан ажиллаж байна. Хүүхдийн тоглоомын асар ирээдүйтэй зах зээл рүү орж, Эйж оф Эмиаер, Эйжоф Мифоложи, Данжн сиж, Райз оф зэрэг супер тоглоомууд бүтээсэн. Тэдгээр нь 8 настай балчраас, 80 настай буурлыг хүртэл байлдан дагуулсан тоглоом болжээ. Мөн хардвэйрийн өргөн салбарлуу довтолж, компьютерийн элдэв тоноглолыг хийж эхэлсэн. Виндовс программ жил ирэх тусам төгөлдөржиж, Профэшнил, Милленим Эдишн, Экс Пи зэрэг хүчтэй салбаруудаа гаргасан бөгөөд, 2004 онд өргөн барихаар зэхэж байна. Бусад чухал программ нь ч байнга шинэчлэгдсээр. Адоб Макромедия, Ай Би Эм, Эйпл зэрэг өрсөлдөгчид нь мөрөө хавчихаас өөр аргагүйд хүрэх аж.

Гейтсийн цорын ганц сонирхдог зүйл нь компьютер юм. Гэртээ хариад компьютерийн ертөнцдөө л умбана. Тэрбээр кибер байшин гээчийг бариулсан бөгөөд түүний эд эс бүхэн нь цахим тооцоолуурт захирагдана. Хаалга нь Гейтсийг ирэхэд өөрөө онгойно, өрөөнүүд хүн ороход л гэрэлтэнэ, дэлгэцэн хануудад ямар ч дүрслэлийг гаргаж болно, агаарын чийгшил, дулаан, хүчилтөрөгчийн хэмжээ, цэвэр байдал автоматаар зохицуулагдана,ямар нэг юм болохгүй болбол компьютер өөрөө ийш тийш утасдана, спорт танхимдаа ороход нь хөгжим хангинана, ор нь бүүвэйлнэ. Зөвхөн компьютер сонирхдог нь түүнийг гаж буруу араншинтай болгосонд гайхах явдалгүй. Тэр 37 насандаа программч бүсгүй Мелинда Фремчтэй гэрэлсэн хэдий ч ганц бие юм шиг л байдаг. Гэргийдээ өөрт нь хоол бэлтгэхгүй байхыг тушаасан агаад, гадуур хооллох буюу бэлэн зоог сугавчлан орж ирнэ. Хүүхдүүдийгээ бүтэн нэрээр дуудаж, ажилтандаа хандах мэт харьцна. Амралтын өдрийг мэдэхгүй тэр хоногт доод тал эь 10 цаг уйгагүй хөдөлмөрлөнө. Ажлын газрынхан руугаа гэр лүү нь байнга утасдаж, имэйл явуулдаг. Гэрэлхээсээ өмнө бараг харьдаггүй, офистоо хонодог байсан. Олон хоног дараалан гурав дөрөвхөн цагийг л нойрондоо зориулж, заримдаа 7 цаг унтсанаар эрч хүчээ нөхчихлөө гэдэг. Их төлөв нэг зэрэг хоёр юм хийж байдаг. Юм уншихгүйгээр идэж ууж чаддаггүй бөгөөд биеийн тамир хийхдээ ТВ үзэж, компьютер дээр ажиллахдаа утсаар ярьж, машин барихдаа зогсоо зайгүй сүү ууна. Түүний машины хойд суудал сууний хайрцгаар дүүрч, үнэр танартай болсон байдаг ажээ. Бас айхавтар яхир зантай. Цэцэрлэгтээ том мод тариулсны дараа, миний яг заасан газар биш байна гээд гучхан см-ийн зайд ахин суулгуулж байжээ. Яхир зангаас нь болж хэн ч дутагдлынх нь талаар хэлж эс зүрхэлнэ. Мөн найз нөхөдгүй. Түүний удирдлагын систем гайхалтай. Ажиллагсдын бүх компьютерийг нэг сүлжээнд холбосон. Тэр хэн юу хийж буйг тодорхой харж байх боломжтой. Ажилтнуудын дэлгэцнээ түүний гэгээн дүр гэнэт мэлсхийн гарч ирж загнадаг. Тэдэнтэй зөвхөн сүлжээгээр л харьцана. Жилд тэрбумыг олдог Гейтс иймэрхүү л хүн юм.

Уран илтгэх урлаг гэж юу вэ?

2009-10-30T02:13:00.000-07:00

Хүн төрөлхтөн үүссэн цагаас буюу хүмүүс үг яриагаар ойлголцдог болсон үеэс л уран илтгэл үүссэн хэмээн эртний ном сударт тэмдэглэсэн байх нь бий. 2000 жилийн өмнө эртний Грект ярих урлаг гээч зүйл бий болж, энэ чиглэлээр сүргалт явуулдаг сургууль хүртэл байсан гэдэг. Юлий Цезарь, Наполеон Бонапарт, Авраам Линкольн, Адольф Гитлер, Уинстон Черчиль, дорно дахинаас Күнз гээд дэлхийд нэр алдраа цуурайтуулсан агуу суутнууд бүгд уран илтгэгчид байлаа. Тэд өөрсдийн «шидэт» үгээрээ олон, олон хүний зүрх сэтгэлийг байлдан дагуулж, бүхнийг гартаа «зангидаж» чадсан гэдэг. Харин тэд эхээс төрөхдөө л тийм чадвартай байсан уу гэвэл үгүй, Уран илтгэлийн гайхамшгийн нууц чухам үүнд л оршдог аж. Нэгэн сонирхолтой жишээ яръя л даа. МЭӨ 384-322 онд амьдарч байсан дэлхийн нэрт уран илтгэгч Демосфен анх хэний ч мэдэхгүй нэгэн байжээ. Түүгээр ч барахгүй хэн ч сонссон шоолж инээмээр тультраа хэл яриатайн дээр цээжин биеэрээ учиргүй бөгтгөр нуруутай хүн байв. Тэрбээр уран илтгэгч болохын тулд далайн хөвөөнд очиж, амандаа чулуу хийж байгаад чанга дуугаар яруу найраг уншдаг байжээ. Далайн давалгааны тэр нүсэр чимээнд амандаа чулуутай ярьсаар байгаад тультраа хэл нь засарчээ. Мөн өгсүүр газар гүйхдээ хоолойнхоо чадлаар орилсоор сул дуунаасаа ангижирсан бол таазнаасаа хурц үзүүртэй мэс унжуулж өчүүхэн төдий хөдлөхөд нь биеийг нь хатгахуйцаар байрлуулж дасгал хийсний дүнд бөгтөр нуруу нь ч бас тэгширчээ. Ийнхүү тэр асар их тэвчээрийн ачаар олон хүнийг үг яриагаараа илбэдэгч удирдагч болсон түүхтэй.АНУ-ын үе үеийн Ерөнхийлөгчдийн ная орчим хувь нь цэргийн гаралтай байсан ба маш уран гоё ярьдаг хүмүүс байв. Авраам Линкольноос авахуулаад Ричард Никсон, Жорж Буш, Билл Клинтон гээд ёстой л уран үгийн эзэд. Тэд индэрт хэлэх илтгэлээ бүр зургаан долоон хоногоор бэлтгэдэг бөгөөд тэдэнд үг бэлддэг тусгай өрөө хүртэл бий гэнэ.

Та заавал уран илтгэгч байх ёстой юү?

Улс төрчдөөс гадна аливаа салбарын лидерүүд уран илтгэлийн мастер байх нь бий. Бизнесийнхэн, шашны нэрт зүтгэлтнүүд ч үгээр авьяастай. Уран илтгэх урлаг яваандаа энгийн амьдралд ч хэрэглэгдэх боллоо. Заавал олныг байлдан дагуулахуйц лидер байхаа байг гэхэд зөв цэгцтэй, логиктой ярьж сурахыг хүсдэггүй хүн байхгүй. Наад зах нь хүн болгонд тохиолддог хайр сэтгэлийн асуудалд энэ нь гол нөлөөтэй аж. Сэтгэлтэй хүндээ өөрийгөө зөв илэрхийлж, мөн нээж чаддаг байхын тулд мөнөөх илтгэх урлаг зайлшгүй шаардлагатай гэнэ. Үнэнийг хэлэхэд ийм чадаар манай залууст дутмаг. Уран илтгэнэ гэдэг нь над мэтэд байх авьяас биш гэж бодож хэзээ ч болохгүй. Орчин үед залууст өөрийгөө хөгжүүлэх нь юу юунаас илүү чухал. Харин өөрийгөө хөгжүүлэх гол алхам нь уран илтгэж сурах гэнэ. Уран илтгэлийн гол зорилго нь юу ч ярьж байсан тэр сэдэв шийдлийг бусдад хүргэх, тэдний сэтгэл зүйг үгийн гайхамшигаар байлдан дагуулахад орших ажээ. Хүн болгон гайхамшигтай илтгэгч болдоггүй. Авраам Линкольн тариачны сууринд очиж өндөр зүйл дээр гарч зогсоод яриа хийж илтгэх чадвараа дээшлүүлдэг байжээ. Сайн илтгэгч болно гэдэг бол хичээл зүтгэлийнх гэж нэгэн ухаантан хэлжээ.

Хамгийн гол нь өөртөө итгэлтэй байх

Танд заримдаа олны өмнө гараад айх, сандрах, ямар нэгэн бэлтгэлгүйн улмаас хэлэх гэсэн үгээ мартах, юу ярьж буйгаа сүүлдээ мэдэхээ байчихдаг үе тохиолддог уу? Тэгвэл шинээр илтгэгч болж буй хүмүүст хандаж хэлэхэд, хамгийн түрүүнд амьсгаагаа зөв авах, тэгээд зорилгоо тодорхойлох, үүндээ нийцсэн илтгэлийн төлөвлөгөө зохиох, тэгэхийн тулд ярих зүйлийнхээ талаар хангалттай мэдлэг хуримтлуулсан байх шаардлагатай аж. Мөн нэг чухал зүйл бол сэтгэлзүйн бэлтгэлтэй байж эхлэлээ сайн хийх явдал. Мордохын хазгай гэдэг үг зүгээр ч нэг гараагүй бололтой шүү.

Асар их тэвчээрийн цаанаас амжилт дөнгөж цухуйна гэсэн үг байдаг. Олон эрдэмтэд энэ үгийг хүлээн зөвшөөрдөг юм билээ. «Жинхэнэ баатар эр эцсийн том тулалдаанд орохын тулд мянга мянган жижиг тулалдаанд ялдаг гэдэг. Үгийн сонголт, дууны өндөр нам байх, тайзыг хэрхэн эзэмших, хэдийд эхэлж, хэдийд дуусгах вэ, хэрхэн асуулт асуух, яаж унших гээд суралцах зүйл маш олон. Өөрийгөө хүн хэзээ ч «Би чадахгүй, энэ бол бүтэшгүй зүйл» хэмээн чамлах нь туйлын буруу гэнэ. Генерал болохыг хүсдэггүй цэрэг хэзээ ч цэрэг болж чаддаггүй гэдэг. Уран илтгэгч болъё л гэвэл чи зорьсондоо хүрэхийн төлөө тэмцэх хэрэгтэй. Алхам алхмаар хөгжсөөр яваандаа амжилтад хүрнэ. Үүний тулд хамгййн гол нь зорилгоо зөв тодорхойлох. Тэгээд түүнээсээ гажихгүй, хатуу чанд дэглэмтэй байх явдал чухал юм байна. Уран илтгэгч болох хүн заавал сайхан царай зүс, гоё хувцастай, цээлхэн дуу хоолойтой байх албагүй. Хамгийн гол нь өөртөө итгэлтэй байх нь амжилтад хүрэх үндэс болдог аж.

Компаний нэр хэр чухал бол?

2009-10-28T03:59:00.000-07:00

Аливаа бизнесийн байгууллага амжилттай явах, урт удаан хугацаанд оршин тогтноход чухал хүчин зүйлсийн нэг бол яах аргагүй нэр гэдэгт та санал нийлэх байх. Миний хувьд яагаад заавал нэр гэж, ер нь нэр тийм чухал байдаг юм уу, энэ талаархи олж мэдсэн жаахан мэдээллээ товчлон оруулахаар шийдлээ.

Ялангуяан шинээр үүсгэн байгуулагдаж буй компаний дүр төрхийг бий болгохын тулд “Онцгой брэнд” гэдэг талаас нь харах хэрэгтэй байдаг аж.

Брэндийн гол онцлог нь нэр томъёо, билэг тэмдэг, дизайн эсвэл тэдгээрийн хослолоос бүрдсэн байдаг бөгөөд тухайн байгууллага болон бүтээгдэхүүнийг харилцагч, үйлчлүүлэгчдийн ой санамжинд ямар нэгэн аргаар суулгаж хоногшуулах, бусад өрсөлдөгчдөөс ялгаатай шинж, давуу талыг илэрхийлэхийг зорьж харуулахад оршдог байна.

Нөгөө талаар тухайн байгууллагын нэр бол хэрэглэгчдийн тархинд үлдэх хамгийн чухал нөлөөлөл юм. Учир нь нэрийг зөв сонгож чадвал хөндлөнгийн хүмүүсийн тархинд хоногшин үлдэх, хэрэглэгчдийг өдөөх, тухайн компанийг сонгоход түлхэц үзүүлэх, нэрээр дамжуулан илэрхийлж буй мөн чанарыг ойлгоход туслах, үйл ажиллагааныхаа ашиг тусыг мэдрүүлэх, тэдэнд итгэл найдвар төрүүлэх, худалдан авах шийдвэрт нөлөөлөх, урт хугацаанд үйлчлүүлэх гэхчлэн маш олон давуу талуудыг ар араасаа бий болгодог байна.

Тиймээс хэрвээ Та компанитай болох гэж байгаа бол өөрийн явуулах үйл ажиллагаа, цар хүрээ, нэр хүнд, ирээдүйд ямар болох зэргийг сайн төлөвлөж нэрээ зөв сонгож өгөх хэрэгтэй юм.

Олон улсад хэрэглэгддэг “Брэндийн зарчим” – ын дагуу дараах стандартыг баримтладаг аж. Үүнд:

- Богинохон үгтэй /2 - 6 үсэгтэй/, амархан санах боломжтой, хэлэхэд амархан байх;
- Өрсөлдөгч байгууллагуудаас ялгарахуйц байх;
- Монгол нэртэй байх уу, аль эсвэл гадаад нэртэй байх уу, манай хэрэглэгч нар хэр хүлээж авах бол гэдгийг харах;
- Анхаарал татахуйц байх;
- Давтагдашгүй онцгой;
- Үйл ажиллагаатайгаа уялуулсан байх;
- Бусад хэл дээр тохиромжгүй утга илэрхийлээгүй байх;
- Бусдын нэрийг дуурайгаагүй, давтаагүй, бусдад эргэлзээ төрүүлэхүйц биш байх г.м

Бүр цаашилбал албан бичиг, хаяг рекламанд ямар харагдах, хэр тохиромжтой байх зэргийг анхаарахад илүүдэхгүй юм.

За Таны ирээдүйн компаний нэрэнд амжилт хүсье.

Жич. “НЭГҮН” гэдэг нэр нь:

- “Нэг – Үн” хэмээх үгний товчлол нь “Нэгдсэн Үндэстний”, “Нэгдмэл Үндэстэн” гэсэн утга санааг илэрхийлж байгаа юм.

- “Нэгүн” гэдэг үг нь “Нэгэн”, “Нэгдмэл”, “Нэгдүгээр”, “Анхдагч”, “Тэргүүлэгч” гэсэн утгыг давхар илтгэдэг.

- Мөн “Нэ”, “Гүн” буюу “Нэг их гүнзгий”, “Гүн гүнзгий”, “Далай мэт баялаг” гэсэн санааг илтгэнэ.

- “Нэгүн” нь түүхэн нэр төдийгүй Монгол нэр тул тухайн байгууллагыг Монголын компани гэдгийг давхар тодотгож өгөх.

- Хэлзүйн хувьд эгшиг болон зөөлөн аялагатай гийгүүлэгч орсон тул үгийг дуудахад эвтэйхэн, сонсголонтой сонсогддог.

- Сонирхол татахуйц үг тул анх сонссон хүнийг бодлогшруулна. Бодох шалтгаан олгох нь брэндийн нэрний хоногшуулалтыг хийхэд хамгийн том түлхэц болдог аж. ...

Зурган дээр хэрхэн сайхан гарах вэ?

2009-10-28T03:16:00.000-07:00

Олон хүн зураг авахуулах дуртай байдаг. Зураг болгон дээрээ сайхан гарахыг хүсэхгүй хэн байх билээ. Гэхдээ энэ нь тэр бүр санаснаар болдоггүй. "Фотогеничный" буюу зураг дээр сайхан гардаг хүмүүс амьдрал дээр гоц сайхан харагддаггүй.
Тэд зөвхөн зургийн аппаратны өмнө биеэ огт барьдаггүйтэй холбоотой. Ингээд зурган дээр сайхан гарах хэдэн аргыг хэлж өгье.

Нүүр будалт
Цайвар царайтай бүсгүйчүүдийн шилдэг сонголт нь цайвар ягаан, цайвар шаргал, цайвар бор өнгө тохиромжтой. Бор царайтай бүсгүйчүүдэд дурын цайвар өнгийн будалт зохимжтой. Ягаан өнгийн уруулын будаг, хацар өнгөлөгчөөс аль болох зайлсхий. Харин бор, бараан өнгийн уруулын будаг хөгшин харагдуулдаг. Суурь тосоо түрхсэний дараа энгэсгээ сайн түрхэж өгөх хэрэгтэй. Эс тэгвээс зурган дээр нүүр тань тослог, бараан харагдах болно. Нимгэн уруулаа дур булаам, зузаан харагдуулахыг хүсвэл цайвар өнгийн уруулын будаг хэрэглэж, гол хэсэгт нь өнгөлөгч түрхээрэй.

Дурангийн өмнө жүжиглэх хэрэггүй
Хэтэрхий хичээж, янз бүрийн байдлаар зогсох нь зургийг хиймэл болгодог. Тиймээс ямар нэгэн өөр зүйлд сатаарч, хөндлөнгийн зүйл бодохыг хичээ. Ингэж чадвал та зураг дээр чөлөөтэй, биеэ барьсан харагдахгүй. Хоёр гараа биеийн хоёр талаар унжуулж, номхон зогсохоос зайлсхий. Гараа урд болон ардаа зөрүүлж барих, эсвэл ямар нэгэн зүйл барьж /үзэг, нүдний шил/ болно.

Аль болох их гэрэл
Нүүр лүүгээ аль болох их хэмжээний гэрэл тусч байхаар зогсох хэрэгтэй. Өрөө тасалгаанд бол цонхны дэргэдэх байрлал хамгийн тохиромжтой байдаг. Аппаратны гэрэл цацруулагчийг хэрэглэ. Учир нь зургийн аппаратны гэрэл цацруулагч гэрлийн ойлтыг тэнцвэржүүлж, нүүрний өө сэвийг /үрчлээ, сэвх г.м/ дарж өгдөг. Бас арын фон нь сайхан харагдаж байх ёстой.

Ямар ч "PhotoShop" хэрэггүй
Зургийн аппаратны байрлал тун чухал. Давхар эрүүг нуухын тулд аппаратыг зураг авахуулж буй хүний нүдний, түүнээс арай дээр түвшинд байрлуулдаг. Хэрэв зурагт тухайн өндөр хүний бүх биеийг оруулж авахгүй бол өвдгөөр нь бага зэрэг нугалуулж зогсоодог. Зурагчин танаас намхан байвал суугаа байрлалыг сонгох нь тохиромжтой.

Таны биеийн харьцаа 90-60-90 биш л бол зургийн голд биш, харин бага зэрэг зүүн, баруун талд зогсох нь зөв. Нүдээ байгаагаасаа арай том харагдуулъя гэвэл харцаа үл ялиг дээш хандуулдаг. Хэрэв та дугуй царайтай бол эгц харахаас зайлсхийж бага зэрэг хажуулдаж зогсоорой. Эгц дээрээс тусч буй гэрэл царайг бараан болгож, хамар, уруулын доор сүүдэр үүсгэдэг.

Улаан нүд
Зарим зурган дээр хүний нүд улаан туяатай гарчихдаг. Үүнээс зайлсхийхийн тулд зураг авахуулж буй хүн ямар нэгэн хурц, тод зүйл харах хэрэгтэй. Энэ үед нүдний хүүхэн хараа нарийсч, "улаан нүд"-ний эффектийг багасгадаг.

NAME CARD DAY 2 /Өдөрлөг/

2009-10-21T18:17:00.000-07:00

BizNetwork сүлжээ сайт нь шинэ хувилбараа нэвтрүүлсэнтэй холбоотойгоор олон нийтэд таниулах нээлтийн өдөрлөгийг NameCard Day 2 нэртэйгээр зохион байгуулж байна.BizNetwork-ийн гишүүд дэмжигч та бүгдийг уг өдөрлөгт хүрэлцэн ирэхийг урьж байна.

Зорилго:
- BizNetwork танилуудтайгаа уулзаж хамтын ажиллагааны эхлэлийг тавих
- Өөрийн эрхэлж буй бизнесээ бусдад таниулах шинэ харилцагч хамтрагч олж авах
- Ажил олгогчид болон шилдэг мэргэжилтэнтэй холбоо тогтоох
- Шинэ санаа, шинэ боломж, шинэ танил, шинэ карьер

Хэн оролцох:
BizNetwork бүх гишүүд болон дэмжигчид

Хаана, хэзээ:
2009 оны 10-р сарын 31-ний өдөр SS Club ресторанд 17:30-аас 22:00 цагийн хооронд хагас босоо байдлаар зохиогдоно. Нийт 1000 хүний багтаамжтай.

Хөтөлбөр:
17:30 – 18:50 Чөлөөт ярилцлага – Илтгэл

Чөлөөт ярилцлага хийх хүмүүс:

- М.Ю.Ж ХХК Маркетинг консалтинг ХХК-ийн гүйцэтгэх захирал Т.Төгөлдөр
- Монголын Лектор төвийн тэргүүн Ц.Баатархүү
- МХНИ -ийн тэргүүн Д.Бартанбаатар
- Гэгээн Ундарга-ийн тэргүүн Б.Булганмаа
- УИХ-ийн гишүүн З.Энхболд

18:50-19:00 – БИЗНЕТВОРК-ийн боломж ба ирээдүй

- Нээлтийн үг / СИНГЛТОН ХХК-ийн ерөнхий захирал В.Баярсайхан /
- Классик ЖЕМ хамтлагийн дуучин Уянга
- Зураг авалт
- B продакшн дуучин Агиймаа
- Нэрийн хуудас солилцох цаг
- Азтан шалгаруулах
СИТИНЕТ ХХК-ийн нэрэмжит шагнал
ЛЕКТОР төвийн нэрэмжит шагнал
- L Guards хамтлаг

22:00-00:00 Бүжиг, цэнгээнт тэмцээн

Такс: 10.000₮ / Цэвэр Ус Пиво + Surprise /

Ерөнхий ивээн тэтгэгч: Жем Драфт

Лавлах утас: 99105040

Дэлгэрэнгүй мэдээлэл авах бол дараах хаягаар орно уу: http://biznetwork.mn/topic/show?id=8324&page=2#comment_169128

Өглөө бүрийг инээмсэглэлээр угтаж чадвал эрч хүч нэмэгдэнэ

2009-10-20T01:55:00.000-07:00

Инээмсэглэл - таны найз гэдгийг хэзээ ч бүү мартаарай!

1. Сэтгэлийн хөдөлгөөнөө хүчээр дарах гэж оролдох хэрэггүй. Харин ч хэлэх гэсэн зүйлээ ил тод хэлж аль болох илэн далангүй бай. Ингэвэл сэтгэл онгойж тайвширдаг. Дотроо шаналж өөрийгөө тарчлаах нь, эрүүл мэндэд маш хортой.

2. Өөрийнхөө боломж бололцоог бодитойгоор дүгнэ. Бусдыг дууриах байдлаар ч юм уу хэрээс хэтэрсэн үүрэг, зорилго өөртөө бүү тавь. Ингэвэл та юу ч хийж чадахгүйд хүрнэ.

3. Бүх хүмүүст таалагдах гэж өөрийгөө бүү зовоо. Та хүн бүхэнд таалагдах албагүй шүү дээ. Бусадтай жирийн харьц. Гэхдээ заавал сайхан сэтгэгдэл төрөхгүй байж болно. Үүнд эмзэглэх хэрэггүй.

4. Үзэн ядалт, гомдол хорслоос аль болох хол бай. Стресс үүсгэхийн нэмэр. Болсон явдалд та яагаад гомдох /үзэн ядах/ болов гэдгийг ойлгох нь чухал. Нөгөө тал руугаа дайрч давшлах ч хэрэггүй. Энэ тухай аль болох бодох чөлөө зав өөртөө бүү олго. Аяндаа та тайвширна.

5. Эерэг зүйл бод. Хэзээ ч юм алдаж оносноо бодож өөрийгөө зовоож шаналгах хэрэггүй. "Тэр үед би тэгсэн бол хожих байсан" гэдэг ч юм уу ямар нэг харамсал төрүүлсэн бодолд бүү авт. Зөвхөн боломжтой бүтэмжтэй зүйлийн тухай л бод.

6. Бүх зүйл санаж бодсоноор бүтээд байвал бас дэмий. Амьдралын амт, давс хужир нь алга болчихно шүү дээ. Тиймээс бэрхшээлтэй байна гээд хөмсөг бүү зангидаж бухимд. Толинд өөрийгөө хараад инээмсэглэ, Тэгээд өөртөө "Бүх зүйл удахгүй сайхан болно" гэж хэл. Болж өгвөл өглөө бүрийг инээмсэглэлээр угтаж, шинэ хүсэл тэмүүллээр эрч хүчээ сэлбээрэй.

Дэлхийн хамгийн найдвартай банкууд тодорчээ

2009-10-19T21:19:00.000-07:00

Эдийн засгийн хямрал банк, санхvvгийн байгууллагыг эмх замбараагvй болгоод байна.
Америкийн Lehmann банк дампуурсны дараа олон мянган хvн чухам аль банкинд мeнгee найдвартай хадгалуулах вэ хэмээн эргэлзэх болсон. Одоогийн байдлаар найдвар тeрvvлэхvйц банкууд олон байна. Харин Америк болон Швейцарийн томоохон банкууд vнэнийг хэлэхэд нэлээд доогуур байрт орох болсныг энэ дашрамд дурдах хэрэгтэй болов уу.

Америкийн "Гловал Файненз" сэтгvvлээс гаргасан дэлхийн хамгийн найдвартай банкуудын жагсаалтыг "KfW" банк тэргvvллээ. "Дэлхийн хамгийн найдвартай банк -2009" KfW нь ХБНГУ-ын 100 хувийн улсын хeрeнгe оруулалттай санхvvгийн байгууллага юм байна. Энэ нь улс eeрийн мэдлийн санхvvгийн байгууллагыг хямралын хvнд vед ч аварч vлддэг гэдгийг харуулж байгаа аж.

Сэтгvvлийн зeвлeл Standard & Poors, Moodys, Fitch гэсэн нэр хvндтэй гурван агентлагтай хамтран 17 жилийн турш дэлхийн хамгийн найдвартай банкийг тодруулж ирсэн. Сvvлийн жилvvдэд зeвхeн банк, санхvvгийн тeдийгvй хувийн хэвшлийн зарим нэгэн кредит олгогч байгууллагууд олширч, ашиг орлогоороо тэргvvлэх болсон. Харин тэдгээрийн ихэнх нь эдийн засгийн хямралтай нvvр тулсан хоёр жил хvрэхгvй хугацаанд дампуурч, vгvй гэхэд ашиг орлого нь эрс буурсан талаар тус сэтгvvл мэдээлжээ. Eнгeрсeн жилvvдийг бодвол энэ оны "Toп 50"-ийн тоонд ийнхvv улсын мэдлийн банкууд дээгvvр байранд оржээ. Германы дараа Францын нийгмийн халамжийн сангийн "Caisse des Depots et Consignations" банк, Нидерландын вант улсын "Bank Nederlands Gemeenten", Германы "LW Rentenbank", Швейцарийн "Zuericher Kantonalbank-ууд удаалж байна. Харин уг жагсаалтын зургаад бичигдэх Rabobank /NE/ нь хувийн банк аж vvний дараа орж буй удаалж байгаа Францын BNP Paribas, Испанийн Banco Santander, BBVA болон Английн "HSBC" банкууд нь бvгд хувийн болон арилжааны банкууд юм. Харин АНУ-ын хамгийн найдвар тeрvvлэхvйц банк нь жагсаалтын 32-т бичигдсэн "The Bank of New York Mellon Corporation" болон 39 дvгээрт орсон "J.P.Morgan Chase & Co" болж байна.

1. KfW -ХБНГУ
2. Caisse des Depots et Consignations CDC - Франц
3. Bank Nederlands Gemeenten - Нидерланд
4. Landwirtschaftliche Rentenbank - ХБНГУ
5. Zuricher Kantonalbank - Швейцари
6. Rabobank Group - Нидерланд
7. Landeskreclitbank Baden2Wurttemberg - ХБНГУ
8. NRW Bank -ХБНГУ
9. BNP Paribas -Франц
10. Royal Bank of Canada -Канад

Амьдралын тоо нь зан чанарын илэрхийлэл байдаг

2009-10-19T21:04:00.000-07:00

Монголчууд эрт дээр үеэс өдгөөг хүртэл зурхайн аргаар хүнийг шинжиж ирсэн байдаг. Одоо үед зурхайч гэлтгүй өөрийгөө болон найз, нөхөд хамт олон ер нь хэнийг ч танин мэдэх бүрэн боломжтой аж. Төрсөн он, cap, өдрийнхөө тоог хооронд нь нэмнэ. Гарсан тоог задалж нэг оронтой тоо болгоно. Энэ тоог зурхайн ёсонд Амьдралын тоо гэж тэмдэглэдэг байна.

Жишээлбэл: 1985 оны 4-р сарын 15-нд төрсөн хүн байлаа. Тэгвэл: 1985-04-15 буюу 1+9+8+5+0+4+1+5=33 гарлаа. Үүнийг 33 буюу 3+3=6 болно. Тэгэхээр уг хүний амьдралын тоо байна. Хэрэв тоонуудыг нэмсээр 29 гарвал 2+9=11 1+1=2 болно.

1. Төрөлхийн манлайлагч, ямарч саад бэрхшээлийг даван туулдаг. Аливаад өндөр шаардлагатай ханддаг. Нэг үгээр хэлбэл маш зарчимч. Бусдын санал бодол, хандлагыг үл харгалзан зорилгодоо тэмүүлдэг. Үнэнч шударга, өгөөмөр сэтгэлтэй, сэтгэл зүрхээ хянаж сурах шаардлагатай хүмүүс байдаг.

2. Эв эе, найрсаг харилцааг эрхэмлэгч боловч, зааж зааварлах тушаахыг тэвчдэггүй. Залхуу, уран сэтгэмж нь сайн хөгжсөн, урлагийн мэдрэмж өндөртэй. Гэвч засаршгүй мөрөөдөгч, ажил нь бүтэлгүйтвэл бусдад муухай зан гаргадаг.

3. Их нийтэч, санаанд оромгүй юм сэтгэдэг. Бусадтай хялбархан танилцдаг. Гэвч төрөлхийн ичимхий зан нь шийдвэрлэх мөчид тээг болдог. Дэндүү итгэмтгий, гэнэн, хардамтгай зантай. Үүнээсээ болж алдах нь их байдаг. Бусдад хууртаж, мэхлэгдэх нь элбэг боловч өөдрөг үзэлтэй.

4. Амжилтанд хүрэхийн тулд мал мэт зүтгэдэг. Юу хүсч явдгаа сайн мэддэг. Идэвх өндөр, шийдмэг зантай, сэтгэлд нь ямар нэг зүйл нийцэхгүй бол жинхэнэ дарангуйлагч болдог. Нарийн дэглэм барьдаг, арга барилдаа үнэнч байж чаддаг. Санаснаараа зүтгэдэг чанар нь амжилтын түлхүүр болдог. Сэтгэлийн зовнил, ганцаардлаа өөрөө давахыг илүүд үздэг.

5. Мөрөөдөмтгий, сэтгэлийн хөөрөлдөө захирагддаг. Гэхдээ заримдаа алмай юм шиг болж, өвчнөө тоочиж бусдад гоморхдог. Бас нэгэн хэмийн уйтгартай ажлыг тэвчдэггүй.

6. Алт шиг хүн. Дур булаам төрхтэй, юмны сайн, мууг сайтар ялгадаг. Өөрийгөө золиослох чадвартай, энэ чанар нь гялалзсан амжилтанд хүрэхэд нь тус дэм болдог. Хайртай хүндээ үнэнч, эелдэг зантай, хууран мэхлэхийг тэвчдэггүй. Хууртвал хэзээ ч уучилдаггүй.

7. Дур булаам төрхтэй боловч бодлогошронгуй, ухаалаг хүмүүс байдаг. Мөн чанартаа гүнзгий сэтгэгчид болдог. Дүн шинжилгээ хийж, судлах нь хийх дуртай ажлын нь нэг. Хааяа хувиа хичээх нь бий. Бусдын амжилтанд атаархдаггүй, туслахад хэзээд бэлэн байдаг, өгөөмөр, өөрийгөө өндөрт тавьдаг. Гайхмаар авьяас билгээрээ бусдыг бишрүүлдэг.

8. Эрч хүчтэй, хүчирхэг, хатуу чанд хүмүүс. Тэд амжилтанд хүрэхийн тулд өөрийнхөө хүсэл зорилгыг хянадаг байх шаардлагатай. Өөдрөг үзэлтэй боловч оньсого мэт байж чаддаг. Үнэний төлөө тууштай тэмцдэг.

9.Бие даасан, эрэлхэг зоригтой, шийдэмгий хүмүүс. Ямар нэг ажил эрхэлбэл залхмаар яншиж үглэдэг. Ажилдаа амжилт гаргадаг, эрч хүчтэй, хөдөлгөөнтэй, дэг журам сайн сахидаг хүмүүс байдаг. Гэхдээ тийм ч эелдэг, ёсорхуу хүмүүс биш.

Залуу Маркетер клубын уулзалт ба “Рекламчдын тархины витамин”

2009-10-15T20:54:00.000-07:00

Сайн байцгаана уу? Эрхэм Маркетеруудаа

Залуу Маркетер Клуб -ээс ээлжит уулзалтаа энэ сард зохион байгуулхаар болоод байна. Энэ сарын арга хэмжээний онцлог нь та бүхэнд Францын "Реклам залгигчдын шөнө" Английн “SHOTS” болон Европын холбооноос гаргаж байгаа ТВ-ийн шилдэг рекламуудыг үзэх боломжийг олгох ба мөн монголын шилдэг ТВ реклам бүтээгчтэй тухайн рекламуудын талаар болон монголын өнөөгийн нөхцөл байдлын талаар ярилцах боломжыг олгоно.

Мөн бид хэвлэлийн шилдэг рекламуудын цувралыг гаргадаг “IDN” “International Designers Network” оос та бүхэнд үзүүлэх бөгөөд хэвлэлийн реклам хийхдээ бид юунд анхаарах хэрэгтэй болон тухайн рекламуудын шийдэл монгол хүний онцлогт тохируулан хэрхэн хэвлэлийн реклам бэлтгэх талаар Тоншуул сэтгүүлийн эрхлэгч, шог зураач С.Цогтбаяртай санал бодлоо солилцоно.

ТВ-ийн шилдэг реклам болон хэвлэлийн шилдэг рекламуудын цуглуулгын Мобиком -ын M-intertainment төвийн M-cinema –д /M-club/ үзэх боломжийг олгож байна.

Бусдаад илүүг сэтгэхийн тулд “Рекламчдын тархины витамин” -д таныг урьж байна.

Холбоо барих утас: 88086325, 99099259

Бид өөрсдийн амьдралаа өөрсдөө босгодог

2009-10-15T18:51:00.001-07:00

Хөгшин болсон барилгачин тэтгэвэртээ гарахыг хүсч, эзэндээ энэ тухайгаа хэлэв: “Би хөгширч, нас минь явж, бие маань ч дийлэхээ болилоо. Одоо тэтгэвэртээ гарч, амар тайван амьдармаар байна” гэжээ. Эзэн нь “Тан шиг сайн ажилтнаа явуулахад харамсалтай байна” гээд сүүлчийн удаа ганцхан байшин барьж өгөхийг хувийн зүгээс хүсчээ. Барилгачин “За” гэсэн боловч сэтгэл гаргасангүй. Тэрээр муухан материал ашиглаж, ур хийц муутай, чанаргүй байшин барив. Тэр үнэхээр сэтгэлээс Тэр үнэхээр сэтгэлээсээ хандсангүй, “барьж өгсөн” гэсэн нэр зүүгээд хурдхан амрахыг л хүсч байлаа. Ингээд барьж дуусаад байшинг даргадаа хүлээлгэн өгөв. Дарга нь байшингийн түлхүүрийг барилгачны гарт атгуулаад “Энэ бол таны байшин. Миний танд өгч буй бэлэг” гэв. Барилгачин шоконд оров. “Ямар ичмээр юм бэ? Надад өгөхийг нь мэдсэн бол эхнээс нь сайн байшин барих байж дээ” гэж гаслалаа... Бид өөрсдийнхөө амьдралыг өдөр тутам, цаг тутам барьж, босгож, бүтээж байдаг. Эцсийн дүндээ бид өөрсдийнхөө босгосон тэр л “байшин”-д амьдардаг. Сэтгэл, зүтгэл гаргавал сайхан байшинд амьдарна, сэтгэлгүй хандвал муухан оромжинд амьдарна... Харамсалтай нь цаг хугацааг буцааж болдоггүй. Та бол амьдралынхаа барилгачин. Ганц хадаас хадах, хана босгох, цонх шиллэхдээ хүртэл та амьдралаа босгож байгаа.

Аз жаргалтай байх арван нууцаас танд дэлгье

2009-10-15T18:32:00.000-07:00

Та аз жаргалыг хайн хорвоог туулдаг. Гэтэл энэ нь гар сунгах төдийхөн зайд байж байдаг гэдгийг эрдэмтэд хэлсэн байна. Та дараах зөвлөгөөг анхааралтай уншаад амьдралын алтан мөчүүдээ олоорой.

Нэг дэх нууц: “Хандлагын хүч"
Миний аз жаргал амьдралд хандах хандлага дээр тогтоно. Миний оюун ухаан бэлэн байгаа тэр л хэмжээгээр би аз жаргалтай байна. Энэ мөчөөс эхлээд миний оюун ухаан аз жаргалыг мэдрэхэд бэлэн байх болно. Хэрвээ би сайн зүйлийг хүлээвэл голцуу л түүнийгээ амсах болно. Аз жаргал гэдэг миний хэзээ ч хаана ч хийж болох сонголт. Зөв талаас нь харж чадвал зовлон бэрхшээл бүрээс эерэг сайн тал олдоно. Би энэ мөчөөс эхлэн юм бүхнээс сайныг эрж хайж болно. Ямар ч хүнд бэрх, хямралтай үе тохиолдсон дараах гурван асуултыг өөрөөсөө асуу.

1. Энэ нөхцөл байдалд гайхалтай зүйл юу байна вэ? Энэ нөхцөл байдалд гайхалтай юм юу байж болох байсан бэ?

2. Юу нь төгс биш байна вэ?

3. Энэ үйл явцаас таашаал авахаар нөхцөл байдлыг өөрчлөхийн тулд би юу хийж чадах вэ?

Жинхэнэ аз жаргалыг үүсгэх үр хөврөл нь талархал юм. Энэ мөчөөс эхлээд би талархаж болохуйц зүйлийг эрж хайна. Гадаад нөхцөл байдал биш , миний бодол санаа л намайг зовоож , эсвэл аз жаргалтай болгож байдаг. Та бодол санаагаа удирдаж чадвал би аз жаргалаа ч удирдаж чадна.

Хоёр дахь нууц: "Бие махбодын нууц"
Хөдөлгөөн мэдрэхүйд нөлөөлнө. Биеийн тамирын дасгалууд нь сэтгэлийн хямралыг багасгаж, бидний биеийг таатай сайхан болгох химийн урвалуудыг идэвхижүүлнэ. Боломжтой бол өдөр бүр хамгийн багадаа 30 минут биеийн тамираар тогтмол хичээллэх хэрэгтэй. Миний мэдрэхүй , бодол санаанд биеийн галбир, байрлал нөлөөлнө. Сэргэлэн цовоо байдал нь аз жаргалтай мэдрэхүйг бий болгоно.
Зангууны тусламжтайгаар хүссэн цагтаа аз жаргалын мэдрэмжийг ухамсартайгаар бий болгож болно. Хооллолт нь бидний сэтгэл санаанд нөлөөлдөг, Кофе, цай, согтууруулах ундаа, чихэрлэг хүнсний зүйлс, хиймэл амтлагчид зэргээс зайлсхийж жимс ногоо, үр тариа, шошийг ахиухан хэрэглэхийг хичээх хэрэгтэй. Байгалийн гэрэл хангалтгүй байх нь сэтгэлийн хямрал, дарамттай байдалд хүргэнэ. Өдөрт нэг цагаас багагүй хугацааг гадаа агаарт өнгөрүүлэх хэрэгтэй.

Гурав дахь нууц: "Хором хормоор амьдрахын хүч"
Аз жаргал нь жил, сар, долоо хоногт, тэр байтугай өдөрт ч байдаггүй, харин түүнийг хором бүрээс олж чадсан тохиолдолд л амьдралаас сайн сайхныг олж чадна. Дурдатгал нь онцгой гойд хормуудаас бүрдэх бөгөөд тийм хормуудыг аль болох олноор цуглуул.

Дөрөв дэх нууц: "Өөрийнхөө тухай зөвөөр төсөөлөхийн хүч"
Хүн өөрийгөө хэн гэж бодно тийм л хүч байна гэж ярьцгаадаг. Бид өөрсдийгөө ямар хүн гэж ойлгож байна тийм л хүмүүс. Би өөртөө сэтгэл хангалуун биш байвал бух амьдралдаа сэтгэл хангалуун биш байна гэсэн үг. Хүн бүр өвөрмөц давтагдашгүй. Хэн нэгний хүч болж төрөх боломж нь гурван зуун мянган тэрбумаас ганц байсан учир хүн бүр ялагч юм. Бусад хүмүүс нь бидний толь, гэхдээ нөлөөтэй толилууд юм. Өөрийнхөө буруу төсөөлөл шүүмжлэлт бодлоосоо ангижран, өөрийнхөө эерэг сайн дүрийг бүтээхийн тулд дараах зүйлсийг хийх хэрэгтэй.

1. Сөрөг төсөөллүүд хэрхэн бий болсныг тэд нь шударга эсэхийг тогтоох. Хэрвээ тэд нь үнэхээр ул Үндэслэлтэй байвал өөрийгөө өөрчилж эхлэх хэрэгтэй,

2. Та ямар хүн болохыг, хэн байхыг хүсч байгаа тухайгаа нотолгоонуудыг өөртөө өдөр бүр хэлж байх.

3. Та хэн байхыг хүсч байна, үнэхээр яг л тийм юм шигээр биеэ авч явах

4. Таны юу өөрт тань таалагдаж байна вэ, өөрийнхөө ямар зан чанарыг хүндэлж байна вэ гэдгээ өөрөөсөө асуух

Тав дахь нууц: "Зорилгын хүч"
Зорилго нь бидний амьдралд учир утга агуулгыг бий болгодог. Хэрвээ бид зорилготой бол тэр нь зовлон шаналалаас ангижрахад биш, жаргал цэнгэлд хүрэх арга замд оюун санаагаа төвлөрүүлэхэд тусалж чадна. Зорилго чь биднийг өглөө орноос босгох хүч болдог тэр зүйл юм. Зорилго нь хүнд хэцүү үеийг туулахад амар болгож, жаргалтай сайн цагийг улам таатай болгоно. Дүүжин сандлын арга нь бүх амьдралынхаа болон богино хугацааны зорилгуудаа олж сонгоход тусална. Бүх зорилгоо жагсаан бичээд:

1. Өглөө сэрмэгцээ

2. Өдрийн турш үе үе

3. Орой унтахынхаа өмнө уншиж бай

Дүүжин сандлын аргыг жилд ядахдаа 2 удаа хэрэглэж зорилгууд тань сонирхол татахаа болиогүй гэдэгт үнэмшиж байхаа бүү мартаарай.

Зургаа дах нууц: "Хошигнолын хүч"
Хошигнол нь сэтгэлийн дарамтыг багасгаж аз жаргалын мэдрэмжийг бий болгоно. Инээд нь анхаарал төвлөрөлтийг сайжруулж , ухаан зарсан бодлого бодох чадварыг дээшлүүлнэ. Ямар ч тохиолдлоос инээдтэй талыг эрж хайвал магад олдоно. Энэ явдалд муу зүйл юу байна вэ? гэж асуухын оронд "Үүнд инээдтэй зүйл юу байна вэ?" гэж асуу. Хямралыг давах хоёр алхамын томъёог хэрэглэ:

1. Аар саар зүйлд бүү санаа зов

2. Амьдралын ихэнх хэсэг нь аар саар зүйлээс бүрддэгийг сана.

Долоо дахь нууц: "Өршөөн уучлахын хүч"
"Уучлах чадвар нь жинхэнэ аз жаргалын хаалгыг нээх түлхүүр юм. Танд үзэн ядалт, хорсол гомдол үлдсэн бол аз жаргалтай байх боломжгүй. Гомдол тээснээс болж таниас өөр хэн ч шаналахгүйг сана. Алдаа эндэгдэл, бүтэлгүй явдлууд нь амьдралын сургамж болно. Бусдыг уучил.

Найм дахь нууц: "Өглөгийн хүч"
Эд юмсыг олж авснаар, эзэмшсэнээр аз жаргалыг олохгүй. Аз жаргалын нууц нь бусдад өгөх, бусдад туслах чадварт оршино. Бид бусдад хэдий их баяр баясгалан, аз жаргал өгнө, өөрсдөө төдий хэмжээгээр олж авна гэсэн үг. Бусдад аз жаргалыг бэлэглэх арга замыг эрж хайх нь өөрсдийн аз жаргалыг бүтээх өдөр тутмын арга юм.

Ес дэх нууц: "Харилцааны хүч"
Амьдралын чанар нь хүмүүстэй харьцах харьцааны чанараар тодорхойлогдоно. Хэн ч ганцаараа арал дээр амьдардаггүй. Хүн бүрт бусад хүмүүс хэрэгтэй байдаг. Дотно харьцаа нь сайн цагийг улам тааламжтай, хүнд бэрх цагийг арай хөнгөн болгодог. Бусадтай хуваалцсан баяр баясал 2 дахин үржиж, бусадтай хуваалцсан зовлон 2 дахин хөнгөрнө. Хэн нэгэнтэй харьцахдаа түүнтэй ахин хэзээ ч уулзахгүй мэтээр бүү ханд.

Арав дахь нууц: "Итгэлийн хүч"
Итгэл нь жинхэнэ аз жаргалын суурь болдог. Итгэлгүйгээр аз жаргал удаан үргэлжлэх аргагүй. Итгэл нь хүмүүст итгэх итгэлийг бий болгож, оюун ухааныг тайвшруулан сэтгэлийг эргэлзээ, түгшүүр, уймрал, сандралаас чөлөөлнө.

Амттан идэж єссєн хvvхэд ааш муутай болдог

2009-10-15T18:25:00.000-07:00

АНУ-ын Кардиффийн их сургуулийн сэтгэл судлаачид хэдэн жилийн турш явуулсан судалгааныхаа дvнг саяхан танилцуулжээ.
Тэд 1970 онд төрсөн 17 мянга гаруй хvvхдийг судалж харьцуулсны дvнд ийм хариултыг гаргасан аж. Судалгаанаас vзэхэд 10 нас хvртлээ амттай зvйлс их хэрэглэж байсан хvvхдvvд 34 наснаасаа хойш уур уцаартай, огцом зантай болох тохиолдол элбэг байж. Судалгаанд хамрагдсан хvмvvсийн 69 хувь нь хvvхэд байхдаа амттан их хэрэглэдэг байсан агаад эмзэг ууртай зан нийтлэг байж. Харин vлдсэн 40 хувь нь амттан тийм ч их хэрэглэдэггvй байсан бөгөөд бусдаасаа харьцангуй дөлгөөн, тайван зантай хvмvvс байжээ. Ийм сонирхолтой vр дvн гаргасан эрдэмтэд учрыг нь ийн тайлбарлажээ. "Хvvхдийг амттанаар хангах тусам хvссэн зvйлээ авдаг, хvлээдэг зан бэхжинэ. Энэ нь хvvхэд өсч, томрох тусам vл мэдгээр зан чанарт нь нөлөөлж биеэ барих чадваргvй, догшин болоход нөлөөлдөг. Хvvхэд бvр л амттанд дурладаг. Тэр дур хvслийг нь vргэлж биелvvлэх нь тийм ч сайн vр дvнд хvргэхгvй нь гэдгийг судалгаа харууллаа" гэсэн байна.

Хурим найрын СЕЗОН эхлээд дундаа орж байна гэж

2009-10-13T21:09:00.000-07:00

Дашням ах, Балжинням эгчтэй давхацаж, давхаралдсан өдрүүд ар араасаа ирж, хурим найрын СЕЗОН эхлэсэн, хуримын ордон гэдэг монополь мөртлөө гоё газар бас баар, ресторан мөн түүний катеринг хийдэг нөхдүүдийн ашиг орлого нэмэгддэг намрын сайхан налгар өдрүүд эхэлж байна. Хурим болохоос өмнө урьсан эзэд, уригдсан зочид өөр өөрийн гэсэн бэлтгэх ажлуудтай байдаг. Нөгөө Монгол Телевизийн Ёолк ахын онигоо болгож хэлдэг Монголчууд хурим найрыг “БЭЛГИЙН" ажилгүйгээр төсөөлдөггүй гэдэг шиг.

Бэлэг бол маш чухал. Харин юу өгөх вэ? Миний хийсэн бяцхан зах зээлийн судалгаанд оролцогсдын дийлэнх хувь нь МӨНГӨ, МӨНГИЙГ нь өг. Залуу хосод мөнгө шиг сайхан бэлэг байхгүй гэж байна. Мөнгө үнэхээр сайхан бэлэг. Учир нь та СОНГОЛТ бэлэглэж байна гэсэн үг. Элдэв янзын хэрэгтэй хэрэггүй зүйлс бэлэглэж байснаас бол хамгийн сайхан бэлэг бол МӨНГӨ гэдэгтэй ихэнх нь надтай санал нийлэх байх. Бас шууд мөнгө бэлэглэчихээр тийм ч тохиромжтой биш гэдгийг хэн хvнгvй л мэднэ. Америкуудын хэлдэгээр COLD HEARTED CASH буюу хүйтэн зүрхтэй мөнгө бол мэдрэмж муутай, жаахан бүдүүлэгдүү бэлэг юм шиг байгаад байдаг.

Гэхдээ одоо сүүлийн үед нэг бэлэг их модонд орж байгаа нь төлбөрийн картанд мөнгө хийж бэлэглэх болжээ. Тухайлбал энэ асуудлыг хэрэглэгчдийнхээ эрэлт хэрэгцээнд үндэслэж, соёлтой байдлаар шийдвэрлэхийн тулд зарим нэг арилжааны банкууд төлбөрийн картанд мөнгө хийж бэлэглэх үйлчилгээг санаачилж бэлгийн картыг зах зээлд нэвтрүүлснийг та бид дуулсан байх. Үүний нэг нь Монгол Шуудан Банкны Мошуба карт юм билээ. Та бүхэн ч гэсэн хурим найранд уригдаж, ямар бэлэг өгөхөө хараахан сонгож аваагүй байгаа бол gift картыг сонгож дотор нь бэлэглэх мөнгөө хийж байршуулчихаад бэлэглэхэд л хангалттай. Элдэв бэлэг сэлт хайж гүйхгүй амар. Дээр нь картаараа энэ тэрүүгээр хөнгөлөлттэй үйлчлүүлчихнэ гэж байгаа. Бэлэг авах гээд яахаа мэдэхгүй хайгаад гүйж яваа нэгэндээ ч гэсэн энэ тухай дуулгаарай.

"Нууц"-ыг амьдралдаа хэрэгжүүлцгээе

2009-10-12T23:15:00.000-07:00

Улс орон бүхэлдээ мөнгө, эрх мэдэл, нэг нэгнээсээ дээр гарах гэсэн улс төрийн хэнээрхэлд автсан мэт санагдаж буй энэ үед уйтгарлах, бухимдах, итгэл алдрах, цөхрөх үе хүн бүрт тодорхой хэмжээгээр тохиолдож байгаа гэдэгт итгэлтэй байна. Хэрвээ та ажил, амьдралын аливаа нэгэн асуудлаас болж багахан ч болов бухимдлыг дотроо тээж яваа бол энэхүү бяцхан зөвлөгөөнд анхаарлаа хандуулаарай. Гоц гойд гэхээр зүйлгүй мэт санагдаж болох хэдий ч амьдралд хандах хандлагаас бүх зүйл шалтгаалдаг гэдгийг магадгүй та бүхний аль хэдийн олж сонссон байж болох “Нууц” нэртэй номноос би олж мэдсэн юм. Хэрвээ та “Нууц” номыг эсвэл киног нь үзээд ойшоолгүй орхисон, эсвэл ойшоож ойлгосон ч дахин үзэх завдалгүй мартаж орхисон бол өдрийнхөө цаг заваас багахан хэсгийг зарцуулаад заавал дахин нэг удаа үзээд, тунгаан бодож үзээрэй. “Хүн хэдий ухаантай ч хэлэхээс наашгүй” гэж ярьдагчлан мэдсээр, ойлгосоор байгаа мэт хэр нь амьдралдаа тусгаж, хэрэгжүүлж чадахгүй зүйлс бидний амьдралын дэндүү их хувийг эзэлж байна. Зөв энерги, зөв амьдрал, зөв хандлагын тухай бид дэндүү их ярих болсон хэр нь бодит амьдрал дээр хэвшил болгон хэрэгжүүлэх тал дээр учир дутагдалтай байгаа нь маргаангүй үнэн. Ийм л учраас би “Нууц” номны талаар өөрт буусан сэтгэгдлээс хуваалцах үүднээс, нөгөө талаас ач холбогдлыг нь илүүтэй ихээр мэдрээсэй гэсэн үүднээс энэ зөвлөгөөг нийтэллээ. Харин ач холбогдлыг нь аль хэдийн мэдэрч, ойлгож, хэрэгжүүлж чадсан хүмүүсийн хувьд дэндүү их нуршсан мэт санагдаж байгаа бол хүлцэл өчье. Ямартай ч миний хувьд анх уг киног үзсэний дараа хүчтэй сэтгэгдэл төрж байсан хэдий ч хэсэг хугацааны дараа мартаж орхисон байлаа, харин дараа нь киног бүхэлд нь орчуулах завшаан тохиолдсоны ачаар кинонд гарч буй эрдэмтэн, мэргэд, судлаачдын үгийг нэг бүрчлэн сонсч, дахин дахин бодож үзэх боломж үүсч, улмаар ач холбогдлыг нь таашааж, амьдралдаа бага ч болов тусгаж авах хүсэл төрсөн юм. Ингээд киноны талаар монгол судлаачидтай ярилцах үед тусгаж авсан зүйлсээс багахныг дор дурдлаа. Та бүхэн киног үзээд, эсвэл номыг нь уншиж үзсэний дараа дор бүрнээ нэмэлт дүгнэлт, тайлбарыг хийж чадна гэдэгт итгэлтэй байна:

- Киног үзэж дуусмагцаа би юунд зорьж амьдарч байна вэ, нүдэндээ харагдтал төсөөлөн бодож, хүсч явдаг зүйл маань юу билээ гэж өөрөөсөө асуугаарай.
- Киног үзсэний дараахь сайхан, гэгээлэг сэтгэгдэл буураагүй байх яг тэр үедээ өдөр тутам байнга харилцдаг дотны хүмүүсээ ажиглан хараад үз. Тэд таны хувьд үнэхээр чухал хүмүүс мөн гэдгийг мэддэг хэр нь эерэг, талархууштай талыг нь таг мартсан явж байдгаа мэдрэх болно. Тэгээд яг л тэр эерэг, талархууштай талыг нь гэр бүлийнхэн, хамт ажиллагсад гээд хүн бүрээс олж харахыг өөртөө байнга сануул. Нэг удаа хараад, мэдрээд өнгөрөх биш, тухайн хүнийг харах бүртээ өөртөө сануулж чадвал таагүй эсвэл нэгэн хэвийн харьцаатай байсан хүмүүсээс ч сайхан зүйлсийг мэдэрч, харьцаандаа ахиц гаргаж чаддаг болохыг олж мэднэ. Үнэхээр үнэн шүү!
- Дотроо үргэлж баяр, хөөртэй явах /тэнэг хүмүүс л үргэлж баяртай явдаг биш юм байна лээ/, үргэлж ямар нэгэн баяртай зүйл болох гэж байгаа мэт догдлолыг тээж явах нь ямар нэгэн баяртай зүйлийг заавал бий болгодог юм байна. Ууртай байгаа хүнд ойр хавийн бүх л юм болохгүй, бүтэхгүй байгаа мэт санагддаг шиг баяртай яваа хүнд бүх л зүйл гэрэл, гэгээтэй, уужуу, сайхан санагддаг байна. Бас эргэн тойрны бүх хүмүүс танд сайн сайхныг хүсч, танд талархаж байгаа мэт санагдах болно, бусдаас хүлээж авах тэр энерги л хамгийн чухал. Нэг үгээр хэлвэл та өөрт чинь сайнаар хандаж буй хүмүүсийн эерэг, сайхан энергийг хүлээж аваад, харин таагүй, сөрөг энергийг мэдрэхгүй, тоохгүй, холуур өнгөрөөж сурдаг гэнэ. Ингэсээр нэг мэдэхэд сөрөг энерги гэгч зүйлээс ангид амьдарч чаддаг гэсэн шүү.
- Гэртээ А4-ийн цаасан дээр ч хамаагүй ойрын үед авахыг хүсч байгаа, биелүүлэхийг хүсч байгаа зүйлээ жагсаан бичээд өдөр тутам харагдаж байхуйц газар наагаарай. Мартахгүй хараад, бодоод байх тусам тэр зүйлс нэг нэгээрээ биелдэг юм байна лээ. Ойрын хугацаанд хүсч байгаа зүйлсээ биелүүлж сурснаар цаашдаа том хүсэл, мөрөөдлүүдээ ч биелүүлж чадна.
- Эцэст нь “Нууц” номыг эсвэл киног нь заавал дахин нэг удаа унш, эсвэл үз. Тэгээд үргэлж баяртай байх буюу Feel good гэх зарчмыг нь мартахгүй, үргэлж бодож байхыг хичээгээрэй. Миний амьдралд л лав багагүй зүйлсийг ойлгуулж өгч чадсан, танд ч гэсэн өөрчлөлтийг бий болгож чадна гэдэгт итгэлтэй байна. Ингээд амжилт хүсье. Бид нар бүгдээрээ мөрөөдөлдөө хүрч, бас бие биендээ хайр, талархлыг бэлэглэж чадна.

Эх сурвалж: З.Хандмаа

Ухаантай болох есөн арга

2009-10-12T18:47:00.000-07:00

Сэтгэл зүйчид болон хүний биеийн үйл ажиллагааг судлаачид хүн ухаантай болохын тулд хийх шаардлагатай зүйлсийн жагсаалтыг гаргажээ.

1. Их юм бичиж бай
Хүн тогтмол юм бичиж байвал тархинд байнга шинэ санаа төрж эхэлдэг. Мөн энэ үйлдэл нь юмыг дүгнэж цэгнэх, сэтгэн бодох сайхан дасгал болно. Үүнээс гадна үзэг юм уу, харандаагаар бичих үед гарын тодорхой цэгүүдэд тасралтгүй иллэг хийгдэж, ой ухаанд сайнаар нөлөөлдөг аж. Тэгэхээр бидний эцэг, эхийн хөтөлдөг байсан өдрийн тэмдэглэл, хувийн хэргийг сэргээхэд илүү зүйл болохгүй. Гэхдээ заавал гараараа л бичих хэрэгтэй.

2. Хором бүрийг ашигтай өнгөрөөхийг хичээ
Жишээ нь, та хэн нэгнийг хүлээж байгаа ч юм уу, зүгээр л явган зугаалж байхдаа радиогоор хэрэгтэй мэдээлэл сонсон цагийг ашигтай, өгөөжтэй өнгөрөөж болно. Хүн жилд дунджаар 200 гаруй цагийг тээврийн хэрэгсэлд өнгөрөөдөг аж. Энэ их цагийг уншиж, сонсч өөртөө ашигтайгаар өнгөрүүлснээр таньд л тустай.

3. Их тоглож бай
Зарим үед маш энгийн логик тоглоом ч бидний ой санамж, сэтгэн бодоход маш сайн дасгал болж чаддаг. Компьютерийн олон тоглоомууд (мэдээж тохирсон хязгаартай) танин мэдэхүйн чадварыг хөгжүүлдэг. Бүгдийн мэдэх тетрис логик сэтгэлгээ, ой ухааныг хөгжүүлнэ. Эвлүүлдэг тоглоом, үгийн сүлжээ ч мөн адил.

4. Цусны эргэлтээ сайн анхаар
Цусны эргэлт муудах нь оюун ухаан муудах нэг шалтгаан болдог. Хэрвээ та удаан хугацаагаар нэг газар, нэг байрлалд байх шаардлага гарвал аль болохоор олон удаа бага зэргийн завсарлага авч, гар, хөлөө хөдөлгөж байхыг хичээ. Иймэрхүү хөнгөхөн дасгал цусны эргэлтийг сайжруулна.

5. Гадаад хэл сур
Хэрвээ та саруул ухаан, сайн ой санамжаа хадгалж байхыг хүсвэл хөгширсөн ч гэсэн гадаад хэл сурахыг өөрийн хобби, өдөр тутмын хэрэгцээ болго. Хэдий өндөр насыг насалсан ч гадаад хэл сурч эхэлсэн хүний оюун ухаанаа төвлөрүүлэх, аливаа зүйлийг санах чадвар нь нэмэгддэг.

6. Авсан мэдээллээ бусадтай байнга хуваалц
Аливаа зүйлийг өөрийн болгох хамгийн шилдэг арга нь бусдаас сурах. Хэзээ ч хүрсэн амжилтдаа сэтгэл ханаж болохгүй, байнга л өөрийгөө боловсруул. Олж авсан мэдлэгээ тэр даруй бусадтай хуваалцаж бай. Өөртөө болон бусдад дэлхий ертөнцийг нээж өгснөөр та оюун ухаан, ой санамжаа хөгжүүлэх дасгал хийж байна.

7. Зөв унтахад анхаарлаа хандуул
Хүний биеийн болон оюун ухааны чадамж хүний зөв унтаж амрахаас ихээхэн шалтгаалдаг. Байнгын дутуу нойртой явснаас хүний сэтгэн бодох чадвар буурч, ой санамж мууддаг гэдэг нь бүгдэд тодорхой болсон. Архаг нойргүйтэл нь хүний уран бүтээл хийх онгодыг үгүй болгодог. Нойр дутуу хүн энгийн механик ажлаас өөр юу ч хийж чадахгүй гэдэг нь ойлгомжтой.

8. Холестириний хэмжээгээ хяна
Хүний бие махбодид холестириний гүйцэтгэх үүрэг асар их. Оюун ухааны чадвар, ой санамж, мэдрэлийн системийн ерөнхий байдал цусан дахь холестиринээс ихээхэн шалтгаална. Холестирин ихэдсэнээс зүрх, судасны систем гэмтэж, энэ нь цусанд нөлөөлж тархины хүчилтөрөгчийн хангамж буурдаг. Үүнээс болж тархины үйл ажиллагаанд зайлшгүй шаардлагатай тэжээлийн бодис багасч, ой санамж асуудалтай болж, оюун ухаанаа төвлөрүүлэх чадвар буурна.

9. Хоол хүнсэндээ аль болох төмөр агуулсан бүтээгдэхүүн хэрэглэ
Төмөр тархины үйл ажиллагааг сайжруулж, хүчилтөрөгч ирэх замыг засч өгдөг. Төмөр дутагдсанаар тархины идэвхийг эрс бууруулдаг аж. Хамгийн сайн төмөр агуулсан хүнсний бүтээгдэхүүнийг нэрлэвэл тугал, тахиа, хонины шарсан элэг, хонины шарсан бөөр, нунтаг какао, өндөгний шар, хясаа, хушны самар, нэрс, үзэм, тоор, сардин загас, шоколад, шарсан дэгдээхэй, чанасан вандуй, шош гэх мэт орно.

Энэ жагсаалтыг гаргагчид бидэнд оюун ухаанаа хөгжүүлэх гайхамшигтай арга замыг зааж өглөө. Одоо бид энэ бүгдийг "ухаантай" хэрэгжүүлэх л үлдэж байна.

Ажлын байрандээр аксессорио тааруулан зvvх нь

2009-10-11T20:04:00.000-07:00

Ажлын байр гэдэг vгдээр та анхаарлаа төвлөрvvлэх хэрэгтэй. Ажилдээр тань хvмvvс танд
бус таны vнэт эдлэлvvд дээр тань анхаараад байхыг та хvсэхгvй байгаа биздээ?
Тэгвэл ажлын байрандээр аксессор, vнэт эдлэлvvдийг зvvх дvрэм гэж байдаг аж.

1. Бөгжийг хэзээд хэтрvvлж болохгvй. Хэрвээ та гэрэлсэн бол бөгжөө зvvж болно. Харин тод өнгөтэй, том шигтгээтэй бөгжийг хэзээ ч ажлын байрандээр зvvж болохгvй, харин арга хэмжээ, уулзалт, vдэшлэгдээр хувцастайгаа тохируулан зvvхэд тохиромжтой байдаг.

2. Хvзvvний зvvлтийг зvvхэд аятайхан харагдаж болох ч хэт урт, хэт бvдvvн байж болохгvй. Таныг босож, суухад хvзvvний зvvлт тань саад хийж, ширээтэй тань шvрэлцэж, дуугарч болохгvй.

3. Бугуйвчийг тохируулан зvvх аваас vнэхээр сайхан харагддаг. Гэхдээ хэт овортой, хэт өнгөлөг, хэт их чимээ гаргахааргvй бол сайн. Тэгэхээр ганц ширхэг, цулгуй өнгөтэй бугуйвчийг зvvсэн нь дээр. Таныг хvнтэй гар барихад тань саад болж байгаа, их дуу чимээ гарч байгаа эсэхийг анзаараарай. Мөн бугуйвчийг цагтайгаа хамт нэг гарандаа зvvж болохгvй. Энэ нь их дуу чимээ гаргахаас гадна, бугуйвч, цагийг хамт зvvж болохгvй гэсэн загварын дvрэм байдаг.

4. Хэт том ээмэг зvvж болохгvй. Энэ нь таны нvvрний өнгийг дарж, хvнд харагдуулна. Харин нvvрний тань өнгийг гэрэлтvvлэх бага зэрэг жижигхэн ээмгийг сонгоорой.

5. Цагний хувьд хэт гялалзсан, тод өнгөтэй биш байвал сайн.

Гадаад хэл сурах энгийн зөвлөгөө

2009-10-11T18:45:00.000-07:00

Гадаад хэл сурах нь одоо тийм ч хүнд биш болжээ. Мөнгөтэй л бол дуртай сургалтын төвд хандаж, эсвэл эх оронд нь очиж сурах боломжтой. Гэхдээ заавал их мөнгө үрж, өөрийгөө зовоох хэрэггүй. Ихэнх хүмүүс ямар ч хэлийг нэг сарын дотор сурах гэж улайрдаг. Энэ нь хамгийн буруу гэнэ. Өөрийгөө маш сайн бэлдэхийн тулд яарах хэрэггүй. Мөн хэл сурах гэж нойргүй хонож, олон үг цээжлэх гэж зовох хэрэггүй. Ингэж цээжилсэн үг амархан мартагддаг. Ингээд энгийн бөгөөд сонирхолтой аргаас хүргэе.

1. Хамгийн эхний хийх алхам хүнд хэцүү гэсэн бодлоо орхих. Амархан гэж бодсон бүхэн хялбар бүтдэг.

2. Заавал олон үг нэг дор цээжлэх гэж бүү зов. Өөрийн сонирхосон зүйлсийн нэрийг сурч буй хэлээрээ хэлж цээжил.

3. Сурч буй хэл дээр дуулагдсан дууг байнга сонс. Ингэвэл үг цээжлэх, сонсгол тань сайжрана.

4. Тухайн хэлийг сайн мэддэг, эсвэл гадаад хүмүүстэй чадахгүй ч байсан үг сольж бай. Ингэхэд танд ичих хэрэггүйг сануулья. Тэр хүмүүс таньд буруу хэллэгийг засахад тусална.

5. Эцэст нь ойлгохгүй байсан ч ном унш. Эхлээд юу ч ойлгохгүй, харин хэсэг хугацааны дараа өөрийн мэдэлгүй үйл явдлыг ойлгож эхэлдэг байна.

Эх сурвалж: www.news.mn

Гар барихад учир бий гэнээ

2009-10-08T18:27:00.000-07:00

Боловсон байна мэдээж гэдэг таны хvнтэй хэрхэн мэндэлж байгаагаас эхэлнэ. Мэндчилгээ дотор нэн чухал зvйл бол гарын атгалт юм шvv. Найз нөхөр, дарга даамал, хайртай бvсгvй, хамгийн дургvй хvн чинь хэн ч бай та гар барьж л мэндэлдэг шvv дээ. Тиймээс гар атгаж мэндчилэх тухай хэдхэн зvйл анхааруулъя. Гар барьж мэндлэх ёсыг анх англо-саксчууд бий болгожээ.

Ромчууд гараа зvрхэн талаасаа эхлэн өргөөд алгыг нь дээш харуулан бага зэрэг бөхийж мэндчилдэг /та vvнийг тvvхэн сэдэвт кинон дээр бишгvй харсан шvv дээ/, хятадууд мэндлэхдээ толгойгоо яльгvй унжуулж өөрийн гутлын хоншоорыг ширтдэг, харин грекчvvд баруун гараа зvрхэн дээрээ тавьдаг байжээ. Энэ бvхэн өнөөдрийн та бидний амьдралд хадгалагдан vлдэж, бид биен рvvгээ толгой дохиж, гараа даллаж, гараа зvрхэн дээрээ тавьж мэндэлж л байдаг. Гэхдээ л хамгийн тvгээмэл мэндчилгээний хэлбэр бол яах аргагvй гар барилт юм.

Бvсгvйчvvд сvvлийн 100 жилд харилцааныхаа соёлд нэлээн өөрчлөлт хийсэн шvv дээ. Эрчvvдтэй адилхан хувцаслаж, гараа заавал vнсvvлнэ гэхээ байж, суудал тавьж өгөөгvйд гомдоллохоо больж, тэр байтугай зоогийн газарт ч заавал эрчvvдээр “даалгахаа” больсон гэдгийг та мэдэж байгаа байлгvй. Ихэнх тохиолдолд бvсгvйчvvд эрчvvдтэй энгийн найрсгаар гар барьж мэндэлдэг болсон. Гэхдээ энд боловсон ёсны нэгэн бичигдээгvй хууль vйлчилсээр байгаа.

Эрэгтэй, эмэгтэй хоёр хvн уулзахад эрэгтэй нь тvрvvлж гар сунгах нь бvсгvйг хvндэлж буй хэрэг юм. Өөртэй чинь мэндлэхээр сунгасан гарыг нь анхааралтай хараарай. Гарынхаа хуруунуудыг доош нь яльгvй нугалж, бугуйгаар нь сулавтар унжуулсан байвал та гарыг нь vнсэх ёстой гэсэн vг. Эмэгтэй хvний ердийн сунгасан гарыг vнсэж мэндлэхэд болохгvй зvйл vгvй ч харин vнсvvлэхээр өгсөн гарыг нь зvгээр атгаж мэндэлбэл та тvvнийг эвгvй байдалд оруулж, өөрөө ч соёлгvй гэж тооцогдох болно. Өөрийнхөө туршлагаас харахад, хэдийгээр би эр хvнд vнсvvлэх гэж гараа өгдөггvй ч мэндлэхээр сунгасан гарыг минь мөчид атгасан эр хvнд сэтгэлийнхээ гvнд дургvй хvрдэг юм. Та бас бодоод vз дээ. Бид хоорондоо гараа атган мэндэлдэг. Гэхдээ бvх хvний гар барилт адил бишээ. Ихэнх нь найрсаг, зохих хэмжээнд чангавтар атгасан мэндчилгээнд дуртай байдаг гэнэ. Харин сулхан, мөчид атгалтанд хvмvvс, ялангуяа эрчvvд их дургvй. Гар барилт ерөнхийдөө 6 янз байдгийг сануулъя.

1. Сонгодог.
Өөртөө итгэлтэй, мөн ижил тvвшний хvмvvс ингэж гар барилцдаг. Ямар нэг дургvйцэл, уур хилэн, өөртөө итгэлгvй байдлыг илэрхийлдэггvй, сайн муу элдэв “но”-гvй энгийн мэндчилгээ. Энэ нь харилцан хvндэтгэл, найрсаг занг илтгэнэ

2. Урамшуулсан.
Зvvн гараараа уулзсан хvнийхээ бугуйн дээрээс давхар атгаж мэндчилэх нь сэтгэл санаа засч, урам өгч дэмжиж байгаагийн илэрхийлэл байдаг. Тvvнчлэн уй гашууны vед сэтгэл зовниж, харуусал илэрхийлж байгаа дохио юм. Гэхдээ энэ атгалтыг анхааралтай хэрэглэж байгаарай. Байнга ингэж мэндчилбэл таныг “эрээ цээргvй амьтан” гэж дvгнэх болно. Ялангуяа даргатайгаа ингэж мэндчилэх нь тийм ч сайхан санаа биш. Тиймээс та тvvнтэй зөвхөн хоёрхон тохиолдолд л ингэж гар барьж болно. Нэгд, тvvнийг дөнгөж сая дээрэмчдийн гараас мултарсан vед, хоёрдугаарт охин нь энэ дээрэмчдийн толгойлогчтой суух гэж байгаа бол… Энэ тоглоом шvv, гэхдээ бодоод vзвэл та ойлгох байх.

3. Vлбэгэр.
Та сул унжсан vлбэгэр гараа сунгавал, хоржоонтой нэг нь гарыг тань тохуутайгаар vнсэж мэхийн ёслох вий. Ямар ч тохиолдолд эр хvний гар vхсэн загас шиг сул унжиж байх ёсгvй. Тэр байтугай та 40 каратын алмаазан шигтгээтэй 999 хувийн сорьцтой алтан бөгжөө гайхуулахыг хичээсэн ч, эсвэл тухайн хvнд дургvй гэдгээ харуулахыг яаж хvсч байсан ч ингэж мэндэлбэл муу нэртэй болохоос өөр ашиг олохгvй гэдгийг ойлгох хэрэгтэй.

4. Дээрээс доош чиглэлтэй.
Та нэр алдартай, “чухал” хvмvvс ч гэсэн өрөөнд нь санамсаргvй vсрэн орж ирсэн зvс таних төдий “өчvvхэн” нэгэнтэй мэндлэхийн тулд заавал суудлаасаа босдог, эсвэл зөрөөд өнгөрсөн хэдэн шатаа буцан өгсөж нэг тvвшинд ирдэг гэж бодож байна? Дээрээс доош чиглэлтэй гар атгалт нь сууж байгаа юм уу, байрлалын хувьд арай доор байгаа хvнийг сэтгэхvйн хувьд эвгvй байдалд оруулдаг. Энэ нь тухайн хvнээс болж байгаа биш, ердөө л угаасаа хvний сэтгэл зvйтэй холбоотой юм. Хэн ч гэсэн эвгvй байдалд орохыг хvсэхгvй шvv дээ.

5. Чанга.
Мэдээж чангахан атгалт найрсаг, нөхөрсөг занг илтгэнэ. Гэхдээ хурууныхаа vе болгоныг шажигнатал, уулзсан хvнээ дуу алдтал атгах нь тийм ч соёлтой занд тооцогдохгvй. Хэт чанга атгалт уур хилэн, өдөөн турхиралтын шинж тэмдэг гэнэ лээ шvv.

6. Давхар атгалт.
Сонгуульд нэр дэвшигчид юм уу, улс төрчид голдуу ингэж гар барьдгийг та лав анзаарсан биз. Гэхдээ хvн бvртэй ингэж мэндэлж болохгvй л дээ. Энэ атгалт нөхөрсөг байдал, сэтгэл хөдлөлийг илэрхийлэх бөгөөд өөртөө итгэлтэй, байр суурь, нэр хvндээ мэдэрдэг хvн өөрийн болговол зохилтой. Эс бөгөөс та өөртөө итгэлгvй, хулчгар хvн гэсэн сэтгэгдэл төрvvлж болзошгvй.

Энэ бvхэн танд хэрэггvй, илvv зvйл мэт санагдаж магадгvй. Гэхдээ нэртэй имижмейкэрvvд яагаад vйлчлvvлэгчдээ хvнтэй зөв мэндэлж, зөв гар барьж сур гэж өчнөөн цагаар зааж, залхууг нь хvргэж байдаг вэ? Ялангуяа эрчvvд, улс төрчдөд олны хvндэтгэл хvлээж өөрийн байр суурийг олоход нэн чухал зvйл юм. Хэт эзэрхэг чанга, хэт сул дорой, эсвэл хэт сэтгэлийн хөдөлгөөнтэйгөөр /ямар ч зvйл хэмжээнээсээ хэтэрвэл зохисгvй байдаг шvv дээ/ гар барих нь бусдыг айлгаж, өөрөөсөө тvлхдэг байна. Тийм ч учраас энэ бяцхан зөвлөгөөг анхааралтай уншихыг хvсье.

• Та хvнтэй гар барихдаа хуруугаа хөдөлгөж болохгvй. Өчvvхэн төдий ч бай хуруугаараа гарыг нь илэх, бөмбөрдөж тогших байдал гаргавал нөгөө хvн тань “Энэ ер нь ямар санаатай этгээд вэ?” гэж дотроо ихэд болгоомжлох вий.
• Гарыг нь алгаараа бvтэн атга. Гэхдээ хэт их хvч гаргаж хэрэггvй. Уулзсан хvн таны өөртөө итгэлтэй, эелдэг мөн хvчирхэг байдлыг мэдрэх л ёстой болохоос биш гараа өвтгөх ёсгvй шvv дээ.
• Өөртэйгөө ижил болон өөрөөсөө доор тvвшний ямар ч хvнд тvрvvлж гар сунга. Нөгөө хvн тань мөн ингэж хандах ёстой тул та хоёр яг зэрэг, ижил тvвшинд, гол дунд нь гар барьж чадна. Хэрвээ тэр хvн тvрvvлж гар сунгавал таныг гар барих хvртэл хэсэг хугацаа өнгөрч энэ нь тvvнийг эвгvй байдалд оруулна. Олон удаа ийм байдал давтагдвал та тухайн хvний хvндлэлийг бvрмөсөн алдах аюултай гэсэн vг юм. Харин дээд тушаалын хvнтэй тэр бvр тvрvvлж гар сунгах гэлгvй анхааралтай харж, тvvнийг танд гар сунгахад нь хоцролгvй хариу мэндлэх хэрэгтэй юм. Өндөр албан тушаалтнуудын олонх нь /харамсалтай нь…/ зарим vед өөрөөсөө доогуур албан тушаалын хvнтэй гар барьж мэндлэх дургvй байдаг тул энэ тохиолдолд та өөрөө эвгvй байдалд орно. Ийм хvмvvс эелдгээр тvрvvлж гар сунгаж байгааг тань “долигонуур, хэт увайгvй зантай, боловсон бус этгээд” гэж дотроо дvгнэж магадгvй
• Та хvнтэй гар барьж мэндлэхдээ ямагт нvд рvv нь эгц харж байгаарай. Гарыг нь атгачихаад газар шагайгаад байвал та ямар нэг далд, муу санаа агуулсан хvн гэж ойлгогдоход хvрч болзошгvй.

Нэрийн хуудас хэрэглэх соёлоос

2009-10-08T18:26:00.000-07:00

Бид уулзалт болгон дээрээ л нэрийн хуудас солилцон бие биетэйгээ танилцдаг харин зарим нэгэн нэрийн хуудас солилцох, хэрэглэх соёлын талаар та бүхэндээ товч сонирхуулья. Нэрийн хуудасны голд болон баруун дээд буланд товчилсон үгс захидлыг төлөөлөх явдал их түгээмэл байдаг эдгээр товчилсон бичиг нь франц хэлний үгс бөгөөд олон улсын хэмжээнд хэрэглэгддэг юм байна. Жишээ нь:

• p.f.(pour feliciter) - аз жаргал хүсч баяр хүргэх
• p.r.(pour remercier) - талархал илэрхийлэх
• p.c.(pour condoler) - эмгэнэл илэрхийлэх
• p.p.p.(pour prendre part) - эмгэнэл илэрхийлж, туслахад бэлэн байгаагаа мэдэгдэх
• p.p.c.(pour prendre conge) - уучлал хүсэх (уулзаж чадалгүй явчих гэх мэт тохиолдолд)
• p.f.n.a(pour feliciter nouvel an) - шинэ жилийн баяр хүргэн аз жаргал, эрүүл энхийг хүсэх
• p.c, p.p.c, p.r гэж бичсэн нэрийн хуудсанд хариу илгээхгүй.
• p.c, p.p.p, p.f гэсэн бичигтэй бол өөрийн нэрийн хуудсан дээр “баярлалаа” гэсний илэрхийлэл болгон p.r гэж бичиж явуулна.

Уур

2009-10-07T19:51:00.000-07:00

Ааш муутай, үргэлж уурлаж байдаг хүү байжээ. Эцэг нь түүнд нэг уут хадаас алхны хамт өгөөд уурлах бүрдээ нэг хадаас хашааны модонд хадаж бай гэж.
Эхний өдөр хүү 37 хадаас хашаандаа хадсан байна. Ингээд хэдэн долоо хоног өнгөрөхөд тэрээр хэрхэн уураа хянаж байхыг аажим аажимаар сурч хашааны модонд хадах хадаасны тоо ч аажмаар буурч байлаа. Өөрийн уураа хянах нь хашаанд хадаас хадахаас илүү амар болохыг тэрээр ойлгож эхэлжээ. Эцэст нь тэр өөрийн уур бухимдлаа ч хянаж сурч. Ингээд тэрээр энэ тухайгаа аавдаа хэлэхэд аав нь түүнд уурлаагүй өдөр бүхэндээ нэг хадаасыг модноос сугалаж байхыг зөвлөв.
Өдөр хоногууд өнгөрсөөр өнөөх хүү бүх хадаасуудыг сугалаж дууссан тухайгаа ааваадаа дуулгажээ. Аав нь хүүгээ дагуулан өнөөх хашааруу очоод “Хүү минь чи маш сайн байна. Гэхдээ энэ хашаанд гарсан нүхнүүдийг харж байгаа биз дээ. Энэ хашаа хэзээ ч өмнөхтэйгээ адил харагдахгүй байна. Уурын мунхагаар хэн нэгэнд хэлсэн муу үгс чинь яг үүн шиг шарх үлдээдэг юм даа. Үгээр хүнийг шархдуулж болно. Чи хичнээн удаа уучлал гуйсан ч энэ чинь хангалтгүй. Сэтгэлийн шарх хэзээ ч анихгүй. Үг хэлээр үүсгэсэн шарх яг л энэ хашаанд гарсан нүхнүүдтэй адил хэн нэгэний сэтгэлд гүн сорви үлдээдэг юм шүү” хэмээн захьжээ.

Эх сурвалж: http://www.mongoliantemple.com

Өнгөний сонголт буюу Улаан хувцастай хүүхнүүд эрчүүдийг ГАЛЗУУРУУЛДАГ

2009-10-07T18:51:00.001-07:00

Эрчvvдийг "галзууруулж" өөртөө татъя гэвэл бvсгvйчvvд улаан өнгийн хувцсыг сонгох нь тустай гэнэ шvv. Эрчvvдээр фото зурагнаас сонголт хийлгэхэд улаан өнгийн хувцастай эсвэл улаанаар хvрээлснийг нь илvv сэтгэл татам гэж vнэлсэн байна. Нью-Йоркийн Рочестерийн их сургуулийн сэтгэл судлаач профессор Эндрью Эллиотийн энэхvv судалгаа нь улаан өнгө бол хайр дурлалын өнгө гэж vздэг уруулын будаг болон Валентиний баярын ил захидал vйлдвэрлэгчдийн vзлийг баталгаажуулж байна. Энэхvv "улаан тvгшvvр" нь хэдийгээр улаан өнгийг хайр сэтгэлийн цацрагтай холбож vздэг хvний сэтгэлгээний vр дагавар байж болох ч мөн тун энгийн бйологийн шинжтэй байж болно гэж Эллиот хэлэв. Хvн генетикийн хувьд бичтэй төсөөтэй нь аль хэдийн нотлогдсон. Тэгвэл бичийг судалж vзэхэд зарим эрэгчин нь улаан өнгө өөрт нь харуулсан эмэгчинд илvv татагддаг нь харагджээ.

Жишээ нь эмэгчин бабуин болон шимпанзенууд өндгөн эс гадагшлах vеэ ойртохоороо улаан өнгө харуулж сексийн дохио өгөхөд эрэгчин нь татгалзахын аргагvй болдог байна. "Энэ нь эртний биологийн гаралтай, улаан өнгийг өөртөө татах гэсэн тэмдэг гэж шууд vзэх тvvхэн хувьслын өв байх магадлалтай" гэж Эллиот өөрийн өгvvллэгийг "Хувь хvний шинж ба сэтгэл зvй" сэтгvvлд хэвлэгдсэний дараа өгvvлжээ. Судалгаанд гол төлөв коллеж төгссөн 100 гаруй эрэгтэй оролцсон бөгөөд тэдэнд эмэгтэйчvvдийн зураг vзvvлээд хэр хөөрхөн болохыг, vнсэх, тэдэнтэй секс хийх хvсэл хэр их төрж буйг оноогоор vнэлэхийг хvсчээ. Цөөн тооны эмэгтэйн зургийг заримыг нь улаан хувцастай, заримынх нь хvрээг улаан өнгөөр, vлдсэнийг нь саарал юм уу цагаан өнгөөр хvрээлж vзvvлсэн байна. Тухайн зурганд нэг л эмэгтэй байсан тохиолдолд ч гэсэн улаанаар хvрээлсэн зургийг бусад зургаас илvv сэтгэл татам гэж эрчvvд vнэлжээ.

Жич: Иймээс та байгууллагынхаа болон өөрийн дүр төрх, имижийг гаргахдаа ямар өнгөөр илэрхийлэх вэ гэдгээ сайн бодолцох хэрэгтэй ажээ.

Цагаа зөв зохицуулах дүрмүүд

2009-10-07T18:48:00.000-07:00

Өглөөний 9 цаг. Танд ганц аяга кофе уух ч зав олдохгүй, утас чинь тасралтгүй дуугарч, таны мэйл хайрцаг захиагаар дүүрч, таны компьютерийн ойр орчинд элдэв янзын хийх ёстой ажлаа бичсэн тэмдэглэлийн цааснууд хөглөрөн харагдаж байна уу? Тэгвэл танд өөрийнхөө цагийг хэрхэн зөв зохицуулах талаар зөвлөе.

Өдөр болгон цагаа төлөвлө.
• Энд тэнд наасан хийх ажлын тэмдэглэлээ нэг жагсаалт болгон гаргаж, хийсэн ажлуудаа дарна. Уншихад хэцүү болоод ирмэгц жагсаалтыг дахин шинэчлэн бичнэ.
• Вебээр аялах, мэйл бичих, тэр бүү хэл ширээгээ цэвэрлэхдээ ч өөртөө тодорхой хугацаа тогтоо.
• Цаг тутам 2 минутын завсарлага авч хараагаа компьютерээсээ өөр зүг рүү шилжүүл.
• Орой болгон ширээгээ цэгцэлж бай, ингэвэл та маргаашийн ажлаа эмх цэгцгүй байдалд эхлэхгүй байх болно.

"Өөрийн хэмнэлээ ол
Өөрийнхөө хоногийн хэмнэлдээ зохицож сур."

Хронобиологичид бага үд бол мэдээлэл хүлээн авах чадвартай байдаг цаг уулзалт зохион байгуулахад хамгийн тохиромжтой цаг; үд дунд(адреналины хэмжээ дээд цэгтээ хүрдэг үе) бол шийдвэр гаргахад тохиромжтой цаг гэж итгэдэг. Оройн 6 цаг ажлаа зогсоох шилдэг цаг ба энэ үед цусны даралт, судасны цохилт багасдаг.

"Хийх ажлын жагсаалт гарга"

Хийх ажлын жагсаалт гаргах нь (гараар болон электроноор) цагийг илүү үр ашигтай зохицуулах эхний алхам юм. Хийх ёстой зүйлүүдээ нүдээрээ хараад дагах нь юу хийх ёстойгоо санахаас илүү хялбар. Хэцүү том зорилтуудыг “гол зүйл” гэж нэрлэсэн хэсгүүдэд хуваа, ингэснээр биелүүлэхэд хялбар болно. Яаралтай шийдэх асуудлуудаа тодруулахын тулд өнгийн бал ашиглах буюу ач холбогдлоор нь дугаарлан жагсаа. Хэрвээ ямар нэг ажил таны жагсаалтанд байнга л байдаг хэрнээ хэрэгжүүлдэггүй бол тэр даруй хийх буюу эсвэл зүгээр л хасчих.
Зохион байгуулалттай байж ажлаа төлөвлө.
Жагсаалтаа шалга: Хоёрхон минутын дотор хийж болох ажил байвал тэр даруйд нь хийчих. Дараа нь илүү том, яаралтай ажлаасаа эхэл. Аливаа ажил эцсийн минут дээрээ тулахаараа л яаралтай болдог гэдгийг мартаж болохгүй. Хэрвээ танд сарын дотор хийх ажил байгаа бол эцсийн хугацаанаас нь эхлэн 7 хоног бүрт хийх ажлуудын үе шатуудыг бичиж тэмдэглэ.

"Цаг үрэгчдээс зайлсхий"

Хамгийн их цаг үрэгчид бол бид өөрсдөө юм. Бид цаг тутам сонингийн мэдээллийг гарчиглаж, мэйлээр явуулсан хошигнолыг уншиж, чатлаж байх ёстой мэтээр боддог. Та өөрөөсөө “Эдгээр зүйлүүд ажлаа илүү үр дүнтэй хийхэд минь надад тус болж байна уу” гэж асуу. Хэрвээ үгүй бол хас. Судалгаагаар чаат, мессеж зэрэг нь хүний IQ –г түр хугацаанд 10 оноогоор буулгадаг болохыг тогтоосон байна. Иймээс боломжтой бол утасныхаа дууг багасгаж, мессенжерээ хаа.
Захиагаа шалгахдаа, байнга ирдэг мэдээлэл үү, хэн нэгний дамжуулсан захиа юу гэдгийг шалга — дараа нь тэдгээрийг устга. Эсвэл тохиргоогоо өөрчил, ингэснээр байнга ирдэг мэдээллүүд нь автоматаар тусгай фолдерт орж та тэднийг дараа уншиж болно (үүнд ч гэсэн, өөртөө цагийн хязгаар тогтоо). Энэ бол хувийн хяналтын тухай асуудал юм. Хамгийн гол анхаарах зүйл бол хэрвээ та ямар нэг ажлыг амжуулах хэрэгтэй бол элдэв блогоор тэнэхгүй, ямар нэг тоглоомоор тоглохгүй, мөн ажлаа дуусгахаас нааш мессежний хариуг бичдэггүй байх хэрэгтэй. Өөрөөр хэлбэл таны амжуулах гэж буй ажилд саад болох бүх зүйлээс түр ч атугай холд.

"Зааг тогтоо"

Судалгаагаар оффисын ажилтнууд дунджаар 11 минут тутамд ажлаасаа өөр зүйлд анхаарал нь сарнидаг ба тэр бүрт эргэн хэвийн байдалдаа орохын тулд 25 мин зарцуулдаг гэж тогтоожээ. Хэрвээ таны хамт ажилладаг хүмүүс байнга тань дээр ирдэг (таныг завгүй байхад) бол бүтээлчээр зааг тогтоо. Хамт ажиллагчиддаа яаралтай хийх ажил байна, дараа туслахаар 10мин-ын зав гаргая гэж хэл. Гэхдээ өөрийнхөө хичээл зүтгэлдээ хүндэтгэлтэй хандаарай. Та өөрийнхөө чадварыг урьдчилан тодорхойлсноор танд хэрэгтэй зайлсхийх арга замаа олоход хялбар байх болно.

"Ачааллаа хуваалц"

Хамт ажиллагчдаа өрсөлдөгч биш харин нөөц гэж харах нь чухал. Гэхдээ өөрийнхөө хийх дургүй ажлаа хамт ажиллагчдаа тохох хэрэггүй. Та хамт ажиллагчаа өөрийнхөө багт байлгаж, хамтдаа урам зоригтой ажиллахын тулд түүний чадварт итгэх хэрэгтэй.

"Өөртөө цаг гарга"

Өдрийн хоол , спорт заал руу явах завгүй байна уу? Ширээнийхээ ард сууснаар та өөртөө тус хүргэж байгаа хэрэг биш. Дасгал тогтмол хийдэг хүн ажил дээрээ илүү үр бүтээлтэй байдаг нь судалгаагаар тогтооогдсон ба өдрийн цайны цагаар 20 мин алхдаг хүн цайны цагаараа гарахгүй ширээнийхээ ард үлддэг хүнээс илүү бүтээмжтэй ажиллана.

Та бүхэнд амжилд хүсье.

Ярих соёл

2009-10-06T23:39:00.000-07:00

-Уучлаарай таны цаана байгaa зүйлийг авах гэсэн юм
-Хүүе! чиний цаана байгаа зүйлийг авмаар байна
-Уучлаарай, тантай нэгэн зүйлийн талаар ярилцах гэсэн юм
-Хөөш! чамтай нэг юм яримаар байна
-Таны алдрыг хэн гэдэг юм бол?
-Хүүеэ! чамайг хэн гэдэг юм бэ?

Хүмүүс бид өөр хоорондоо бодол санаагаа илэрхийлэх, харьцахад яриа нэн чухал.
Энэ яриа ямар өнгө аялгаар, ямар үгсээр илэрхийлэгдэж байгаагаас, цаад хүндээ янз бүрээр нөлөөлдөг. Яг үнэндээ бид, өөрийн бодол санаагаа бусдад илэрхийлж, хуваалцаж ярилцахдаа л баяр урам, гутрал бухимдлыг мэдэрнэ. Энэ үүднээс нь авч үзвэл ярианы соёл гэдэг нэн чухал зүйл ажээ.

Хүн бүр янз янзын ааш араншинтай байдаг лугаа, өөрийн хүсэл, бодол санаагаа янз янзаар л илэрхийлдэг. Зарим нь өөрийгөө ихэд дөвийлгөн, бусдад дээрэлхүү төрхөөр, зарим нь өөрийгөө ихэд дорд үзэж, бусдад зусардсан өнгөөр, нэг хэсэг нь бусдыг хүндэтгэн эелдэг харьцаж байхад, нөгөө хэсэг нь өөрийн бүдүүлэг байдлаа, тэнэг мулгуу хандлагаар илэрхийлнэ.Ямартай ч хэл ярианы соёл гэдэг, бусдыг хэрхэн үнэлж, хүндэлж байдгийн хэмжүүр байдаг аж.

Хээгүй яриа

Монголчууд бид өөрсдийгөө цагаан цайлган, хээгүй гүндүүгүй байдлаар илэрхийлэх дуртай.
…Хэн нэгэн хүнтэй ярилцахдаа, дотноссон сэтгэлээ илэрхийлж, тухайн хүний сонирхсон, эс сонирхсон байдлыг үл харгалзан, хэрэгтэй хэрэггүй, сонирхолтой сонирхолгүй олон зүйлийг хамж шимэн ярьдаг хүмүүс байдаг. Тийм хүний хувьд хэн нэгэнтэй ярих нь чухал болохоос, юу ярих хэрэгтэй нь төдийлэн чухал бус.

…Хүнтэй ярилцахдаа илэн далангүй байдлаа илэрхийлж, өрөөл бусдад төдийлэн хамаагүй, өөрт хамаатай олон асуудлаа дэлгэн ярьдаг хүмүүс байдаг. Тэд тэр хэмжээгээрээ, өөрт хамаагүй бусдын асуудлыг ч сонирхон, яриулах гэж оролдоно. Тийм хүмүүс, ярьж байгаа хүнийхээ дал мөрөн дээр нь алгадах, энд тэнд нь нудрах зэргээр зэргээр авирлан, хээгүй байдлаа илэрхийлнэ. Харин өөрийн олон асуудлаа дэлгэж, өрөөл бусдын олон асуудлыг сонирхох энэ үзэгдэл, нэгэн цагт хов живийн эх үүсвэр болох нь олонтаа.

…Хүмүүстэй ярилцахдаа марзан шалиг маягаар яриа өдөж, шоолж тохуурхаад эсвэл тоглож наргиад байгаа нь үл мэдэгдэх төрхөөр ярьдаг хүмүүс багагүй байдаг. Тийм хүнтэй ярихад нилээд төвөгтэй. Заримдаа тийм байдлын улмаас инээх ч хэцүү, уурлах ч хэцүү байдалд орох тохиолдол зөндөө.

Мэндчилгээ болон талархлын үг

-Сайн байна уу? та
-Сайн, та сайн байна уу?
-Танд их гялайлаа
-Баяртай, та сайн яваарай
-Танд сайн сайхныг хүсье

Ямар ч хүнтэй уулзаж, ярилцаад салахдаа хэлдэг мэндчилгээний болон талархал салалтын үгсүүд байдаг. Зөвхөн монголчууд төдийгүй дэлхий нийтийн жишиг нь ч ийм. Ийм хэлц үгсийн хэллэг нь янз бүр боловч, утга агуулга нь ойролцоо. Энэ бол нэг ёсондоо хүнийг, хүнийх нь хувьд хүндэлж буйн нэг илэрхийлэл юм даа.

Монголчууд энэ талаар их баялаг, ёсорхуу хэллэгтэй төдийгүй, шүлэглэсэн хэлбрээр уран цэцэн өгүүлэх нь бий.

-Хэт нутаг хаана , хэрэг зориг юунд вэ?
-Та амгалан сайн морилж явна уу?
-За танд их гялайлаа, ачийг тань санаж явах болноо
-Та аян замдаа алжаалгүй сайн явж хүрээрэй
-Даага далантай, бяруу булчинтай онд тарган оров уу? гэхчилэн.
Даяаршил хөгжлийн хурдацтай энэ цаг үед, энэ бүхэн ихэд товчлогдон, амар хэлэгдэх болж дээ.
-Хай
-Юутай байна?
-Юу ч үгүй шив дээ
-Чамаар юу байна?
-Бас л юу ч үгүй
-За за байе
-Байе

Өдөр тутам ийн хэлэлцсээр бэлэг дэмбэрэл гэдгээ ч умартах болж дээ. “Амны бэлэгээс ашдын бэлэг” гэдэгчлэн, бэлэг дэмбэрэлгүй ийм хэлц, бидний амьдралд муугаар нөлөөлж байгаа хэмээн зарим хүмүүс нотлох. “Юу ч үгүй хоосон” гэх бидний өдөр тутмын мэндчилгээний хэлц, бэлэгдлээ байг гэхэд ярианы соёлд хэр нийцтэй юм бол? Монгол хэлэнд байдаг “мэндийн зөрөө” гэдэг ойлголт, нэгэн цагт их ёсорхлыг агуулсан, бэлэгдэлийн үгс байсан аж. Түүгээр ч барахгүй, тухайн хүнээ хэр зэрэг хүндэлж байгаагийн илэрхийлэл гэж үздэг байж.

-Хөөе! аав аа юутай байнаа? гэсэн хэллэгт хүндэтгэл тэгтлээ илрэх билүү? Ядахнаа л
-Сайн байна уу? ааваа. Таны бие амгалан уу? гэж асуувал арай дээр хүндэтгэл илрэх байхаа. Яаж ярих нь хүний эрх хэдий ч, хүндэтгэл, бэлэгдэлээ бодож ярьж байхын муу гэж үгүй.

Ярианы соёл

-Тантай ярилцаж байгаа, ямар ч хүнтэй хүндэтгэл, соёлтой харилцаж байх нь их чухал байдаг. Нэг талаас “хүн” хэмээн хүндэтгэж байгаагийн илрэл, нөгөө талаас таны танихгүй тэр хүн , хэн ч байж болох, маргааш хэн ч болж болох шүү дээ. Ямар ч хүнтэй эелдэг боловсон, соёлтой харилцдаг хүн, ийм харилцааныхаа төлөө хэзээ ч бусдын өмнө эвгүй байдалд ордоггүй юм.
-Хүнтэй харилцан, ярилцаж байхдаа нөгөө хүнийхээ ярьж буй үгийг ихэд анхааран сонсох нь их чухал байдаг. Энэ яриа танд таалагдсан ч эс таалагдсан ч, сонирхолтой эс сонирхолтой байсан ч ярьж буй зүйлийг нь гүйцэд анхааран сонсоно гэдэг, хүндэтгэлийн нэгэн хэлбэр. Учир нь тэр хүн танд л зориулж байгаа хэрэг. Ярьж буй хүнийхээ яриаг бүдүүлгээр таслах, ярьж буй зүйлээс нь шал өөр зүйлийг ярих, үл тоомсорлосон, эсвэл шоолж тохуурхсан өнгөөр ярих нь, нөгөө хүнээ үл хүндэлсэн хэрэг төдийгүй, уг яриаг ямар ч хэрэгцээ ач холбогдолгүй, хоосон зүйл болгон хувиргадаг. Ийм олон үйлдлийн дараа, танд чин сэтгэлээсээ хандан ярих хүн тэгтлээ олдохгүй л болов уу.

-Хүнтэй ярилцахдаа, зөвхөн ярих гэж бодсон зүйлээ л ярихыг хичээ. Хамгийн гол нь таны ярих зүйл ойлгомжтой, товчхон байвал, та хоёрын яриа хэн хэнийхээ сэтгэлд нийцдэг. Зарим хүмүүс ярианыхаа явцад “ам нь халж”, хаа хамаагүй зүйлийг хамж шимэн ярьж “хадуурдаг” муу зуршилтай. Ийм хүмүүсийг амаа авч давхин, хадуурдаг морьтой зүйрлэх нь бий. Ийм тохиолдолд таны яриа ямар ч утга учиргүй болж, хов жив, хэрүүл маргаанд хүргэх тохиолдол олонтаа.

-Өөрийн бодол санаагаа ярилцаж буй хүндээ тулгах, заавал хүлээн зөвшөөрүүлэх гэж оролдох нь, маргаан зөрчилдөөнд хүргэх эхний алхам. Хэрэв яриагаар санал нийлэхгүй бол, заавал маргалдаж, муудалцахын оронд, энэ сэдвээс зайлсхийсэн нь дээр байдаг. Харин тодорхой сэдвээр маргадаж мэтгэлцээд, өөрийн буруу ойлголтоо залруулах, зөв ойлголтоо баталгаажуулах нь үүнээс тэс өөр ойлголт юм.

-Нэгэн гэр бүлд хамтран ажилладаг хүмүүсийн зөрчилдөөнт асуудал нь утсаар ярих соёлд байдаг. Утсаар юуг ч юм хэт удаан ярих нь, дэргэдэх хүндээ ихэд төвөгтэй байдаг төдийгүй, эдийн засгийн хувьд ч ихэд хохиролтой. Уйдсан зарим нэгний утсаар удаан ярих сэдэв нь ихэвчлэн, хов жив, хэрүүл маргаан байдаг. Бие биеийнхээ нүүрийг хараагүй байхдаа, утасны цаанаас улайх биш гэдэгчлэн элдэв замбараагүй, бүдүүлэг хэллэг багагүй яригдана. Үгүй дээ л утсаар ярихдаа: “Сайн байна уу? намайг ……. гэдэг. Би ……тэй ярьж болох уу? гэж эхэлбэл хэн хэндээ тааламжит сэтгэгдэл төрүүлдэг. Харин ……тэй яриулаадах гэж шаардсан өнгөөр хэлбэл танд ямар санагдах бол? Гэртээ байж байгаад, хэн нэгэнд утсаар дарамтлуулахыг хэн ч хүсэхгүй шүү дээ.

Төгсгөл

Монголчуудын “тавхан үгэндээ танигдана” гэдэг хэллэгээр, тухайн хүний хэн болох нь ярьж буй ярианаасаа мэдрэгддэг гэнэм. Тэгэхээр зөв соёлтой ярина гэдэг таны хүмүүжил, оюун санааны илэрхийлэл аж. Ядахнаа үйлээ хянаж, үгээ цэнэж, өрөөлийг хүндэлж, хариуд нь өөрийгөө ч хүндлүүлэх нь, таны сэтгэл санаа тайван, өөрдөг сайхан байхын үндэс.

Та ч гэсэн одооноос өөрийн ярианы өнгө, хэллэгээ анзаарч, засаж сайжруулж яагаад болохгүй гэж? Та бусдыг хүндэтгэж чадваас, бусад хүмүүс таныг хүндэтгэх буюу. Заавал зарлиг шийдвэр хүлээлгүйгээр, дор бүрнээ хичээн өөрчилж болох зүйлийн нэг нь энэ аж.

Эзэн хичээвэл заяа хичээнэ гэдэг.
Таны хэн болох нь тавхан үгэнд танигдана шүү.

Хөгжилтэй бөгөөд үнэн Менежментийн ухааныг 5 минутад сурцгаая!

2009-10-06T23:07:00.000-07:00

Хичээл #1

Нөхөр нь эхнэртэйгээ зөрөөд шүршүүрт орж явахад хаалганы хонх дуугарав. Дөнгөж душнээс гарсан эхнэр нь биеээ алчуураар ороогоод доошоо бууж хаалгаа тайллаа.

Хажуу айлын Боб хаалган дээр зогсоно. Эхнэр юм асуухаас өмнө Боб - Би чамайг наад алчуураа тайлвал 800 доллар өглөө гэх нь тэр. Хэсэг зуур бодсоны дараа хүүхэн зөвшөөрч алчуураа тайллаа. Хэдэн хормын дараа Боб түүний гарт 800 доллар атгуулаад яваад өгөх нь тэр.
Хүүхэн ч биеээ алчуураар эргэж ороогоод дээшээ өрөө лүүгээ явлаа. Дээшээ гарахад нөхөр нь хэн байсан бэ? гэж асуув.

Хажуу айлын Боб л байна гэж эхнэр нь хариулахад нөхөр нь цаадах чинь надаас зээлсэн 800 доллароо чамд өгөөгүй биз гэж асуусан байна.

Энэ түүхээс суралцах нь:

Хөрөнгө оруулагч нартаа зээлийн болон бодит эрсдэлийн талаар мэдээллийг цаг тухайд нь хуваалцвал эрсдэлээ ил тод гаргахаас зайлсхийх боломжтой юм.

Хичээл #2

Нэгэн гэлэнмаа ламтантай машинд явж байж гэнэ. Гэлэнмаа машинд орж суугаад хөлөө ачиж суухад гуя нь ил гарч ламтан золтой л замын осол гаргасангүй. Машинаа бариж яваа ламтан эвтэйхэн гэлэнмаан хөлийг илж эхлэв.

Гэлэнмаа: Ламтаан та Псалм 129 ишлэлийг санаж байгаа биз дээ?

Ламтан гараа татаж аваад араагаа солив. Тэр эргээд гуяан дээр нь гараа аваачив.

Гэлэнмаа дахиад л Ламтаан та Псалм 129 ишлэлийг санаж байгаа биз дээ? гэж асуухад Ламтан: Намайг уучлаарай гэхдээ бие махбодь минь хүчгүйдэж байна гэж хэлэв.

Зорьсон газраа хүрээд гэлэнмаа нууцхан санаа алдаад яваад өгөв.

Ламтан Псалм 129 ишлэлийг яаран гаргаж ирж уншвал "Аажмаар яваад бай, дээшлээд гайхамшгийг мэдрэх болно" гэсэн байв.

Энэ түүхээс суралцах нь:

Ажил дээрээ хэрвээ мэдээлэлгүй байвал гайхамшигтай боломжийг ч алдаж мэднэ.

Хичээл #3

Борлуулалтын төлөөлөгч, ахлах худалдагч болон дэлгүүрийн менежер 3 өдрийн хоолондоо орохоор алхаж явна. Тэд нилээд хуучны бололтой дэнлүү олоод үрж үзтэл Шидтэн гарч ирэх нь тэр.

Шидтэн: Би та бүхний нэг хүслийг биелүүлье.

Ахлах худалдагч: Би эхэнд нь, би эхлээд гэж хэлээд. Намайг Бахамийн арал дээр аваачаад би тэнд завь худалдан авч сайхан амьдармаар байна гэж хэлэв.
Хүслээ хэлж дуусмагц худалдагч алга болчихов.

Дараа нь би, дараа нь би гээд худалдааны төлөөлөгч би Хавайн арал дээр хувийн массажист-тай амарч Пина Колада шимэн хайртайгаа баймаар байна гэж хэлээд мөн алга боллоо.

Одоо чиний ээлж гэж хэлэхэд менежер Би энэ 2-ыг цайны цаг дуусмагц буцааж авчирахыг хүсэж байна гэж хэлжээ.

Энэ түүхээс суралцах нь:

Эхлээд боссоо юу ярихийг сонсох нь чухал юм.

Хичээл #4

Нэгэн бүргэд модны оройд суугаад юу ч хийхгүй байж байв. Жижиг туулай тэр бүргэдийг хараад би бас тань шиг суугаад юу ч хийхгүй байж болох уу? гэж асуув. Бүргэд болно гэж хариуллаа.

Тэгээд туулай бүргэдийн доор суугаад юу ч хийхгүй сууж байв. Гэв гэнэт үнэг гарч ирээд түүнийг идэж орхиж.

Энэ түүхээс суралцах нь:

Юу ч хийхгүй суух хүсэлтэй бол маш өндөрт суух нь чухал юм.

Хичээл #5

Нэгэн цацагт хяруул бухтай ярилцана. Би чам шиг наад модон дээр чинь гармаар л байна гээд санаа алдаад даанч надад тийм хүч чадал алга гэхэд бух чи миний бааснаас идвэл хүчтэй болно. Эдгээр нь дүүрэн енергитэй гэж хэлжээ.

Цацагт хяруул бааснаас ч идэж гарч тэрээр эхний өдөр модны хамгын доод талын мөчир дээр гарч чаджээ.

Энэ мэтээр явсаар дөрөв дэх өдрөө модны дээр бахархалтайгаар гарч ирлээ. Тэрээр модны орой гарсантай баярлаж байтал фермер түүнийг хараад буудаж унагав.

Энэ түүхээс суралцах нь:

Бухын баас нь чамайг өндөрлөгт гаргаж болно гэхдээ чи тэндээ удахгүй юм.

Хичээл #6

Жижигхээн шувуу өвлийн хүйтэнд өмнө зүгт нисэж явна. Маш хүйтэн салхитай байсан тул тэрээр газарт унасан байна. Газар унаад хөдөлж чадахгүй хэвтэж байтал үхэр хажуугаар нь гарахдаа түүн дээр баачихаад яваад өнгөрчээ. Баасан дунд хэвтэж байхдаа тэрээр ямар дулаан болохыг нь мэдэрч эхлэв.

Баас нь түүнийг сайхан дулаацуулж байв. Дулаацаж урам орсон шувуухай баярлаад дуулж эхлэв.

Хажуугаар өнгөрч байсан муур дууг сонсоод хүрч ирлээ. Тэр баасан дундаас шувууг олж бааснаас гаргаад идсэн байна.

Энэ түүхээс суралцах нь:

(1) Чамд дээр баасан хүн бүр чиний дайсан биш юм.

(2) Чамайг бааснаас татаж гаргасан хүн бүр чиний найз биш юм.

(3) Хэрвээ чи баасан дунд гүнзгий орсон бол амаа хамхисан нь дээр!

Эссэ хэрхэн бичих вэ?

2009-10-06T20:17:00.000-07:00

Эссэ гэдэг харь хэлний үг болоод ч тэр үү, эссэ бичнэ гэдэг бидэнд нэлээд хэцүү даалгавар байдаг билээ. Тэгвэл чамд эссэ бичихийн энгийн нууцыг нээе. Энэхүү бяцхан нууцыг судлан мэдээд, өөрийн гарт оруулсан байхад чиний хувьд санаагаа олох, дэлгэрүүлэн бичих, төгсгөл хийх гээд эссэтэй холбоотой, тархи гашилгасан олон асуудлууд үгүй болж, ямар ч сэдвийн дагуу цэгцтэй, ойлгомжтой, сайн эссэг бичихэд хагас цаг л хангалттай байх болно.

Эссэ гэж юу вэ?
Эссэ гэдгийн утга учрыг сайтар ойлгоогүй тохиолдолд эссэ бичихийн тухай санахын ч хэрэггүй биз ээ. Үүнийг ойлгохын тулд эхлээд хүн төрөлхтний нийгэмшин амьдрах болсны цаад шалтгаан тийш анхаарлаа хандуулъя. Нийгмээрээр амьдрах нь юугаараа давуутай вэ?
Олуулаа байхын гол давуу тал нь бие биетэйгээ мэдээлэл солилцсны дүнд бүгдээрээ хөгжиж байдагт оршдог байна. Тэгэхээр ийнхүү мэдээлэл солилцохын тулд, мөн өөрийгөө бусдад илэрхийлэх, өөрийн үзэл бодлыг ойлгуулахын тулд хэл яриа бий болсон билээ. Харин бидний авч үзэж буй үндсэн асуудал болох эссэг агуулдаг бичгийн хэлний хувьд бол харьцангуй сүүлд үүссэн боловч бас л хүмүүсийн харилцааны хэлбэр юм. Товчхондоо эссэ бол "Хүн хүндээ өөрийн үзэл бодол болон сэтгэлийн хөдлөлөө илэрхийлэхэд зориулагдсан бичгийн хэлний нэгэн хэлбэр юм." Бидний өдөр тутмын амьдралд тааралдаж байдаг бусад бичгийн хэлнүүд буюу лекц, сонингийн мэдээ зэргээс ялгарах онцлог нь гэвэл эссэ бол чиний өөрийн үзэл бодлыг илэрхийлэх боломж гэдэг утгаараа илүү ойр дөхөм давуу талтай байдаг. Өөрөөр хэлбэл, эссэ бол бидний уур хүрэм дайсан байх зүйл биш харин ч бидний хамгийн ойрын анд нөхөр болох учиртай юм аа.

Зөвлөмж
Энэхүү "Эссэ хэрхэн бичих вэ?" гэсэн "микро сурах бичгийг" ашиглан өөрөө багахан хөдөлмөрлөөд эссэчин болохыг хүсэгч танд энэхүү зөвлөмжийг зориулж байна. Юуны өмнө үүнийг нэг бүрчлэн уншаад үзэх хэрэгтэй. Дараа нь хичээлийн өөрийн хуваарийг гаргаад тусгайлан цаг гаргаж судлаад үзээрэй. Үүнд ердөө л аравхан хоногийн хэдхэн цагийг зарцуулахад хангалттай байх болно. Хэрвээ чин сэтгэлээсээ хөдөлмөрлөж чадвал нэг л мэдэхэд чи зорьсондоо хүрч эссэ гэдэг толгойны өвчнөөс ангижрах болно гэдгийг амлая.

Эссэ хэрхэн бүтдэг вэ?
Эссэг бид олон олныг уншиж өөрсдөө бичихийг хичнээн олон оролдож үздэг боловч нэг л болж өгөхгүй байгаа биз. Тэгэхээр эссэг яг яаж бичдэг болохыг танд харуулъя.
Багш чинь чамд хоёр хуудас эссэ бичиж ирэх даалгавар өгсөн гэе. Хэрвээ урьд нь чи эссэ бичиж байгаагүй бол энэ нь хэтэрхий том даалгавар мэт санагдах вий. Тэгэхээр хэрхэн бүхэл бүтэн хоёр хуудсыг дүүргэх вэ?
Эхлээд чамд хоёр калибр, нэг гар буу, бас нэг карбин, шувууны хоёр амтай буу байдаг гэж үзье. Ердөө энэ таван буу чинь л чиний бэлэн таван параграф болох болно.
Гэхдээ түр азнаарай. Юу ч гэсэн таван буу байж байг. Тэгэхээр чи эднээр юу хийж чадах вэ? "Миний таван буу их сонирхолтой гэртэй" гэсэн өгүүлбэрийг аваад үзье. Тэгвэл ойлгомжтой чиний эссэ нь буу бүрийн сонирхолтой гэрний тухай өгүүлэх болно. Эсвэл чи өөрийн туршлагаас үндэслэн "Анчин ямар ч ан хийх байлаа гэсэн түүнд таван ширхэг буу байхад л хангалттай" гэж хэлсэн ч болох юм. Тэгвэл чиний дараа, дараагийн параграфуудад буу тус бүрийг хэрхэн хэрэглэх тухай өгүүлэх болно. Эссэний сэдэв олох ба түүнийгээ дэлгэрүүлэлт хийх нь хичнээн энгийн асуудал болохыг бид харж байна. Үүнээс гадна "Бууг хэрхэн цэвэрлэх вэ?", "Бууны үнэ хэрхэн бүрэлддэг вэ?" гэх мэтээр гарчгаа чи дураараа сонгож болох юм. Өөр хэд хэдэн гарчиг бодож олоод бичээд үзсэн ч болно. Гэтэл надад ямар ч буу байхгүй бол яах вэ? гэж санаа зовох хэрэггүй. Магадгүй чамд нохой байгаа байж болох юм. Хоёр гурван нохой нь хоёр гурван бууг сайн орлож чадна. Эсвэл чамд ах, эгч, найз нар, багш нар ядаж ямар нэгэн хобби байгаа биз дээ. Тэгэхээр чамд байгаа ямар ч гэсэн дотроо задардаг сэдэв бүр нь чиний хувьд эссэний сэдэв болж чадах нь байна. Энэ толгой эргэм олон эссэний сэдвийг мэдэж авсны дараа таныг түр зуур амсхийхыг зөвлөж байна. Эднийг одоо яаж эссэ болгох гэж та бодож байна?
Эссэ бичих нь хичнээн хялбар болохыг нотлон харуулахын тулд чамд тав биш гурван буу байсан бөгөөд гарчиг нь "Ангийн буунууд" гэж өгье. Эссэний гол өгүүлбэрт гурван буундаа энгийн байдлаар тодорхойлолт өгөх болно. Жишээ нь Турван буу бол энэ нутагт ан хийхэд хэрэгтэй бүх зүйл мөн." гэсэн өгүүлбэрийг авч үзье. Мэдээж зөвхөн энэ өгүүлбэрийг бичих нь эвгүй учраас өөрийн хувийн туршлага болон мэдээлэлд тулгуурлан багахан дэлгэрүүлэх хэрэгтэй. Эхний параграф:
"Яг одоо надад Ругер маркийн гар буу, Ремингтон 600 загварын карбин, унэгний хоёр амтай буу гэсэн гурван ширхэг буу бий. Эд нар бол энэ нутагт ан хийхэд хэрэг болох бүх зуйл мөн юм. Үунийг одоо тайлбарлая л даа."
Энд гурваас олон өгүүлбэрийн шаардлагагүй. Эссэний танилцуулгын хэсгийн үүрэг бол уншигчийн сонирхлыг татах ба эссэний цаашдын явцын үндсэн төрхийг томьёолох явдал байдаг. Чиний зүгээс эссэндээ хамгийн эхлээд гар бууг дурдсан байгаа билээ. Энэ нь чиний хоёрдугаар параграфын гарчиг болно. Үүнд түүнийгээ
дүрслэн тайлбарлан бичих хэрэгтэй.
"Миний эхний буу бол Ругер маркийн гар буу юм. Энэ буу маань .22-ийн калибртай, 9 сумтай дайзтай бөгөөд 42 унцийн жинтэй. Бас чамин улаан гадаргатай, буудахад их эвтэйхэн байдаг.юм. Туунийг би зөвхөн бап унахад төдийгуп ууль, шар шувуу зэргийг буудахад ашигладаг. Энгийн амарч суух далимдаа зугаа болгож буудах нь тун таатай. Олон ч хагас сайн өдрийг буу бид хоёр эргэн тойрон гуйлдэх хулгана, зурмыг агнаж өнгөрүулсэн дээ."
Гуравдугаар параграф нь мэдээжийн хэрэг дараагийн бууны тухай байх болно.
"Дараагийн буу маань Ремингтон 600 загварын карбин юм. .308-ын энэхуү буу винчестерийн уйлдвэрийн 5 ууртэй дапзтай бөгөөд 5,5 фунтын жинтэй. Бас автомат хамгаалалт 2,75 инчийн гоёмсог гэртэй билээ. Үугээр туулай, чандага агнахад төгс зохицсон бөгөөд гэрийн ойролцоох цөөрөмд ирдэг нугаснуудад мөн ч их тохирсон эд юм шуү."
Үүний дараа дөрөвдүгээр параграф буюу гуравдугаар бууны тухай өгүүлэх болно.
"Миний гурав дахь буу бол үнэгний хоёр амт юм. Энэ .12-ийн хэмжээтэп богино буу бол миний бахархал миний зугаа юм. Хорио тавигдах үеэр буга агнахад хамгийн тохирсон зэвсэг билээ. Энд буганууд нь өтгөн ойн гүнд байдаг болохоор хүчтэйхэн, хурдан буу хэрэгтэй байдаг юм. Энэ бууныхаа ачаар би жилийн 3 улиралд гэртээ байнга антай ирдэг билээ."
Одоо чамд төгсгөлийн параграф хэрэгтэй бөгөөд энэ нь эхлэлтэй холбогдсон байх ёстой. "Ойрын үед би дахиад хэдэн буу авах санаатай байна. Гэхдээ одоогоор манай хотын ойролцоох нэг өдрийн амжилттай анг явуулахад миний гурван буу маань хангалттай зэвсэг болдог юм аа."
Одоо эдгээр таван параграфыг дараалуулан тавиад л эссэ бэлэн боллоо. Дүгнэж үзвэл, эссэ нь чиний өгүүлэх гээд байгаа санаатай яг тохирсон гарчигтай бөгөөд гол санаа нь чиний танилцуулах параграфт тодорхой тусгагджээ. Үргэлжлэлд нь тус бүр нэг бууны тухай агуулсан гурван параграфыг авсан байна. Дараа нь дүгнэлт буюу төгсгөл хэсэгт бүх санаагаа нэг дор "базаж" өгсөн бөгөөд гол өгүүлбэрээрээ ончтой төгсгөсөн байна. Мэдээжийн хэрэг энэ нь нэлээд механик шинжтэй учраас үүний параграфуудыг илүү жишээ баримт болон сэтгэл татах зарим үгсээр баяжуулах нь зүйтэй юм.
Энэ эссэг бичихийн өмнө эссэ бичиж болох хэд хэдэн эх үүсвэрийн тухай ярилцсан билээ. Багш, ах, эгч нар болон хоббиныхоо тухай нэгэн эссэг дараахь хүснэгтийн дагуу бичээд үзээрэй.

Миний гурван
Эхний параграфт гол өгүүлбэр байна. Миний гурван
2 дахь параграфын гарчиг өгүүлбэр. Миний эхний
3 дахь параграфын гарчиг өгүүлбэр. Миний дараах
4 дахь параграфын гарчиг өгүүлбэр. Миний гурав дахь
5 дахь параграф эссэгээ дүгнэнэ. Эд нар бол миний гурван
Энд орхисон хоосон зайнуудад хамгийн багадаа 3 өгүүлбэр бичснээр чиний эссэ чинь бэлэн болох болно.

Гэвч параграф гэж юу вэ?
Бид өмнөх сэдвүүдэд параграфын тухай зөндөө их ярилаа. Харин одоо параграф гэж чухам юу болох, түүний бүтэц ямар болох, яаж түүнийг бичдэг тухай авч үзье. Тэгэхээр эссэ бичихийн тулд параграср гэж юу болох тухай маш сайн мэддэг байх ёстой. Хүн төрөлхтний нийгэмшин амьдардгийн гол утга учир нь хоорондоо харилцах ба бичихүйн гол шалтгаан бол цаг хугацаа хийгээд орон зайг алгасан өөр нэгэнд санаа бодлоо илэрхийлэх болох тухай өмнө нь өгүүлсэн. Параграф бол уншигчдад хаана шинэ санаа эхлээд хаана дусч байгааг мэдэгдэх бичгийн хэлний соёл юм. Хамгийн түгээмэл бөгөөд өөрийн санааг илэрхийлэхэд дөхөмтэй параграфын хэлбэр бол "тайлбар" параграф байдаг. Параграф хэрхэн бичдэг тухай энэ параграфын жишээн дээр үзье.
Тайлбар параграфыг төлөвлөх нь эгээ л нэг жижигхэн байшин барихтай адил юм. Юуны өмнө чи яах гэж тэр байшинг барьж. байгаа тухайгаа мэдэж байх ёстой. Үнэхээр, яах гэж байгаагаа мэдэлгүй зүгээр л нэг байшин барья гэвэл утгагүй хэрэг болно биз дээ. Үүний дараа байшин нь өөрийн зорилгод хамгийн их нийцэж байхаар бодож зураг төслөө зурна. Тэгээд зурсан зураг чинь чиний тавьсан зорилгод тохирох эсэхийг дахин сайтар шинжилж үзсний эцэст л хэрвээ чиний сэтгэлд бүрэн дүүрэн нийлж байвал сая байшингаа барьж эхлэнэ. Хэрвээ ямар нэгэн өөрчлөлт хийхээр бол эхлээд зурган дээрээ засвар хийгээд дараа нь л байшингаа засдаг.
Параграфыг зохион байгуулах нь байшин барихтай адилхан юм. Зорилго буюу гол санаагүйгээр "толгой" өгүүлбэрийг эхлүүлэх хэрэггүй юм. Харин гол санаагаа тов тодорхой болгосны дараа бол чиний хувьд төлөвлөлтийг хийж бүрэн болно. Зөвхөн үүний дараа л чиний өөрийн санааг хүмүүст зөв хүргэхээр бичих ээлж ирэх ёстой. Мэдээжийн хэрэг ямар ч барилгачин өөрийн барьсан байшинг аятайхан цонхтой байгаасай гэж боддог шиг чиний эссэ цэгцтэй, тодорхой төгсгөл хийх хэрэгтэй.
Товчхондоо тайлбар параграф гэдэг нь хоорондоо холбоотой бүлэг өгүүлбэрээр өрнөдөг. Гол санаа нь толгой өгүүлбэрээр танилцуулагдах бөгөөд энэ нь логик утгаар энэ өгүүбэрийг баяжуулж чадах бүлэг өгүүлбэрээр дамжигдан өрнөх болно. Мэдээж хэрэг хүчтэй дүгнэлт бол ус агаар шиг чухал юм.
Гол санаа. Энэ бол чиний параграфын тусгалын цэг, анхаарлын төвд байх, чиний зорих тэр л зүйл юм. Төлөвлөлт хийх ба бичилт эхлэхийхн өмнө чамд юуг илэрхийлэхийг хүсч байгаа тухай тодорхой санаа байх ёстой. Жолооч хүн хаана хүрэхээ мэдэж байж хамгийн дөт сайн замыг сонгож чаддагчлан бичигч хүн өөрийн юуг илэрхийлэхийг мэдэж байж сайн зохиол, бүтээл гаргах болно. Сонирхолтой гол санаанууд нь тунхгийн шинжтэй байх нь тохиромжой бөгөөд ерөнхий байсан нь зохимжтой байдаг. Жишээ нь "Би эсрэг хүйснийхэнтэйгээ найрсаг харилцаа тогтоож чаддаггүй." гэж хэт субъектив шинжтэй гарчгийг өгснөөс "Зарим хүмүүс эсрэг хүйснийхэнтэйгээр найрсаг харилцаа тогтоож чаддаггүй" гэсэн нь илүү дээр байх болно.
Төлөвлөлт. Гол санаа буюу гарчгийг олсны дараа төлөвлөлт хийх нь хялбархан байх болно. Чиний гол санаа чинь эссэний бичлэгийн хэлбэрийг тодорхойлж өгөх учир чиний хувьд өөрийн санааг тодотгоход шаардлагатай гэж үзсэн түлхүүр үгс болон илэрхийллүүдийг бичихэд л хангалттай юм. Дараа нь эдгээр нь үнэхээр гол санааг илэрхийлэхэд ямар үр нөлөөтэй болохыг шүүн үзээд хэрэггүй бол шууд дарах хэрэгтэй. Үлдсэн үгс чинь дараагийн ажилд чинь хэрэг болно.
Толгой өгүүлбэр. Гол санаагаа олох явдал бичиж байгаа хүнд хичнээн чухал байдаг вэ, толгой өгүүлбэр бол уншигчдад төчнөөн чухал байдаг юм. Энэ нь гол санаатайгаа ижил утгатай, өдөөх сонирхол төрлүүлэхүйц байх ёстой. чиний өмнө суугаад сонсож байгаа хүнээс ялгаатай нь уншигчид чамаас ойлгомжгүй зүйлээ асууж чадахгүй бөгөөд чи түүнд өөрийн үгийг засаж хэлж чадахгүй. өөрөөр хэлбэл, хэрвээ толгой өгүүлбэр нь сонирхолгүй байвал уншигч тэр дороо чиний эссэг орхиод явчихаж ч болох боловч. чиний баталгаа нотолгооны хэсэг хичнээн сайхан байгаад ч нэмэргүй юм. Толгой өгүүлбэр нь шууд, шууд биш, яруу гэсэн хувилбартай байж болдоог. Шууд гэдэг нь "Оюутны хөдөлгөөн нь сургуулийн удирдлагын шийдвэрт нөлөөлж чадна." Шууд биш гэдэг нь: "Саяхан би нэгэн хуульчтай телевизын тухай ярилцлаа." Яруу гэдэг нь "Засгийн газрын гишүүнчлэлийн тоо нь хэнд хэрэгтэй вэ?" гэсэн байж болно.
Эдгээр бол мэдээж хэрэг параграфын бүх зүйл биш ч гэсэн хамгийн гол амин сүнс нь учир үүнийг сайтар судлан үзэж өөртөө эзэмших хэрэгтэй. Ийнхүү бид эссэ бичихийн хамгийн энгийн асуудлуудыг авч үзлээ. Одоо бүгдээрээ эссэ бичихэд анхаарах зүйлсийн тухай авч үзье.

Эссэг эхлүүлэх аргууд.
Суут Пифагор "Аливаа үйлийн эхлэл нь тэн хагастайгаа тэнцүү байдаг." гэж хэлсэн нь бий. Эссэ бичих цаг хугацааны хувьд үнэн ч юм шиг. Оюутнууд үнэхээр эхний параграфыг бичихэд маш их цаг зарцуулдаг билээ. Эхний танилцуулах параграфын гол зорилго нь ямар нэгэн аргаар уншигчдын анхаарлыг татах явдал юм гэдгийг санах хэрэгтэй. Доор зарим жишээг өглөө:
1. Эхний ээлжинд ямар нэгэн асуулт тавиад түүндээ өгөх өөрийн хариултыг тайлбарлах замаар эссэг эхлүүлж болно.
2. Номноос буюу хүний хэлсэн үгнээс тохирсон ишлэл авах
3. Толгой өгүүлбэрээ бичээд түүнийгээ хамгаалж бичих
4. Хүүрнэл буюу цөөн мөр харилцан яриагаар эхлэж болно.
5. Өөрт болон хэн нэгэнд тохиолдсон сонирхолтой үйл явдал, онигоогоор эхэлж болно.
6. Эсвэл дараахь бэлэн загвараас ашиглаж болно:

Эссэг өрнүүлэх аргууд
Өөрийн бодлыг зөв, цэгцтэй илэрхийлэхэд эссэгээ тодорхой нэгэн аргад баригдаж бичих нь сайн байдаг тэгэхээр эссэ бичдэг хэд хэдэн аргыг авч үзье.
1. Дедуктив арга. Өөрийн гол санаагаа илэрхийлэхийн тулд хөндөх шаардалагтай хэд хэдэн санаа байгаа үед хэрэглэдэг арга юм. Энэхүү энгийн арга нь нийт эссэний 75% д ашиглагддаг байна. Жишээ нь "Би чамд дургүй, яагаад гэвэл чи харамч, муу хүн" гэсэн өгүүлбэрээр толгой өгүүлыэр хийсэн гэвэл эссэ нь яагаад дургүй тухайгаа, мөн харамч хүн гэж, муу хүн гэж ямар хүнийг хэлдгийг тайбарлах шаардлагатай болно. Энд энэ аргыг хэрэглэн эссэ бичиж болох 3-н аргыг өгсөн байгаа.
a. Хэрхэн суралцах вэ?
b. Гурван төрлийн оюутан
c. Миний амьдралын зарчим
2. Индуктив арга. Дедуктив аргын урвуу арга: Хэрвээ өөрийн гол санааг эссэний төгсгөлд хүртэл хадгалахыг хүсвэл энэхүү аргыг хэрэглэнэ. Дээр авч үзсэн жишээ өгүүлбэр энэ тохиолдолд "Чи харамч, муу хүн учир би дургүй болж өөрчлөгдөнө. өөрөөр хэлбэл эссэний эхний хэсгүүдэд харамч, ба муу хүний тухай бичээд дараа нь төгсгөл хэсэгт түүнд муу тухайгаа бичнэ.
a. Машины даатгал
b. Бидний ёс суртхууныг хэн үгүй хийв?
c. Би сонссон байх ёстой
3. Хронологийн арга. Үйл явдлыг цаг хугацааны дарааллын дагуу өгүүлэх арга юм. Хэрвээ чиний эссэнд бүхэлдээ цаг хугацаа чухал үүрэг хүлээж байвал энэхүү арга нь үнэхээр үр дүнтэй араг юм. Гэвч ийм төрлийн эссэнд зарим дутагдал гээд ... үүнд нэгдүгээрт, бүх зүйлийг нэг бүрчлэн өгүүлвэл уншигчдад таагүй сэтгэгдэл үлдэнэ.
a. Миний хамгипн дурсгатай өдөр
b. Хүн төрөлхтөн байгальд дайсагнасан байдлыг зогсооё
c. Тамирчны диваажин
4. Дүрслэн бичих арга. Хэрвээ'чи бичиж байгаа зүйлийнхээ тухай уншигчдаас ямар ч байсан илүү мэднэ гэдэгтэй итгэлтэй байгаа тохиолдолд болон сэтгэл хөдлөн үйл явдлын тухай бичихэд хэрэглэгддэг арга юм. Аргын зорилго бол уншигчдад өөрийн мэдэж байгаа зүйлийн тухай өөртэйгээ ижил төсөөлөл өгөх байдаг.
a. Гайхалтай машин
b. Миний их сургууль
c. Дотуур байрны нэгэн өрөө
5. Аналогийн арга. Ямар нэгэн нийлмэл төвөгтэй зүйлийг өөр энгийн зүйлтэй зүйрлэн тайлбарлах арга юм. Ихэвчлэн хоёр зүйлийг авч хооронд нь харьцуулдаг.
a. Зураг зурах ба эссэ бичих
b. Хуучин ба шинэ үе
c. Шашин ба сэтгэл зүй
6. Шалтгаан ур дагаврын арга. Ямар нэгэн үйл явдал санаа бодол нь ямар үр дүнд хүрснийг үзүүлэхэд хэрэглэнэ. Ийм төрлийн эссэг шалтгаан нь үр дагавраа хэрхэн бий болгож байгаа байдлаар болон үр дагавар нь шалтгаанаа хэрхэн бий болгож байгаа байдлаар зохиомжлон бичиж болно.
a. Шалгалтанд унагчид
b. Багш нар шуүгчид болох нь
c. Яагаад хүмүүс уурладаг вэ?

Эссэг хэрхэн төгсгөх вэ?
Эссэний төгсгөл нь эхлэлээсээ дутахааргүй чухал юм. Анхлан бичигч хүмүүст зориулсан энгийн нэгэн чухал дүрэм байдаг. Энэ бол "Хэрвээ чи хэлье гэснээ хэлж болсон бол одоо зогс." Хэтэрхий сунжирсан нуршуу төгсгөл чиний эссэг тэр чигт нь унтраачихаж ч магадгүй юм шүү. Эссэний төгсгөл ихэвчлэн дүгнэсэн байдалтай байдаг. Өөрөөр хэлбэл, чиний эссэ нь зорилгодоо хүрсэн гэсэн сэтгэгдлийг уншигчид үлдээхийн тулд чи эссэгээ заавал дуусгаж дүгнэх хэрэгтэй байдаг. Эссэг хэрхэн төгсгөх зарим аргыг авч үзье:
1. "Бид ийм байдлыг үргэлжлүүлсээр л байх уу?" гэсэн асуултаар төгсгөж болно.
2. Толгой өгүүлбэртэйгээ хамааралтай ишлэлээр төгсгөж болно.
3. Чиний зорилго ямар цэгт хүргэж байна вэ?
4. Өөрийн дэвшүүлсэн санаагаа хоёр талаас нь харж дүгнэх маягаар төгсгөж болно.
5. Энэ сэдвийн дагуу уншигчид өөр ном эссэнээс уншихаар бодож төгсгөж болно.
6. Эссэ нь мөн уншигчдад амлалт, тангараг өгөх болон анхааруулгаар төгсөж болох юм.

Гэвч хэзээ ч дараахь маягаар эссэгээ бүү төгсгөж байгаарай.
1. Уншигчаас цагийг нь үрсэн болон сонирхолд нь нийцээгүй байж магад гэх мэтээр уучлал гуйх. Энэ нь өөрийн хөдөлмөрийн хүндэтгээгүй мөн уншиж буй хүний хөдөлмөрийг ч хүндэтгээгүй хэрэг болно.
2. Өөр нэгэн гол санаа болон гарчгийг санал болгох

Төгсгөл
Энэхүү бичвэрийг уншиж эхлэхэд таны өмнө эссэ гэсэн аварга том хар үүл сүртэй нь аргагүй зогсож байсан бол одоо эссэ гэДэг бол тийм аймаар эд биш бөгөөд харин ч хэн бүхний хийж чадах энгийн зүйл юм гэдгийг ойлгосон бол миний зорилго биелж байгаа юм. Дахин сануулж хэлэхэд аливаа зүйлийг өөрийн болгон эзэмшихэд хөдөлмөр тэвчээр хоёр хамгийн чухал учир шилдгийн шилдэг эссэ бичиж чаддаг болохын төлөө хөдөлмөрлөхийг та бүхнээс хүсье. Нэгэн залхуу хүний тухай үлгэрт "...аймшигтай залхуу хүүгээ засахын тулд хөөрхий эцэг эх нь гэртээ орхиод явж гэнэ. Тэгээд өлсөж үхүүлэхгүй тулд гэрийнхээ унинаас хоолыг нь зүүгээд явжээ. Тэгээд хэд хоногийн дараа- ирэхэд хүү өлгөөтэй хоолыг харсаар үхсэн байсан" гэж өгүүлдэг. Монголын өнөөгийн залуусын дотор тиймэрхүү залхуус мэр сэр байсаар байгаа бөгөөд харин үүнийг уншигч та тэдний өрөөсөн дугуй биш учир миний зөвлөсний дагууд хөдөлмөрлөж чадна гэдэгт итгэлтэй байна.

Logo ямар байх ёстой вэ?

2009-10-06T18:37:00.000-07:00

Миний бие сүүлийн үед байгууллагын лого, түүний дизайн, өнгө, утга ямар байвал хүмүүст илүү их хоногших, цаашдын сайн амжилтанд нөлөөлөх талаар судалж, сонирхож байна. Гэтэл логонд нэгэн анхаарах чухал ойлголт байдаг байна. Энэ бол логоны харагдах байдал ажээ. Тэгээд нэгэн сонирхолтой мэдээллийг орууллаа.

Лого хэмээх ойлголт нь маркетингийн шинжлэх ухаантай салшгүй холбоотой билээ. Лого нь компаний таних тэмдэг нь болж хэрэглэгчдийн хар хайрцагт тухайн компанийг санаж байх хамгийн гол зүйл болдог гэдгийг хэн бүхэн мэдэх байх.

Жишээ нь босоо хэлбэр бүхий логонууд маш түгээмэл ашиглагдах болсон байна. Шарсан үхрийн махтай сэндвичээрээ алдартай Arbys-ийн лого энэхүү ангилалд хамаарна.

Мөн хэвтээ хэлбэртэй логонууд өргөнөөр ашиглагдаж байна. Үүнд дотуур хувцас үйлдвэрлэгч компани болох Victoria’s Secret-ийн лого орно.

Квадрат хэлбэртэй логонууд ч түгээмэл ашиглагдаж байна. Үүнд автомашин түрээслэгч компани Avis-ийн лого орно.

Эндээс гарч ирж буй нэг асуулт бол “Лого ямар хэлбэртэй байх ёстой вэ?” гэсэн асуулт юм. Ер нь лого ямар хэлбэртэй байх ёстой юм бол?

Лого сурталчилгааны хуудсанд зохицох ёстой юу? Жишээ нь: Hilton зочид буудлын лого хэвлэлийн нүүрэнд маш сайн зохицдог.

Эсвэл лого телевизийн дэлгэцэнд маш сайхан дүрслэлтэйгээр харагдаж байх ёстой юу? Жишээ нь: Coca Cola-ийн логог гүйцэхээр сайхан дүрслэлтэй лого байхгүй байх.

Аль эсвэл лого бүтээгдэхүүнийхээ сав баглаа боодол дээр гоё харагдаж байх ёстой юу? Жишээ нь Volvo-ийн эмблем автомашиныхаа хамар дээр зохицдог шиг.

Лого хүний нүдэнд харагдахдаа зохимжтой байх ёстой. Лого ямар ч хэлбэр хэмжээтэй байсан гэсэн хэрэглэгчид л нүдээрээ хардаг. Иймд лого хүний нүдэнд зохицдог байх ёстой.

Хүн аливаа зүйлийг хоёр нүдээрээ хардаг тул лого зөвхөн ганц нүдэнд биш 2 нүдэнд зохицохоор байх ёстой. Иймд лого хүний хоёр нүдэнд зохицохын тулд тэгш өнцөгт хэлбэртэй байвал зохимжтой.

Лого хүний нүдэнд зохицохоор харагдахын тулд төгс харьцаатай байх ёстой. Төгс харьцаа бол өндрөөшөө 1 нэгж, уртаашаа 2.25 нэгж юм.

Өнөөдөр зар сурталчилгаанаас их зүйл алга байна. Иймд логог үр дүнтэй бүтээхийн тулд төгс харьцааг баримтлах шаардлагатай.

Victoria’s Secret-ийн лого урьд нь хэтэрхий урт, өргөөшөө сунасан хэлбэртэй байжээ.Тэдний логог дэлгүүрт олж харахад нэлээд хүндрэлтэй байв. Харин шинэ лого нь нэлээд тохиромжтой хэлбэртэй болсон байна.

Харин Танай лого ямар байдаг вэ?

........................

Залуу Маркетерийн хувийн блог

2009-10-06T02:11:00.000-07:00

2009 оны Намрын дунд сарын шиний 17-ны Дашням, Балжинням давхцсан билэгт сайн өдрийн мэндийг хүргье.

Миний бие энэхүү шинэ блогтоо өөрийн ажил мэргэжил болох Маркетингийн ухаан, түүнтэй холбоотой шинэ содон мэдээ, мэдээллийг чадан яадан оруулж байх болно. Таны мэдлэгт өчүүхэн ч гэсэн тус болж чадвал баярлах байна.

За ум сайн амгалан болтугай.

2009.10.06